الغاية من الحياة
Makusudio ya Maisha * (Kuwepo kwa Muumba) Mwanadamu anajiuliza katika safari yake ya kiakili kuhusu asili ya ulimwengu na muanzilishi wake: Ni nani aliyeumba mbingu na ardhi na vilivyomo ndani yake miongoni mwa viumbe? Ni namna gani inajipanga vizuri na kutulia Dunia hii kubwa, pamoja na kanuni zake zinazoipangilia mpangilio madhubuti kwa miaka yote? Je, ulimwengu huu ulijiumba wenyewe? Au ulizuka pasina kutokea mahali? Au umepatikana ghafla?
These files are generated automatically from the book's text; their layout may differ from the printed edition.
Makusudio ya Maisha *
(Kuwepo kwa Muumba)
Mwanadamu anajiuliza katika safari yake ya kiakili kuhusu asili ya ulimwengu na muanzilishi wake:
Ni nani aliyeumba mbingu na ardhi na vilivyomo ndani yake miongoni mwa viumbe?
Ni namna gani inajipanga vizuri na kutulia Dunia hii kubwa, pamoja na kanuni zake zinazoipangilia mpangilio madhubuti kwa miaka yote?
Je, ulimwengu huu ulijiumba wenyewe? Au ulizuka pasina kutokea mahali? Au umepatikana ghafla?
Nani aliyekuumba, ewe mwanadamu?
Ukitazama mwili wako chini ya hadubini, utaona ulimwengu wa usahihi na maajabu kwani kila seli katika mwili wako inabeba ndani yake taarifa za kurithiana zenye misimbo (kanuni) tata. Je, umewahi kujiuliza ni nani aliyeandika misimbo (kanuni) hizi? Na ni nani aliyeziweka mahali pake sahihi?
Kila jengo refu, na kila nyumba ya kawaida, inasimulia hadithi ya mtengenezaji wake; je, inaingia akilini kuwa ulimwengu huu mpana na uzuri wake na ustadi wake na mpangilio wake upatikane bila ya muumbaji?
Ewe mwanadamu, kama ambavyo akili yako haikubali kuambiwa kuwa: Simu janja iliyotengenezwa kwa ustadi mkubwa ilitokea ghafla bila ya kuwepo mbunifu au mtengenezaji, au kwamba mtandao tata wa vifaa unafanya kazi kwa uratibu na usahihi bila ya kuwepo mpangiliaji au msimamizi, vivyo hivyo akili sahihi haikubali kuambiwa kuwa: Ulimwengu huu mkubwa pamoja na yote yaliyomo miongoni mwa mpangilio na ubunifu na kanuni za kina na mpangilio madhubuti umejileta bila ya muumbaji?
Na inakuja aya ya Qur'ani ikiwa wazi kuelekeza akili katika kutafakari kwa kina juu ya swali hili kubwa. Anasema Mwenyezi Mungu Muumba, Aliyetakasika na kutukuka:
Hebu Aya hii ituweke mbele ya uwezekano wa mambo matatu ya kiakili:
1. Je, inawezekana kwa ulimwengu kuwa umepatikana kutoka katika kutokuwepo? Na hili haliwezekani; kwani kutokuwepo hakuwezi kuleta kitu chochote.
2-Je! Inawezekana kuwa umejiumba wenyewe? Na hili pia haliwezekani; kwani kitu hakiwezi kujiumba chenyewe.
3. Unabakia uwezekano wa kimantiki (unaoingia akilini), nao ni kuwa ulimwengu huu una muumbaji mtukufu mjuzi muweza.
Kila kipande cha ulimwengu huu, kutoka punje ndogo kabisa hadi jumba kubwa zaidi, ni dalili juu ya utukufu wa Muumbaji wake; haiwezekani kwa akili ya kawaida kuwa mfumo huu madhubuti umeibuka kutoka katika machafuko. Akili inakataa kwamba ulimwengu huu umeibuka kutoka katika kutokuwepo, au kwamba mfumo huu wa ajabu wenye ustadi ni matokeo ya bahati nasibu isiyo
Sifa za Muumba
Na kama vile akili iliyo sahihi na maumbile yenye usawa vinavyomuongoza mwanadamu kuamini kuwepo kwa Muumbaji wa ulimwengu, vivyo hivyo vinatusukuma kutafakari juu ya sifa za Muumbaji huyu na haki yake juu yetu.
Kwa hakika, kutafakari juu ya sifa za Muumba huyu kunatufungulia milango ya uelewa wa kina kuhusu umuhimu wa yeye kusifika kwa ukamilifu wa hali ya juu na kumtakasa dhidi ya kila upungufu.
