الٓمٓصٓ
Alif-Laam-Meem-Saad (su Allah i mataw kanu ma'na nin).
عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
Surah List /
الأعرَاف
ﮓالأعرَاف is chapter 7 of the Quran and has 206 verses. This page presents it in full in the Uthmani script, with a verse-by-verse translation of its meaning.
206 Ayahs Surah No. 7
بِسْمِ ٱللَّهِ ٱلرَّحْمَٰنِ ٱلرَّحِيمِ
كِتَٰبٌ أُنزِلَ إِلَيۡكَ فَلَا يَكُن فِي صَدۡرِكَ حَرَجٞ مِّنۡهُ لِتُنذِرَ بِهِۦ وَذِكۡرَىٰ لِلۡمُؤۡمِنِينَ
Nan su kitab (Qur’an) initulun sa leka (Muhammad) na di ma-aden sa laleb nengka i kagagetan, ka endu nengka makapakagilek kanu manga taw (a kafir) endu makapatadem nengka kanu manga bamamaginugut.
ٱتَّبِعُواْ مَآ أُنزِلَ إِلَيۡكُم مِّن رَّبِّكُمۡ وَلَا تَتَّبِعُواْ مِن دُونِهِۦٓ أَوۡلِيَآءَۗ قَلِيلٗا مَّا تَذَكَّرُونَ
Unuti nu su initulun sa lekanu (Qur’an) ebpun sa Kadenan nu, na da kanu munut sa salakaw lun i kamalan nu, ka paydu i katadem nu ataw ka maka- indaw sa lekanu.
وَكَم مِّن قَرۡيَةٍ أَهۡلَكۡنَٰهَا فَجَآءَهَا بَأۡسُنَا بَيَٰتًا أَوۡ هُمۡ قَآئِلُونَ
Endu madakel i dalpa a bininasa nami (sabap kanu kadusan nu taw nin) nakawma sa kanilan su tyuba nami sa magabi ataw ka malamag.
فَمَا كَانَ دَعۡوَىٰهُمۡ إِذۡ جَآءَهُم بَأۡسُنَآ إِلَّآ أَن قَالُوٓاْ إِنَّا كُنَّا ظَٰلِمِينَ
Na dala den nadtalu nilan sa kanu kinawma na tyuba nami sa kanilan ya tabya a nadtalu nilan na sekitanu besen i manga dupang a manga taw.
فَلَنَسۡـَٔلَنَّ ٱلَّذِينَ أُرۡسِلَ إِلَيۡهِمۡ وَلَنَسۡـَٔلَنَّ ٱلۡمُرۡسَلِينَ
Na idsan nami su manga taw u ngin i pidtalu nilan kanu sinugu, endu idsan nami bun su manga sinugu u ngin i pidtalu nu manga taw.
فَلَنَقُصَّنَّ عَلَيۡهِم بِعِلۡمٖۖ وَمَا كُنَّا غَآئِبِينَ
Na panudtulen nami sa kanilan (su pinggalebek nilan sa dunya a nawna) endu dala sa lekami i di nami silan embantayan.
وَٱلۡوَزۡنُ يَوۡمَئِذٍ ٱلۡحَقُّۚ فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ
Endu su timbangan (lu sa gay a mawli) na bantang i kakukum, na su mawgat i timbangan nu mapya nin na silan a manga taw a namakauntung.
وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُم بِمَا كَانُواْ بِـَٔايَٰتِنَا يَظۡلِمُونَ
Su mapegkag menem i timbangan nin a mapya na silan su manga taw a linapis nilan su ginawa nilan sabap kanu kapedsangka nilan sa manga ayatan nami.
وَلَقَدۡ مَكَّنَّٰكُمۡ فِي ٱلۡأَرۡضِ وَجَعَلۡنَا لَكُمۡ فِيهَا مَعَٰيِشَۗ قَلِيلٗا مَّا تَشۡكُرُونَ
Endu saben-sabenal a pinandalpa nami sekanu sya sa lupa, endu binaluy nami sa lekanu i makapaguyag nu, na paydu i kadsukur nu.
