اللَّيل

Yalli barai xiibite, bari ditet baaxó buula waqdi,

Kaadu laqól xiibite, is diifut baaxó ifissi hayta waqdi,

Kaadu labtii kee saytiyá gine Rabbi isil xiibite.

Diggah sin taama sissinih, isin addunyah taamita maraa kee akeerah taamita marah anuk.

Tokkel Yalli acuya iyyem yeceeh, Yallak meesite numuh tu-gactek,

Kaadu maqaaney (jannat kinnuk) yalli meqe marah massoyse nummaysek,

Toysa maqaanê gita kaah xabbacoysenno.

Kaadu cillaaliteeh, Yallak gaddalime numuh tu-gactek,

Kaadu maqaaney (jannat kinnuk) yalli meqe marah massoyse dirabboysek.

Toysa umaanê gita kaal xabbacoysenno.

Usuk girat rada waqdi, kay maali tu kaah maxiqa.

Diggah tirtó gitay massa Ie baxxaqisnam nel tan.

Kaadu diggah ellecabô dabqii (akeera) kee naharsi dabqii (addunyal) cnni ittam inkih nanu lino.

Toysa, urtah hadiidigta girai sin meesiisa.

Tet cultam matan gibdi umeyna akke waytek.

Usuk Nabii dirabboyseeh, iimaanat derre cabe numu.

Teetik axxersimele Yallak kaxxam meesita num.

Usuk isi maalu yacee numu, ise saytunnoysâ gideh.

Kaadu hebltô numuy kay xaqul elle galtima niqmat ley kaah yemqe mayan.

Kinnih immay, usuk tamah kah abem fayya iyya Rabbih foocih fayxi kinni.

Kaadu usuk sarrah galtot ruffu axceleeh teetit leedele jannat culuwaa saaku.