الشَّمس

Yalli ayróo kee tet wallaqental xiibite.

Kaadu alsâl xiibite, teetil katayta waqdi.

Kaadu laqól xiibite, is dite kalta waqdi.

Kaadu barai xiibite, usuk ditet baaxó buula waqdi.

Kaadu qaran kee qaran xise Rabbi xiibite.

Kaadu baaxóo kee baaxó fidse Rabbil xiibite.

Kaadu nafsii kee nafsi massoyse Rabbil xiibite.

Tokkel umaanê gitaa kee maqaane teetik edde tan gita teetih baxxaqiseh.

Nummah dambik tet saytunnoyse num naggooweh.

Kaadu nummah umaanet tet yubkune num baxaysiteh.

Samuud deqsita mari Yallih farmoyta Nabii Saalic dirabboyseh, usun umaanet caddok tatreenimih sabbatah.

Woo marak umaaneh gibdi num kaqteeh alá yusguude waqdi.

Tokkel Yallih farmoyti Nabii saalic keenik iyyeh: Yallih alá umaaneh maxaginaay, tet arakih ayró teetih caba.

Tokkel kaa dirabboyseeniih, tet yusguudeeniih, ken Rabbi digaalá ken duuduseh alifii keenil hee ken dambih, Woo digaalá keenil massoyseh.(num keenik ma- raaqinna woo digaalák).

Yalli keenil baaheemik ciggiiliyyah kak meesitâ mali.