وَلَقَدۡ خَلَقۡنَٰكُمۡ ثُمَّ صَوَّرۡنَٰكُمۡ ثُمَّ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ لَمۡ يَكُن مِّنَ ٱلسَّٰجِدِينَ
Endu saben-sabenal i binaluy nami sekanu endu pinabpalas nami sekanu, mawli na pidtalu nami kanu manga malaikat i sugyudi nu si Adam na sinumugyud silan ya tabya na si Iblis ka dala amung sumugyud.
قَالَ مَا مَنَعَكَ أَلَّا تَسۡجُدَ إِذۡ أَمَرۡتُكَۖ قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ
Tig nu Allah: ngin i nakasapal sa leka sumugyud sa sinugu Ku seka? Tig nu Iblis: saki i mapya sa lekanin (Adam) ka binaluy ako nengka ebpun sa apuy na binaluy nengka (si Adam) ebpun sa lupa.
قَالَ فَٱهۡبِطۡ مِنۡهَا فَمَا يَكُونُ لَكَ أَن تَتَكَبَّرَ فِيهَا فَٱخۡرُجۡ إِنَّكَ مِنَ ٱلصَّٰغِرِينَ
Tig nu Allah: embaba ka, dala kadayt nin i kamamasela nengka sya sa surga, lyu ka den sa surga ka seka na kuyug ka sa nakalusak.
قَالَ أَنظِرۡنِيٓ إِلَىٰ يَوۡمِ يُبۡعَثُونَ
Tig nu Iblis: Kadenan ku pag-kalendu ka i umur ku.
قَالَ إِنَّكَ مِنَ ٱلۡمُنظَرِينَ
Tig nu Allah: seka na malendu i umur nengka.
قَالَ فَبِمَآ أَغۡوَيۡتَنِي لَأَقۡعُدَنَّ لَهُمۡ صِرَٰطَكَ ٱلۡمُسۡتَقِيمَ
Tig nu Iblis: Kadenan ku kagina ka tinading aku nengka na palnen ku silan kanu lalan nengka a matidtu (su agama nu Islam).
ثُمَّ لَأٓتِيَنَّهُم مِّنۢ بَيۡنِ أَيۡدِيهِمۡ وَمِنۡ خَلۡفِهِمۡ وَعَنۡ أَيۡمَٰنِهِمۡ وَعَن شَمَآئِلِهِمۡۖ وَلَا تَجِدُ أَكۡثَرَهُمۡ شَٰكِرِينَ
(Tig nu Iblis): mawli na alawan ku silan sa sangulan endu taligkudan nilan endu tampal sa kawanan nilan endu biwang nilan, endu dala maparuli nengka kanu kadakelan sa kanilan a makadsukur (kanu Allah).
قَالَ ٱخۡرُجۡ مِنۡهَا مَذۡءُومٗا مَّدۡحُورٗاۖ لَّمَن تَبِعَكَ مِنۡهُمۡ لَأَمۡلَأَنَّ جَهَنَّمَ مِنكُمۡ أَجۡمَعِينَ
Tig nu Allah: lyu ka den ka seka i pangimbulatan a nalipungetan, taman kanu munut sa leka a manusya, na panun ku su Naraka sa lekanu langun.
وَيَٰٓـَٔادَمُ ٱسۡكُنۡ أَنتَ وَزَوۡجُكَ ٱلۡجَنَّةَ فَكُلَا مِنۡ حَيۡثُ شِئۡتُمَا وَلَا تَقۡرَبَا هَٰذِهِ ٱلشَّجَرَةَ فَتَكُونَا مِنَ ٱلظَّٰلِمِينَ
Endu Hay seka Adam! Tana ka endu si kaluma nengka sya sa surga sa pangankan kanu sa endaw i pegkyugan nu, na di nu semupegi i nyaba a kayu ka mabaluy kanu ebpun kanu manga dupang.