Hii inamaanisha kuwa Muumba anasifika kwa sifa zote za uzuri na utukufu, kwani Yeye ametakasika, ana uwezo juu ya kila kitu, anajua kila kitu, na ni mwenye hekima katika kila alichoumba na kukadiria. Na ukamilifu huu siyo tu uwezekano bali ni lazima ya kiakili, kwa sababu upungufu wowote katika sifa zake utapelekea kasoro katika uumbaji na usimamizi, jambo ambalo linapingana na ukamilifu wa ulimwengu tunaouona.
Kama vile kutakasika na mapungufu kunavyo maanisha kuwa muumbaji amejitosheleza na viumbe vyake, hahitaji kwa yeyote, bali wote wanamhitajia katika kuwepo kwao na kubakia kwao. Na Yeye Mtakasifu ametakasika na mshirika na mwana, kwani hivyo ni katika dalili za upungufu na udhaifu, na Mwenyezi Mungu Mtukufu ametakasika na hayo yote.
Kutafakari na kuzingatia ulimwengu huu kunatuongoza kwenye yakini kwamba aliyeleta uwepo wa ulimwengu huu kwa ubunifu huu hawezi kuwa isipokuwa ni Muumbaji mkamilifu katika nafsi yake, sifa zake na vitendo vyake, aliyeepukana na kila kasoro au upungufu, anayestahiki kuabudiwa na kunyenyekewa peke yake.
Na kuthibitisha sifa za ukamilifu kwa Mola Mtukufu, kunamaanisha upweke wake na kwamba yeye ndiye aliyepekee kwa ukamilifu kuliko vingine vyote. Basi ukamilifu kamili haumstahiki isipokuwa mmoja, hivyo ni lazima awe yeye pekee ndiye anayestahiki kuabudiwa bila ya yeyote mwingine.
Mwenyezi Mungu Mtukufu si muumba wa ulimwengu tu! Bali ni Mmiliki na Msimamizi wake, ambaye mkononi mwake kuna amri ya kila kitu, na ndiye anayeendesha mambo yake kwa hekima yake; hakuna kinachotokea katika ulimwengu huu isipokuwa kwa idhini na mapenzi yake. Na Yeye ndiye Mgawaji wa riziki aliyechukua dhamana ya riziki za waja wake, na amewaandalia wanachohitaji kwa ajili ya maisha na kuendelea kuwepo.
Ikiwa Mwenyezi Mungu ndiye Muumbaji Mkuu anayesifika kwa sifa za ukamilifu na utukufu, na ndiye aliyetuleta na kuleta ulimwengu kutoka katika kutokuwepo, na ndiye mmiliki wa vyote vilivyomo, na ndiye anayeturuzuku na kutuzunguka kwa rehema yake, na ndiye msimamizi na muendeshaji wa kila kitu; je, haifai kwetu kumshukuru na kutafuta namna ya kupata radhi zake na namna ya kutekeleza haki yake inayotupasa na kufanya kazi ili kufikia lengo ambalo tumeumbwa kwa ajili yake?
Lengo la Kuumbwa
Je, inaingia akilini kuwa Mwenyezi Mungu atuumbe kisha asitufafanulie ni kitu gani anachohitaji kutoka kwetu?
Kwa nini tuko hapa? Ni yapi makusudio na malengo ya uwepo wetu katika maisha?
Nini kitatokea kwetu baada ya kifo?
Fikiria pamoja nami kama mwanadamu angejenga kasri la kifahari, na kulipatia vifaa vya kisasa vya teknolojia, kisha baada ya kumaliza ujenzi wake, akaamua ghafla kulibomoa kabisa. Je, tunaweza kumuita mwanadamu huyu kuwa ana hekima? Si ni wazi kwamba kitendo kama hiki kinachukuliwa kuwa cha kipuuzi kisichofaa kwa mwenye akili?
Ikiwa kitendo hiki hakikubaliki kwa mwanadamu, basi vipi tunaweza kufikiria kuwa Mwenyezi Mungu Mwenye hekima, ajuaye zaidi, ameumba ulimwengu huu mzuri kwa umahiri na ustadi, kisha auharibu bila lengo au hekima yoyote?
Mwenyezi Mungu amewaumba wanadamu kwa hekima kubwa, nayo ni kumuabudu yeye pekee asiye na mshirika, na amewaumba ili awapime katika dunia hii, na akawawekea miadi (muda) watakaofufuliwa Siku ya Kiyama ili wahesabiwe kwa matendo yao; basi atakaye muamini Mwenyezi Mungu na akaitikia wito wake atakuwa na neema za Peponi na atadumu humo milele, na atakaye puuzia haki atakuwa miongoni mwa watu wa Motoni.
