Encyclopedia of Prophetic Hadiths

«Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã».

Wẽnd Tẽn-tʋʋmã, ad a Saʿad ma wã maana kaalem, la yaa bõe doaag n yɩɩd sõmblem? Tɩ Tẽn-tʋʋmã yeele: «Yaa koom», a yeele: t'a tu bulga, la a yeele: woto yaa a Saʿad ma n so.

«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã.

«Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye, t'a ges a rɩtg wεεngẽ n ka ne rẽnda yẽ sẽn tʋm tɩ reng taoore, la a ges a goabg wεεngẽ n ka ne rẽnda yẽ sẽn tʋm tɩ reng taoore, t'a ges a taoore, n ka ne rẽnda Bugmã yẽ neng taoore, bɩ y zoe Wẽnde, baa tɩ na n yɩ ne tamarʋ wεdgɑ».

«Wakɩr fo sẽn rɩk n naf Wẽnd sõrã pʋgẽ, la wakɩr fo sẽn rɩk n ra yamb n bas burkĩndi, la wakɩr fo sẽn rɩk n maan sara ne miskɩɩna, la wakɩr fo sẽn rɩk n rɩlg f zakã rãmba, b sẽn yɩɩd ne keoor yaa fo sẽn rɩk n rɩlg f zakã rãmbã».

«Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo, la sã n yaa yel-yɩts a yiibu, tɩ yaa tɩlae tɩ yɩ : yaa tɩ ned ning sẽn maana kaalem n ka maan lagem-n-taar ne Wẽnde, a kẽeda arzãna, la ned ning sẽn maan kaalem t’a maana lagem-n-taar ne Wẽnde, a kẽeda Bugmẽ, la sã n yaa bũmb ne a to bilgrã : yaa ned ning sẽn na n saag tʋʋm sõngo, halɩ t’a sũurã wa tʋg n tags-a, tɩ Wẽnd sẽn mi t’a rɩka Anniy-kãngã wã A gʋlsda yel-sõmd a yembr n kõ-a, la ned ning sẽn tʋma wẽnga b gʋlsda wẽng a yembre n rogl-a, la sẽn tʋma yel-sõmde, b gʋlsda piig bilgri n kõ-a, la ned ning sẽn wa n yãka n nafe, sẽn yaa nafa ning fãa Wẽnd sorã poorẽ, yẽnda rolb yaa yel-sõmb kobs-yopoe. La sã n yaa ne nebã: be b pʋgẽ Wẽnd sẽn yalg a soab rɩtl dũni n na weoog a soab rɩtl laahr raarã, la ned b sẽn weoog a soab rɩtl dũni kaanẽ, n na n yalg a rɩtl laahr raarã, la ned b sẽn weoog a soab vɩɩm dũni la laahre, la ned b sẽn yols a soab vɩɩm dũni la laahr raare».

Tõnd rag n yiisda Zakaat al-fɩtrã, Wẽnd Tẽn-tʋʋm (Wẽnd pʋʋsg la A tɩlgr be a yĩnga) sẽn wa n be tõnd pʋgẽ, bi-bilf la kãsem fãa zugu, burkĩn maa yamb fãa zugu, saawall sẽn yaa rɩɩbo, maa saawall sẽn yaa bĩis-koεεnga, maa saawall sẽn yaa Sa'ɩɩre (ki), maa saawall sẽn yaa Tamarʋ, maa saawall sẽn yaa sib-koeemse, la tõnd ka bak n yiisd-a halɩ t'a Mʋ'aawɩya ɭbn Abɩɩ Sʋfyaan wa wɑ n nɑ n maan hagiimd bɩ Ʋmra, n gom ne nebã mimbarã zugu, a sẽn gom nebã ne bũmb ningã, sẽn be beenẽ, a yeelame: mam neeme tɩ mudd a yiib sẽn yaa Šaam ki wã, a ta tamarʋ saawalle, tɩ nebã rɩk bʋ-kãngã a nengẽ: a Abʋʋ Saɩɩd yeelame: la sã n yaa ne maam, m ka bak n ket n yiisd-a wala m sẽn da yiisd-a wã, m sẽn ket n vɩ tεka.