فَوَسۡوَسَ لَهُمَا ٱلشَّيۡطَٰنُ لِيُبۡدِيَ لَهُمَا مَا وُۥرِيَ عَنۡهُمَا مِن سَوۡءَٰتِهِمَا وَقَالَ مَا نَهَىٰكُمَا رَبُّكُمَا عَنۡ هَٰذِهِ ٱلشَّجَرَةِ إِلَّآ أَن تَكُونَا مَلَكَيۡنِ أَوۡ تَكُونَا مِنَ ٱلۡخَٰلِدِينَ
Sinasat silan nu Shaytan, ka endu gapayag kanilan su nadapengan a awrat nilan (sangulan nilan duwa), tig nu Shaytan: ya kinasapal nu Allah sa lekanu sa nya ba a kayu na mabaluy kanu duwa a datu sya sa surga, ataw ka matatap (di kanu den makalyu) sya sa surga.
وَقَاسَمَهُمَآ إِنِّي لَكُمَا لَمِنَ ٱلنَّٰصِحِينَ
Endu midsapa su Shaytan (kani Adam): Saben-sabenal a saki na kuyug aku sa kanu magungaya sa lekanu.
فَدَلَّىٰهُمَا بِغُرُورٖۚ فَلَمَّا ذَاقَا ٱلشَّجَرَةَ بَدَتۡ لَهُمَا سَوۡءَٰتُهُمَا وَطَفِقَا يَخۡصِفَانِ عَلَيۡهِمَا مِن وَرَقِ ٱلۡجَنَّةِۖ وَنَادَىٰهُمَا رَبُّهُمَآ أَلَمۡ أَنۡهَكُمَا عَن تِلۡكُمَا ٱلشَّجَرَةِ وَأَقُل لَّكُمَآ إِنَّ ٱلشَّيۡطَٰنَ لَكُمَا عَدُوّٞ مُّبِينٞ
Tinutulu nin sa makadulat, guna nilan (Adam-Hawa) kananami su unga nu kayu na napayag sa uman isa sa kanilan su sangulan na kaped nin, uman isa na nakakwa sa lawn a kayu a nakadapeng kanu awrat nilan ataw ka sangulan nilan, endu tinawag nu Kadenan nilan (pidtalu nu Allah): kna ba inisapal ku sa lekanu intu ba a kayu, endu kena ba pidtalu ku sa lekanu su Shaytan na satru nu a mapayag.
قَالَا رَبَّنَا ظَلَمۡنَآ أَنفُسَنَا وَإِن لَّمۡ تَغۡفِرۡ لَنَا وَتَرۡحَمۡنَا لَنَكُونَنَّ مِنَ ٱلۡخَٰسِرِينَ
Ya pidtalu ni Adam silan kani Hawa: Kadenan nami nadupang nami i ginawa nami, amayka di kami nengka ampunen endu ikalimu na makuyug kami kanu manga taw a nangalugi.
قَالَ ٱهۡبِطُواْ بَعۡضُكُمۡ لِبَعۡضٍ عَدُوّٞۖ وَلَكُمۡ فِي ٱلۡأَرۡضِ مُسۡتَقَرّٞ وَمَتَٰعٌ إِلَىٰ حِينٖ
Tig nu Allah: embaba kanu lu sa dunya sa pagukagen nu kaped su kaped nin endu aden kadtakenan nu gagalu lu sa lupa endu aden kawyagan nu sa taman a timpu nin (di pan matay).
قَالَ فِيهَا تَحۡيَوۡنَ وَفِيهَا تَمُوتُونَ وَمِنۡهَا تُخۡرَجُونَ
Tig nu Allah: lu kanu ba paguyag, endu lu kanu bun ba matay, endu lu kanu bun ba makambwat (sa lupa) sa kabangkit sa dunya.