Haki ya Mwenyezi Mungu juu ya watu ni kumuabudu yeye na wala wasimshirikishe na chochote.
Ibada haiwi isipokuwa kwa yule anayestahiki, na miongoni mwa sifa kuu za kustahiki ibada ni kwamba, muabudiwa ni muumba mpangiliaji mgawaji wa riziki mwenye sifa za ukamilifu.
Na kuhusu wengine wasiokuwa Yeye, ni miongoni mwa viumbe dhaifu wasio na uwezo wa kujinufaisha wala kujidhuru, haifai kuwalekezea chochote katika ibada. Hakika kuabudu masanamu haya na viumbe dhaifu ni kupotoka kutoka katika maumbile sahihi yanayokubali ulazima wa kumuabudu Mwenyezi Mungu peke yake, Muumba wa ulimwengu Mtukufu.
Ibada ni haki ya wajibu juu yetu kwa sababu ndio lengo la kuwepo kwetu, nayo ni dalili ya shukurani zetu na kukiri kwetu juu ya Uungu na Uumbaji wa Mwenyezi Mungu. Na mwenye kuacha ibada ya Mwenyezi Mungu au akamshirikisha na mwingine, basi amejidhulumu nafsi yake na amepotoka kutoka njia iliyonyooka ambayo Mwenyezi Mungu aliikusudia kwa waja wake, na atapata malipo ya kitendo chake katika Akhera.
Fikiria mtu amekupa dola milioni moja, ungekuwa na muitikio gani kwake? Bila shaka utamshukuru na kumsifu kwa ukarimu. Sasa, kama mtu mwingine akikuambia atakupa milioni mbili ili umpe macho yako, je, utakubali? Hakika, hakuna mwenye akili timamu atakayekubali hilo!
Fikiria kwamba Mwenyezi Mungu Aliyetakasika na kutukuka ndiye aliyekuumba na akakukirimu kwa kusikia na kuona, na amekuzunguka kwa neema zisizohesabika. Yeye ndiye anayefanya damu ipite katika mishipa yako, na anakuruzuku maji na hewa, na wewe kila wakati unamhitaji. Laiti kama si rehema yake na uangalizi wake, ungeangamia na nguvu zako zingelififia. Bali ni Yeye Mtukufu aliyebeba dhamana ya riziki yako ulipokuwa kijusi katika tumbo la mama yako, ukiwa huna uwezo wa kufanya chochote.
Huyu Muumba Mkuu hastahiki kutafutwa radhi zake?! Hastahiki kumshukuru kwa neema zake, na kuwaamini Mitume aliowatuma ili wakuelekeze katika njia ya haki na furaha?!
Hivi Muumbaji huyu Mtukufu hastahiki kuabudiwa kama anavyotaka yeye, sio kama unavyotaka wewe?! Fikiria kama ungetaka kumpa mama yako zawadi, je, ungetafuta kile kinachokuridhisha wewe, au ungetafuta kujua kile anachokipenda yeye ili umfurahishe kwa kile kinachomfaa? Vivyo hivyo, ibada ya Mwenyezi Mungu Mtukufu, haipaswi kuwa kulingana na matamanio yetu au desturi zetu za kurithi, bali kama alivyotaka yeye Mtukufu, na kwa namna alivyotuamrisha.
Ibada siyo tu desturi au mazoea, bali ni tangazo la unyenyekevu kamili na upendo wa kweli kwa Muumba, na kukiri kwamba yule aliyetuumba na kutuneemesha ndiye anayestahiki kuabudiwa peke yake bila mshirika, kwa namna anayoiridhia. Je, tumuabudu Mwenyezi Mungu kwa jinsi tunavyotaka sisi, ilhali yeye ni Mjuzi Mwenye hekima anayejua yanayotufaa na anayoyaridhia?
Ibada ya kweli inatokana na utambuzi wetu wa ukubwa wa Mwenyezi Mungu na kuhisi fadhila na rehema zake. Na kila tunapokaribia kutekeleza amri zake, na tukawa na ikhlasi (utakasifua) katika kumtii kama alivyotaka, ndivyo tunavyokaribia zaidi kwake, na ndivyo ridhaa yake inavyoongezeka juu yetu. Je, uhusiano huu mtakatifu haupaswi kupewa ikhlasi kamili, mbali na matamanio yetu na mila zetu?
