«Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a».
Yii a Hasan nengẽ, a yeelame: a Gundb ɭbn ʿAbd Allaah (Wẽnd yard be a yĩnga) a yẽsa tõnd miis-kãngã pʋgẽ, la tõnd ka yĩm a sẽn yẽs tõndã tεk ye, la tõnd me ka tar rabeem t'a Gundb yagame n rogl Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ), a Gundb yeelame, Wẽnd Tẽn-tʋʋmã yeelame (Wẽnd pʋʋsg lɑ A tɩlgr be ɑ yĩngɑ):
«Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a».
«كَانَ فِيمَنْ كَانَ قَبْلَكُمْ رَجُلٌ بِهِ جُرْحٌ، فَجَزِعَ، فَأَخَذَ سِكِّينًا فَحَزَّ بِهَا يَدَهُ، فَمَا رَقَأَ الدَّمُ حَتَّى مَاتَ، قَالَ اللَّهُ تَعَالَى: بَادَرَنِي عَبْدِي بِنَفْسِهِ، حَرَّمْتُ عَلَيْهِ الجَنَّةَ».
Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ ad sẽn reng-b tõnd taoore, ned n ra zĩnd tɩ sãmpogr paam-a, t'a ka tall sugr ne zabdamã ye, t'a rɩk sʋʋg n kʋʋg a nugã n na n yãg n ki, la a zɩɩmã ka yõke halɩ t'a wa tʋg n ki, tɩ Wẽnd yeele (A Naam zẽk yã) Mam yambã yãgame n na n wa Mam nengẽ, a toore, ad M gɩdga arzãnã a zugu.
Wilgda yɩɩdlem sẽn be sugra maaneg baollegã (yεlã) pʋgẽ, la tõdgr basgo keelem zabdem yĩnga, bʋɩl yĩnga t'a ra wa tall-f n kẽng yell keelem sẽn yɩɩd rẽ ye.
Wilgame tɩ b yẽs kibay nins sẽn yɩ zamã-rãmb nins sẽn reng taoorã, sõma la waazu sẽn be yεl nins pʋgẽ wã.
A ɭbn Hagar yeelame: wilgdame tɩ b yals Wẽnd hakε-rãmbã zĩigẽ, la A yolsgã ne A yembsã, ne Wẽnd sẽn harem nebã tɩ b ra kʋ b mense, la yõyã yaa Wẽnd n so.
Wilgdame tɩ yaa haraam tɩ b tʋg n rɩk sabab-rãmb nins sẽn na n taas ned t'a kʋ a mengã, la pʋleng wẽng sẽn yaa kεgeng n be a pʋgẽ.
A ɭbn Hagar (Wẽnd na yols-a) a yeelame: La rẽ wilgdame tɩ nedã wãaga a nugã kũumã raab yĩnga, ka sẽn na n tɩp tɩpg ninga tẽeb sẽn wind t'a tõe n nafa ne-a wã ye.
Ṣahɩɩh Al-Bʋẖaary (4/ 170) (3463).
Ṣahɩɩh Muslim (1/ 107) (113).
Pɑɑgã (5)
فتح الباري.
لابن حجر (3/ 227).
شرح النووي على مسلم (2/ 127).
تيسير العلام شرح عمدة الأحكام.
لعبد الله البسام (ص651).