يَٰبَنِيٓ ءَادَمَ قَدۡ أَنزَلۡنَا عَلَيۡكُمۡ لِبَاسٗا يُوَٰرِي سَوۡءَٰتِكُمۡ وَرِيشٗاۖ وَلِبَاسُ ٱلتَّقۡوَىٰ ذَٰلِكَ خَيۡرٞۚ ذَٰلِكَ مِنۡ ءَايَٰتِ ٱللَّهِ لَعَلَّهُمۡ يَذَّكَّرُونَ
Hay! sekanu a tupu nu Adam! Saben-sabenal a initulun nami sa lekanu i balegkas a makasapeng sa awrat nu endu balegkas a mapya i palas nin endu su balegkas a gilek sa Allah na minuna i kapya nin sa langun a nalabit antu, namba na kaped kanu manga tanda nu Allah, ka malemu-lemu sa kanilan i makatadem (ma-indaw silan).
يَٰبَنِيٓ ءَادَمَ لَا يَفۡتِنَنَّكُمُ ٱلشَّيۡطَٰنُ كَمَآ أَخۡرَجَ أَبَوَيۡكُم مِّنَ ٱلۡجَنَّةِ يَنزِعُ عَنۡهُمَا لِبَاسَهُمَا لِيُرِيَهُمَا سَوۡءَٰتِهِمَآۚ إِنَّهُۥ يَرَىٰكُمۡ هُوَ وَقَبِيلُهُۥ مِنۡ حَيۡثُ لَا تَرَوۡنَهُمۡۗ إِنَّا جَعَلۡنَا ٱلشَّيَٰطِينَ أَوۡلِيَآءَ لِلَّذِينَ لَا يُؤۡمِنُونَ
Hay sekanu a tupu nu Adam! Di kanu ma-fitnah nu Shaytan sa mana su kinapalyu nin kanu duwa a lukes nu sa surga (Adam-Hawa) sa ibpagawa nin sa kanilan i balegkas nilan ka endu gailay nu isa i awrat na kaped nin, na kailay kanu nin (Shaytan) endu su manga tagapeda nin, na di nu silan kilay, binaluy nami su manga Shaytan a silan i tagapeda nu (manga taw) di bangimbenal sa Allah.
وَإِذَا فَعَلُواْ فَٰحِشَةٗ قَالُواْ وَجَدۡنَا عَلَيۡهَآ ءَابَآءَنَا وَٱللَّهُ أَمَرَنَا بِهَاۗ قُلۡ إِنَّ ٱللَّهَ لَا يَأۡمُرُ بِٱلۡفَحۡشَآءِۖ أَتَقُولُونَ عَلَى ٱللَّهِ مَا لَا تَعۡلَمُونَ
Endu amayka makanggalebek silan sa maledsik, na ya nilan kadtalu: naparuli nami kanu manga kalukesan nami endu sinugu kami nu Allah sa nya ba, edtalu ka (Muhammad): su Allah na di semugu sa maledsik endu di nin isugu i madtalu nu (sa makadawa kanu) sa Allah i di nu katawan.
قُلۡ أَمَرَ رَبِّي بِٱلۡقِسۡطِۖ وَأَقِيمُواْ وُجُوهَكُمۡ عِندَ كُلِّ مَسۡجِدٖ وَٱدۡعُوهُ مُخۡلِصِينَ لَهُ ٱلدِّينَۚ كَمَا بَدَأَكُمۡ تَعُودُونَ
Edtalu ka (Muhammad): inisugu nu Allah i kambantang endu patidtu nu i manga biyas nu sya kanu masjid (apya ngin i nagalebek, endu apya endaw matabu) endu pangeni kanu sa lekanin (Allah) su ikhlas sa lekanin su agama, ka binaluy kanu nin (paganay) na makambalingan kanu bun sa lekanin. (Allah).
فَرِيقًا هَدَىٰ وَفَرِيقًا حَقَّ عَلَيۡهِمُ ٱلضَّلَٰلَةُۚ إِنَّهُمُ ٱتَّخَذُواْ ٱلشَّيَٰطِينَ أَوۡلِيَآءَ مِن دُونِ ٱللَّهِ وَيَحۡسَبُونَ أَنَّهُم مُّهۡتَدُونَ
Su kaped na natutulu, su kaped na wagib sa kanilan i katading kagina silan na binaluy nilan i manga Shaytan a sinimba nilan a salakaw sa Allah endu ya nilan pagantapen na natutulu silan.