Hakika dini (ya kweli) mbele ya Mwenyezi Mungu ni Uislamu
Kwa hivyo, Mwenyezi Mungu aliwatuma manabii na mitume wengi ili watufahamishe kuhusu lengo la kuwepo kwetu duniani na madhumuni ya maisha, na mitume wote ujumbe wao ulikuwa mmoja nao ni ujumbe wa Uislamu, lakini kuna waliopotosha na kubadilisha yale yaliyokuja na mitume waliotangulia, ndipo Mwenyezi Mungu akamtuma Mtume wa mwisho Muhammad (rehema na amani ziwe juu yake) na akamteremshia ujumbe wa mwisho kwa wanadamu nao ni Qur'ani Tukufu, na kuna dalili nyingi za kiakili na za kisayansi zinazothibitisha kuwa Qur'ani ni maneno ya Mwenyezi Mungu, na kwamba ni kitabu pekee ambacho hakijapotoshwa wala kubadilishwa, na Mwenyezi Mungu ametufahamisha katika Qur'ani kuwa hatakubali kutoka kwa mwanadamu yeyote dini nyingine isipokuwa Uislamu na kwamba mitume wote ujumbe wao ulikuwa mmoja nao ni wito wa kumpwekesha Muumba na kumuabudu Yeye pekee bila kumshirikisha na chochote.
Kinachoutofautisha Uislamu na dini nyingine ni kwamba Waislamu ndio pekee wenye uwezo wa kutoa ushahidi wa kiakili na ukweli wa kisayansi, kwa kutegemea vyanzo vya maarifa vilivyoaminika, kuthibitisha kwamba Qur'ani Tukufu waliyonayo leo ni maneno ya Mwenyezi Mungu Muumba, Aliyetakasika na machafu, iliyohifadhiwa kutokana na mabadiliko na upotoshaji.
Na Qur'ani Tukufu ni kitabu ambacho Mwenyezi Mungu alimteremshia Nabii wake Muhammad -rehema na amani ziwe juu yake-, na Mwenyezi Mungu aliwapa changamoto wanadamu zaidi ya karne kumi na nne walete mfano wake, au hata sura moja mfano wake lakini wakashindwa kufanya hivyo, na changamoto hiyo itaendelea kubakia mpaka leo hii bila yeyote kuweza kuleta kitu kinachofanana nayo katika ufasaha, ubainifu, muujiza, na sheria, na Mwenyezi Mungu amesema katika Qur'ani akiwapa changamoto viumbe wote:
Hata hivyo, hakuna yeyote katika zama zote aliyeweza kuleta kitu kama hicho au hata kinachokikaribia.
Na miujiza katika Qur'ani siyo tu katika lugha yake ambayo imefikia kilele cha ufasaha na ubainifu, bali inajumuisha pia dalili za kiakili na za kielimu (kisayansi) zinazothibitisha kuwa ni maneno ya Mwenyezi Mungu:
Qur'ani imezungumzia ukweli wa kisayansi ambao haukugunduliwa ila baada ya karne nyingi tangu kuteremshwa kwake, kama vile hatua za maendeleo ya kichanga katika tumbo la mama ambapo Mwenyezi Mungu Mtukufu anasema kuhusu kuumbwa kwa mwanadamu:
"Kisha tukamjaalia awe tone la mbegu ya uzazi katika kalio madhubuti. Kisha tukaliumba tone kuwa damu iliyo ganda, na tukaiumba damu kuwa pande la nyama, kisha tukaliumba pande la nyama kuwa mifupa, na mifupa tukaivika nyama..."
Ni nani aliyemueleza Mtume Muhammad rehema na amani ziwe juu yake kuhusu ukweli huu na wakati huo hapakuwa na vifaa vya kitabibu vya kufichua mambo kama haya?! Na huu ni mfano mmoja kati ya mifano mingine mingi inayodhihirisha kwa kila mwenye haki kwamba chanzo cha Qur'ani hii ni cha kiungu na kwamba ni kitabu cha mbinguni kilichoteremshwa na Muumba wa ulimwengu, Aliyetukuka.
Na Qur'ani ndiyo kitabu pekee ambacho Mwenyezi Mungu amechukua dhamana ya kukihifadhi, akasema:
Na kwa muda wa karne nyingi, Qur'ani imebaki kama ilivyo, imehifadhiwa katika vifua vya mamilioni ya watu, na imeandikwa kwa usahihi katika misahafu, bila kuongezwa au kupunguzwa, tofauti na vitabu vingine ambavyo vilipata upotoshaji na ubadilishaji.
Na Qur'ani imekuja na sheria kamilifu zinazopanga maisha ya mtu binafsi na jamii, na kuleta uwiano kati ya roho na mali, jambo ambalo falsafa za kibinadamu hazikuweza kulifikia. Sheria za Qur'ani zinahutubia akili na zinaendana na maumbile asili ya mwanadamu.