۞ يَٰبَنِيٓ ءَادَمَ خُذُواْ زِينَتَكُمۡ عِندَ كُلِّ مَسۡجِدٖ وَكُلُواْ وَٱشۡرَبُواْ وَلَا تُسۡرِفُوٓاْۚ إِنَّهُۥ لَا يُحِبُّ ٱلۡمُسۡرِفِينَ
Hay sekanu a tupu nu Adam! Kwa nu i ipebpalas nu sya sa kanu mga masjid endu kan kanu endu inum kanu endu di nu mapasagad- mapadsubra (su galebek nu) ka di kalilinyan nu Allah pamakasagad (a galebekan).
قُلۡ مَنۡ حَرَّمَ زِينَةَ ٱللَّهِ ٱلَّتِيٓ أَخۡرَجَ لِعِبَادِهِۦ وَٱلطَّيِّبَٰتِ مِنَ ٱلرِّزۡقِۚ قُلۡ هِيَ لِلَّذِينَ ءَامَنُواْ فِي ٱلۡحَيَوٰةِ ٱلدُّنۡيَا خَالِصَةٗ يَوۡمَ ٱلۡقِيَٰمَةِۗ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَعۡلَمُونَ
Edtalu ka (Muhammad): entayn i sinumapal sa kapalasan a pinambwat nu Allah kanu manga ulipen nin endu su manga mapya rizki, edtalu ka (Muhammad) kanu manga bamamaginugut i sa kanilan (mu'min-kafir) sya sa dunya su manga palas, na kanu manga mu'min bu menem sa gay a mawli (i kapya na palas), mamba i kapedtinantad nami kanu manga ayatan kanu manga taw ka endu nilan katawan.
قُلۡ إِنَّمَا حَرَّمَ رَبِّيَ ٱلۡفَوَٰحِشَ مَا ظَهَرَ مِنۡهَا وَمَا بَطَنَ وَٱلۡإِثۡمَ وَٱلۡبَغۡيَ بِغَيۡرِ ٱلۡحَقِّ وَأَن تُشۡرِكُواْ بِٱللَّهِ مَا لَمۡ يُنَزِّلۡ بِهِۦ سُلۡطَٰنٗا وَأَن تَقُولُواْ عَلَى ٱللَّهِ مَا لَا تَعۡلَمُونَ
Edtalu ka (Muhammad) i ya inisapal nu Allah na su manga maledsik a mapayag endu masulen endu su manga kadusan endu su makasagad (galebekan a pedsubra sa atulan) sa dala kawagib nin, endu su kasakutu sa Allah ka dala initulun nin a tindeg nu (kanu kapedsakutu) endu makadtalu kanu sa Allah sa di nu katawan (makapandalbut su Allah).
وَلِكُلِّ أُمَّةٍ أَجَلٞۖ فَإِذَا جَآءَ أَجَلُهُمۡ لَا يَسۡتَأۡخِرُونَ سَاعَةٗ وَلَا يَسۡتَقۡدِمُونَ
Endu uman isa na aden ajal nin (aden ukulin) na amayka nakawma su ajal nilan na di makasundul su waktu nin (oras nin) na di bun makasunud.
يَٰبَنِيٓ ءَادَمَ إِمَّا يَأۡتِيَنَّكُمۡ رُسُلٞ مِّنكُمۡ يَقُصُّونَ عَلَيۡكُمۡ ءَايَٰتِي فَمَنِ ٱتَّقَىٰ وَأَصۡلَحَ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Hay sekanu a manga tupu nu Adam! Makawma bun sa lekanu i manga sinugu ebpun sa lekanu (manusya a tupu nu bun) a mamanudtulan sa lekanu kanu manga ayat ku, na su magilek sa Allah endu nagumbaya, na dala gilek nilan (kanu kapatay) endu di malidu i ginawa nilan (kanu pengganatan nilan).
وَٱلَّذِينَ كَذَّبُواْ بِـَٔايَٰتِنَا وَٱسۡتَكۡبَرُواْ عَنۡهَآ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Endu su manga taw a napandalbut kanu manga ayatan nami endu emamasla kanu ayatan nami, na silan i kigkwan sa apuy, silan na dala den kalyu nilan sa naraka.
فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِـَٔايَٰتِهِۦٓۚ أُوْلَٰٓئِكَ يَنَالُهُمۡ نَصِيبُهُم مِّنَ ٱلۡكِتَٰبِۖ حَتَّىٰٓ إِذَا جَآءَتۡهُمۡ رُسُلُنَا يَتَوَفَّوۡنَهُمۡ قَالُوٓاْ أَيۡنَ مَا كُنتُمۡ تَدۡعُونَ مِن دُونِ ٱللَّهِۖ قَالُواْ ضَلُّواْ عَنَّا وَشَهِدُواْ عَلَىٰٓ أَنفُسِهِمۡ أَنَّهُمۡ كَانُواْ كَٰفِرِينَ
Da linumawan sa kadupang (na taw) a pidtebwan nin su Allah sa kalbut, ataw ka pinandalbut nin su manga ayatan nin, silan na masugat nu umun nilan ebpun sa kitab (umun a mapya, endu malendu a umul) taman sa amayka makawma sa kanilan su manga sugu nami (malaikat a pembugkut kanu nyawa) na imatayan nilan den, na edtalun nilan (malaikat): endaw den su pedsimban nu a salakaw sa Allah? Ya nilan madtalu: natadin sa lekami (di nami katawan endaw nakabpawang), endu midsaksi silan kanu ginawa nilan sa silan i manga taw a manga kafir.
قَالَ ٱدۡخُلُواْ فِيٓ أُمَمٖ قَدۡ خَلَتۡ مِن قَبۡلِكُم مِّنَ ٱلۡجِنِّ وَٱلۡإِنسِ فِي ٱلنَّارِۖ كُلَّمَا دَخَلَتۡ أُمَّةٞ لَّعَنَتۡ أُخۡتَهَاۖ حَتَّىٰٓ إِذَا ٱدَّارَكُواْ فِيهَا جَمِيعٗا قَالَتۡ أُخۡرَىٰهُمۡ لِأُولَىٰهُمۡ رَبَّنَا هَٰٓؤُلَآءِ أَضَلُّونَا فَـَٔاتِهِمۡ عَذَابٗا ضِعۡفٗا مِّنَ ٱلنَّارِۖ قَالَ لِكُلّٖ ضِعۡفٞ وَلَٰكِن لَّا تَعۡلَمُونَ
Tig nu Allah: ludep kanu, kanu manga taw a nawna pan sa lekanu a jin endu manusya sa naraka, uman makaludep su isa na mulkan menem nu kaped nin taman sa amayka makanggaga-isa den silan tanan (lu sa naraka) na edtalun u egkawli kanu nawna: Kadenan nami silan banan (a nawna sa naraka) i tinumading sa lekami, na inggay ka sa takep a apuy, tig nu Allah: uman isa na aden takep nin (matakep) ugayd na di nu katawan.
وَقَالَتۡ أُولَىٰهُمۡ لِأُخۡرَىٰهُمۡ فَمَا كَانَ لَكُمۡ عَلَيۡنَا مِن فَضۡلٖ فَذُوقُواْ ٱلۡعَذَابَ بِمَا كُنتُمۡ تَكۡسِبُونَ
Ya manem edtalun nu nangawna kanu nangawli: dala sa lekanu i sya sa lekami i katinggyan nu (di kena sabap sa lekami kinatading nu) na nanami nu su siksa sabap kanu pamantyalin nu (penggalebeken nu) a manga kadusan.