Qur'ani siyo kitabu cha kibinadamu, bali ni ujumbe wa Mwenyezi Mungu kwa wanadamu, kimejaa ushahidi wa kiakili na wa kielimu, na kimehifadhiwa kutokana na upotoshwaji, ili kubakia kuwa dalili ya milele juu ya ukweli wa ujumbe wa Uislamu na muujiza wake.
Ikiwa Qur'ani Tukufu inajumuisha dalili wazi zinazo thibitisha kuwa ni maneno ya Mwenyezi Mungu, basi kitendo cha kiakili na kimantiki ni kuamini na kufuata yaliyomo ndani yake, badala ya kutegemea vitabu vingine vilivyoathiriwa na kuingiliwa na wanadamu katika uandishi wake.
Akili timamu inatuongoza kwamba maneno ya Muumba, ambaye ameumba ulimwengu na kuufanya kwa utaratibu mzuri, ndiyo chanzo cha kweli zaidi cha kujua ukweli. Na tunapopata katika Qur'ani huu muujiza wa lugha, na ukweli wa kisayansi, na sheria zilizokamilika, pamoja na kuhifadhiwa kwake kutokana na upotofu kupitia karne, basi hakuna budi ila kukubali kwamba ni maneno ya Mwenyezi Mungu.
Kwa hivyo, kuamini yale yaliyokuja katika Qur'ani si chaguo la kiimani tu, bali ni uamuzi wa kiakili unaoendana na mantiki ya kutafuta ukweli. Amesema Mwenyezi Mungu Mtukufu:
"Hakika hii Qur'ani inaongoa kwenye yale yaliyonyooka kabisa."
Inamuongoza mwanadamu kwenye njia iliyo nyooka, na inajibu maswali yake makubwa kuhusu uwepo, na inamuonyesha lengo la maisha yake.
Mwenyezi Mungu Mtukufu amebainisha katika Qur'ani Tukufu kwamba hakutuumba bila faida, bali alituumba kwa ajili ya kumuabudu Yeye pekee, amesema Mwenyezi Mungu Mtukufu:
Na ametueleza Mwenyezi Mungu katika Qur'an kuwa maisha haya ya dunia tunayoyaishi ni hatua ya muda tu itakayomalizika hivi karibuni, lakini maisha ya kweli na ya milele yatakuwa Akhera wakati waumini watakapoingia Peponi na makafiri kuingia Motoni. Amesema Mwenyezi Mungu:
"Na haukuwa uhai huu wa ulimwengu isipokuwa ni pumbao na mchezo. Na kwa hakika, nyumba ya Akhera ndiyo uhai wa kweli na wa daima usiokuwa na kifo ndani yake. Lau watu wangelijua"
Muumba ambaye alituumba kutoka kwenye hali ya kutokuwepo, bila shaka ni Muweza wa kuturudisha kwenye uhai baada ya kifo. Na katika mazingira yetu kuna ishara za Mwenyezi Mungu katika ulimwengu, tunashuhudia ushahidi wa wazi wa uwezo wa Mwenyezi Mungu usio na mipaka katika kuhuisha kilichokufa. Kama vile Mwenyezi Mungu anavyotoa moto kutoka katika mti mbichi wa kijani, na akatoa mazao na matunda kutoka kwenye ardhi kavu na akamuumba mtoto tumboni mwa mama yake kutoka kwenye tone la manii, basi Yeye, Aliyetukuka, ni Muweza wa kuhuisha wafu na kuwafufua kutoka makaburini kwa ajili ya malipo Siku ya Kiyama, kwani Mwenyezi Mungu juu ya kila kitu ni Muweza.
Amesema Mwenyezi Mungu Mtukufu katika Qurani Tukufu:
Je, kwani hakuwa yule aliyeumba mbingu na ardhi na vilivyomo ndani yake ni Mwenye uweza wa kuumba mfano wao, Akawarudisha kama Alivyowaanzisha? Ndio , kwa kweli Yeye Analiweza hilo. Na Yeye ni Mwenye sifa kamilifu za uumbaji viumbe vyote , Mjuzi wa kila Alichokiumba na Atakachokiumba.
Hakika amri yake anapotaka kitu kiwe, ni kukiambia, "Kuwa!" Na kikawa.
Ametakasika Yule Ambaye mkononi mwake kuna mamlaka ya kila kitu, na kwake Yeye mtarejeshwa."
Na ni dhuluma na uonevu ikiwa maisha ya dhalimu na aliyedhulumiwa yaishe bila hesabu au malipo. Je, inawezekana vipi kwamba mkosaji aepuke adhabu yake, huku aliyedhulumiwa akinyimwa haki yake? Hakika Mwenyezi Mungu Mtukufu ameweka Siku ya Kiyama kuwa ni wakati wa haki, ili amlipe kila mwanadamu kwa yale aliyoyafanya, na kumlipa thawabu kila mfanyaji mema kwa matendo yake mema, na kumuadhibu kila mkosaji na dhalimu kwa maovu yake na dhuluma zake.
Kwa nini Uislamu?
---
Mwanadamu hujiuliza kwa nini Uislamu na siyo dini nyingine yoyote?!
Hakika Mwenyezi Mungu amewatuma mitume na akawateremshia vitabu ili tutambue Yeye ni nani na namna ya kumuabudu. Na Mwenyezi Mungu ametuweka wazi kuwa maisha haya ni mtihani, na yule atakayemuabudu Mwenyezi Mungu na akafanya matendo mema atazawadiwa pepo, na yule atakayemkataa Mwenyezi Mungu na kukataa kumuabudu au akaabudu mwingine basi Mwenyezi Mungu atamhesabu kwa kukataa kwake haki siku ya Kiyama.
Dini ambayo walikuja nayo Mitume wote ni Uislamu, na inamaanisha unyenyekevu na kusalimu amri kwa mapenzi ya Muumba na kumuabudu Mwenyezi Mungu peke yake bila kumshirikisha, na kuamini Mitume wote.
Hakika jambo kubwa zaidi linalomtofautisha mwanadamu na viumbe wengine wote ni akili, na kazi yake ni kutafakari na kutafuta ukweli.
Uislamu ni dini inayoafikiana na akili timamu na maumbile yaliyo sawa, inatoa majibu ya kimantiki kwa maswali makubwa ya uwepo: Kwa nini tuko hapa? Na nini lengo la maisha yetu? Na nini hatima baada ya kifo?
Na Uislamu unawajibisha kuwaamini Mitume wote, hivyo Waislamu wanaamini kama Mwenyezi Mungu alivyoeleza katika Qur'ani kuwa Issa (Yesu) ni mja wa Mwenyezi Mungu na Mtume wake na yeye si mwana wa Mwenyezi Mungu; kwa kuwa Mwenyezi Mungu ni Mtukufu na hawezi kuwa na mke au mwana, kwani Yeye ni Mkwasi na hana haja nao wala na chochote, na Mwenyezi Mungu ametueleza katika Qur'ani kuwa Issa alikuwa Nabii aliyepewa miujiza mingi na Mwenyezi Mungu na kwamba Mwenyezi Mungu alimtuma kwa ajili ya kuwaita watu wake kumuabudu Mwenyezi Mungu peke yake asiye na mshirika, na Mwenyezi Mungu alitueleza kuwa Issa (Yesu) hakuhitaji kutoka kwa watu wamuabudu yeye, bali yeye mwenyewe alikuwa akimuabudu Muumba wake. Basi ikiwa unataka kuwa muumini wa kweli wa Issa kwa namna inayopendwa na Mwenyezi Mungu, basi ni juu yako kuingia katika Uislamu na kuamini yale ambayo Mwenyezi Mungu ameyataja katika Qur'ani, kwani ni kitabu kilichohifadhiwa ambacho kimekuja kufufua ujumbe wa tauhidi (kumpwekesha Mwenyezi Mungu) ambao Mwenyezi Mungu aliutuma kwa Manabii na Mitume wote waliotangulia.
Mwenyezi Mungu ametufahamisha katika Qur'ani kwamba Issa aliwaamrisha watu wake kumuabudu Mwenyezi Mungu peke yake na akawatahadharisha dhidi ya ushirikina, amesema Mwenyezi Mungu katika Qur'ani Tukufu:
"Kwa hakika, wamekufuru wale waliosema, «Mwenyezi Mungu Ndiye Masihi mwana wa Maryam,» na alisema Masihi kuwaambia Wana wa Israeli, «Muabuduni Mwenyezi Mungu, Peke Yake, Mola wangu Mlezi na Mola wenu» Kwa hakika, yeyote atakayemuabudu mwingine pamoja na Mwenyezi Mungu, Aliye Pwekeka, basi Mwenyezi Mungu Ataifanya Pepo kuwa ni haramu kwake na Ataufanya Moto kuwa ndio makao yake na hatakuwa na msaidizi wa kumuokoa na Moto huo.
Hakika, wamekufuru wale waliosema: Mwenyezi Mungu ni wa tatu katika watatu (utatu). Hali hakuna mungu isipokuwa Mungu Mmoja tu. Na ikiwa hawayaachi hayo wanayoyasema, basi kwa yakini itawagusa wale waliokufuru miongoni mwao adhabu chungu.