إِنَّ ٱلَّذِينَ كَذَّبُواْ بِـَٔايَٰتِنَا وَٱسۡتَكۡبَرُواْ عَنۡهَا لَا تُفَتَّحُ لَهُمۡ أَبۡوَٰبُ ٱلسَّمَآءِ وَلَا يَدۡخُلُونَ ٱلۡجَنَّةَ حَتَّىٰ يَلِجَ ٱلۡجَمَلُ فِي سَمِّ ٱلۡخِيَاطِۚ وَكَذَٰلِكَ نَجۡزِي ٱلۡمُجۡرِمِينَ
Su manga taw a napandalbut kanu manga ayatan nami endu mimamasla silan na di magukat sa kanilan (di kabukatan) i manga bengawan nu langit endu di makaludep silan sa surga taman sa di makaludep su unta kanu pesu na lagum, na mamba i kabalas nami kanu manga pedsakutu.
لَهُم مِّن جَهَنَّمَ مِهَادٞ وَمِن فَوۡقِهِمۡ غَوَاشٖۚ وَكَذَٰلِكَ نَجۡزِي ٱلظَّٰلِمِينَ
Aden sa kanilan lu sa naraka i ikam a apuy endu apuy kanu pulu nilan a pegkalaw-kalaw, endu mamba i kapembalas nami kanu manga dhalimun (pedsakutu, salimbuten).
وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَا نُكَلِّفُ نَفۡسًا إِلَّا وُسۡعَهَآ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ
Endu su manga bamamaginugut endu minggalebek sa manga mapya, di nami ibpalyugat kanu isa i di nin magaga, silan i kigkwan sa surga a di den silan makalyu (lu sa surga).
وَنَزَعۡنَا مَا فِي صُدُورِهِم مِّنۡ غِلّٖ تَجۡرِي مِن تَحۡتِهِمُ ٱلۡأَنۡهَٰرُۖ وَقَالُواْ ٱلۡحَمۡدُ لِلَّهِ ٱلَّذِي هَدَىٰنَا لِهَٰذَا وَمَا كُنَّا لِنَهۡتَدِيَ لَوۡلَآ أَنۡ هَدَىٰنَا ٱللَّهُۖ لَقَدۡ جَآءَتۡ رُسُلُ رَبِّنَا بِٱلۡحَقِّۖ وَنُودُوٓاْ أَن تِلۡكُمُ ٱلۡجَنَّةُ أُورِثۡتُمُوهَا بِمَا كُنتُمۡ تَعۡمَلُونَ
Endu inawa nami kanu manga laleb nilan su kandidilipungeta (su lipunget a nagedam sa sya pan sa dunya) sa pelagilay sa kababan nilan i manga pulangi endu madtalu nilan i pugin tanu su Allah a tinutulu tanu nin sa nya ba endu di tanu makatuntul u di kenabu tinutulu tanu nin, saben-sabenal su kinawma nu sinugu nu Kadenan na bantang endu tinawag silan lu sa surga sa nan den ba su surga a pinawarisan nu Allah sa lekanu sabap kanu penggalebeken nu a mapya.
وَنَادَىٰٓ أَصۡحَٰبُ ٱلۡجَنَّةِ أَصۡحَٰبَ ٱلنَّارِ أَن قَدۡ وَجَدۡنَا مَا وَعَدَنَا رَبُّنَا حَقّٗا فَهَلۡ وَجَدتُّم مَّا وَعَدَ رَبُّكُمۡ حَقّٗاۖ قَالُواْ نَعَمۡۚ فَأَذَّنَ مُؤَذِّنُۢ بَيۡنَهُمۡ أَن لَّعۡنَةُ ٱللَّهِ عَلَى ٱلظَّٰلِمِينَ
Endu tinawag nu taw sa surga su taw sa naraka: naparuli nami den su inibpasad nu Kadenan nami sa lekami a benal, na ngintu naparuli nu mambu su inib-pasad nu Kadenan nu a benal? Tig nilan: uway, aden mapatuntay kanu pageltan nilan sa su mulka nu Allah na nanget den kanu manga taw a dhalimeen. (pedsakutu, salimbuten).
ٱلَّذِينَ يَصُدُّونَ عَن سَبِيلِ ٱللَّهِ وَيَبۡغُونَهَا عِوَجٗا وَهُم بِٱلۡأٓخِرَةِ كَٰفِرُونَ
Silan na ipedsapal nilan su agama nu Allah endu pangilayan nilan sa kabigkugan nin ataw ka katilan nin endu silan na pedsupaken nilan su gay a mawli. (di balityaya sa gay a mawli).