Jiulize mwenyewe, ewe Mwanadamu
Ewe mwanadamu, inakubali vipi akili yako kuwa sanamu ulilolitengeneza kwa mikono yako ndilo mungu unayemsujudia na kumuomba msaada?! Vipi unakubali kuabudu ng'ombe anayechinjwa na kuliwa?! Je, ni kwa mantiki gani mwenye akili aabudu kiumbe mfano wake, anayepata njaa na kiu na hana uwezo wa kujiepusha na mauti au madhara?! Na vipi Isa mwana wa Maryam aabudiwe, hali ya kuwa ni mwanadamu aliyekuwa akihitaji chakula na kinywaji, na alikuwa akimwelekea Muumba wake kwa sala?! Je, akili inaweza kufikiria kwamba mungu anajisalia mwenyewe?!
Je, si Mwenyezi Mungu ndiye mwenye sifa za ukuu, aliye peke yake katika ukamilifu wake, aliyetakasika na mfano na kifani, na kila kilichomo katika ulimwengu kiko chini ya uwezo na mamlaka yake? Inakuwaje kwamba Muumba wa mbingu na ardhi ashuke na kuzaliwa kama mtoto, kisha ajisalimishe kwa viumbe wake ili wamsulubishe? Hakika wanaosulubiwa na kuuawa ni wanadamu wanaomalizika, lakini Muumba ni aliye hai asiyekufa, mwenye kusimamia kila kitu ambaye halali wala hachoki. Je, si katika ukamilifu wa ukuu na utukufu wake kuwa ametakasika na mambo kama haya?
Hakika Mwenyezi Mungu ametufahamisha katika Qur'an Tukufu kwamba mitume wote walikuja na ujumbe mmoja ambao unajumuisha kuwalingania watu wao katika kumuabudu Mwenyezi Mungu peke yake asiye na mshirika. Lakini baada ya muda, baadhi yao walipotosha ujumbe huu wa milele, wakafifisha nuru ya upweke wa Mungu ambayo ililetwa na manabii, hivyo Mwenyezi Mungu akamtuma mtume wa mwisho Muhammad (rehema na amani ziwe juu yake) na akamteremshia Qur'an Tukufu ili afufue ujumbe wa upweke wa Mungu ambao uliletwa na mitume wote kabla yake.
Ewe mwanadamu, hakika haki iliyobebwa na Mitume wote ni kwamba Mwenyezi Mungu pekee ndiye anayestahiki kuabudiwa, si masanamu wala miti wala wanyama, si Masihi Isa amani iwe juu yake wala tabia ya nchi, wala jua wala mwezi.
Na mwanadamu huzaliwa katika maumbile safi ya Uislamu, maumbile hayo yanayomuongoza kwa Mola wake kwa maumbile na akili, lakini mazingira yanayomzunguka, kama familia au jamii, yanaweza kubadilisha maumbile haya na kumpeleka katika njia nyingine.
Linganisha kati ya dini inayokuamuru kumuabudu Muumba Mmoja Mkamilifu, na dini inayomuelezea Mungu kwa udhaifu na upungufu, basi ipi kati ya hizo inalingana na akili na maumbile?
Na mwisho tunakuambia ewe mwanadamu:
Uislamu ni dini ya akili na maumbile, na ndio dini pekee iliyowekwa na Muumba Mtukufu kwa ajili ya wanadamu, nayo ni dini ya heri na furaha kwa watu wote, haibagui kati ya ukoo na ukoo mwingine, wala rangi na rangi nyingine, na watu wote ndani ya Uislamu ni sawa, hakuna yeyote aliye bora katika Uislamu juu ya mwingine isipokuwa kwa kiwango cha matendo yake mema. Na ndio dini pekee inayowaamini manabii wote na inafanya uhusiano wa mja na Muumba wake kuwa wa moja kwa moja bila ya haja ya mpatanishi, na ni dini inayohimiza kutafakari na kuzingatia na inasisitiza matumizi ya akili na mantiki.
Ni lazima kwa kila mtu mwenye akili timamu afanye haraka kuingia katika Uislamu kwa kumuamini Mwenyezi Mungu kuwa Mola Mlezi, na Uislamu kuwa dini, na Muhammad kuwa ni Mtume, na jambo hili halina hiyari kwa mtu; kwakuwa Allah atamuuliza siku ya Kiyama nini aliwajibu Mitume; kama alikuwa ni mwenye imani basi atafaulu kufaulu kwa kiwango cha juu zaidi, na kama alikuwa ni mpingaji atakuwa mwenye kupata hasara kubwa na ya wazi.
Iwapo unataka furaha ya dunia na Akhera na unataka kufanya uamuzi mkubwa zaidi katika maisha yako basi ni lazima uingie katika Uislamu kwa kusema maneno haya ukiwa na imani nayo kutoka moyoni mwako:
Ninashuhudia kuwa hapana mungu apasaye kuabudiwa kwa haki isipokuwa Mwenyezi Mungu, na ninashuhudia kuwa Muhammad ni mtume wa Mwenyezi Mungu, na kwa hivyo unakuwa muislamu.
Amesema Mwenyezi Mungu aliyetakasika ndani ya Qurani Tukufu:
"Na atakeyetaka dini isiyokuwa dini ya Uislamu, basi haitokubaliwa kwake naye akhera atakuwa ni mwenye hasara kubwa".
Kisha utaanza kujifunza Sheria za Uislamu kidogo kidogo; ili kutekeleza yale aliyoyawajibisha Mwenyezi Mungu juu yako.
Na unaweza kujifunza kuhusu Uislamu kwa kutembelea tovuti hii:
Related books
All books
NJIA ZENYE FAIDA KWA MAISHA YENYE FURAHA85 lughaNJIA ZENYE FAIDA KWA MAISHA YENYE FURAHA
Kitabu "Njia zenye Faida kwa Maisha yenye Furaha" cha Sheikh, mwanachuoni Abdur-Rahman bin Naasir As-Sa'adiy – Mwenyezi Mungu amrehemu – kinashughulikia sababu zinazopelekea furaha ya kweli kutoka katika mtazamo wa kiimani wa kina, na kinamwongoza msomaji kufikia utulivu wa moyo kupitia imani na matendo mema, kumtaja Mwenyezi Mungu, kuridhika, kutafakari neema zake, kufanya ihsani, kutegemea Mwenyezi Mungu, kuwa na subira, na kuyapima mambo ipasavyo; kwa mtindo mzuri unaoweka mbele yako ramani ya maisha yenye utulivu, yenye uwiano, na yenye furaha licha ya misukosuko ya maisha.
DONDOO KUHUSU ITIKADI YA KIISLAMU75 lughaDONDOO KUHUSU ITIKADI YA KIISLAMU
Kitabu hiki kinafafanua misingi ya imani inayojumuisha kumuamini Mwenyezi Mungu, na Malaika wake, na Vitabu vyake, na Mitume wake, na Siku ya Mwisho, na mipango ya Mwenyezi Mungu ya heri yake na ya shari yake; na kinaonyesha kanuni za msingi zilizo wajibu kwa Muislamu kuziamini na kuzifanyia kazi, kikisisitiza umuhimu wa kuimarisha uhusiano na Mwenyezi Mungu kupitia kuielewa kwa kina itikadi ya Kiislamu.
Ni nani aliyeniumba? Na ni kwa nini aliniumba?75 lughaNi nani aliyeniumba? Na ni kwa nini aliniumba?
Kila kitu kinaashiria kuwepo Muumba. Ni nani aliziumba mbingu na Ardhi na vilivyomo ndani yake, miongoni mwa viumbe vikubwa ambavyo havijulikani ukubwa wake? Ni nani aliyetengeneza mpangilio huu mzuri zaidi katika mbingu na ardhi? Ni nani aliyemuumba mwanadamu kisha akampa usikivu, uoni na akili, na akamjalia uwezo wa kujifunza maarifa na kufahamu uhakika wa mambo? Vipi unafasiri uumbaji huu wa kiwango cha juu sana katika wa viungo vya mwili wako, na miili ya viumbe vilivyo hai? Na ni nani aliyeviumba kwa ustadi huu mkubwa? Ni namna gani inajipanga vizuri na kutulia Dunia hii iliyo kubwa,…
Imamu Muhammad Bin Abdul Wahaab ulinganizi wake na Historia yake.11 lughaImamu Muhammad Bin Abdul Wahaab ulinganizi wake na Historia yake.
Utunzi wa Shekh Abdul Aziz Bin Abdillahi Bin Baaz Sifa zote njema anastahiki ALLAH Mola wa viumbe wote, sala na salam na baraka ziwe juu ya mja wake na Mtume wake mbora wa viumbe bwana wetu na kiongozi wetu Muhammad bin Abdillahi, na watu wake na Swahaba zake na wenye kufuata nyayo zao. Ama baada ya hayo: Enyi ndugu zangu watukufu, Enyi wanangu watukufu, muhadhara huu mfupi nauleta mbele yenu ili kuzinawirisha fikra, pamoja na kuweka wazi uhakika wa mambo, na kuwanasihi waja kwa ajili ya ALLAH, na kutekeleza baadhi ya mambo yanayo niwajibikia miongoni mwa haki, na muhadhara huu anuwani yake…