وَبَيۡنَهُمَا حِجَابٞۚ وَعَلَى ٱلۡأَعۡرَافِ رِجَالٞ يَعۡرِفُونَ كُلَّۢا بِسِيمَىٰهُمۡۚ وَنَادَوۡاْ أَصۡحَٰبَ ٱلۡجَنَّةِ أَن سَلَٰمٌ عَلَيۡكُمۡۚ لَمۡ يَدۡخُلُوهَا وَهُمۡ يَطۡمَعُونَ
Endu nakabpageletan sa kanilan (nakadapeng) endu a'raf (lending a mapulu i nambetadan nin) a aden manga mama kanu pageletan nu naraka endu surga, (silan a manga mama) na katawan nilan i tanda na nakasurga endu nakanaraka endu tawagen nilan i manga taw sa surga, sa sagyahatra kanu den (lepas kanu den) sa silan antu a dala makaludep sa surga sa pegkyug a benal silan beludep.
۞ وَإِذَا صُرِفَتۡ أَبۡصَٰرُهُمۡ تِلۡقَآءَ أَصۡحَٰبِ ٱلنَّارِ قَالُواْ رَبَّنَا لَا تَجۡعَلۡنَا مَعَ ٱلۡقَوۡمِ ٱلظَّٰلِمِينَ
Amayka pasangulen silan (ipailay sa kanilan) sya tampal kanu taw na naraka na ya nilan madtalu: Kadenan nami di kami kumuyug kanu manga dhalimeen (pedsakutu, salimbuten).
وَنَادَىٰٓ أَصۡحَٰبُ ٱلۡأَعۡرَافِ رِجَالٗا يَعۡرِفُونَهُم بِسِيمَىٰهُمۡ قَالُواْ مَآ أَغۡنَىٰ عَنكُمۡ جَمۡعُكُمۡ وَمَا كُنتُمۡ تَسۡتَكۡبِرُونَ
Endu tawagen nu taw sa pageltan (lu sa a'raf) i manga mama a manga kafir (a katawan nu bananawag) i manga tanda nilan (sa taw na naraka) sa tig nu bananawag: dala makangguna sa lekanu su kadakel nu (tamuk a linimud nilan sa sya sa dunya) endu su inimamasla nu.
أَهَٰٓؤُلَآءِ ٱلَّذِينَ أَقۡسَمۡتُمۡ لَا يَنَالُهُمُ ٱللَّهُ بِرَحۡمَةٍۚ ٱدۡخُلُواْ ٱلۡجَنَّةَ لَا خَوۡفٌ عَلَيۡكُمۡ وَلَآ أَنتُمۡ تَحۡزَنُونَ
(Su Allah na edtalwan nin su manga kafir): kanu sa di silan ikalimu nu Allah? Sa di kena namba su manga mu'min a midsapa, ludep kanu (a manga bamamaginugut) sa surga sa da gilek nu, endu di malidu i ginawa nu.
وَنَادَىٰٓ أَصۡحَٰبُ ٱلنَّارِ أَصۡحَٰبَ ٱلۡجَنَّةِ أَنۡ أَفِيضُواْ عَلَيۡنَا مِنَ ٱلۡمَآءِ أَوۡ مِمَّا رَزَقَكُمُ ٱللَّهُۚ قَالُوٓاْ إِنَّ ٱللَّهَ حَرَّمَهُمَا عَلَى ٱلۡكَٰفِرِينَ
Endu tawagen nu taw sa naraka su taw sa surga: natutung kami den, pesiki kami nu pan sa ig ataw ka ngin a inirizki nu Allah sa lekanu, ya nilan madtalu (taw na surga): ini-haram nu Allah (su ig ataw ka pegken sa surga) kanu manga kafir.
ٱلَّذِينَ ٱتَّخَذُواْ دِينَهُمۡ لَهۡوٗا وَلَعِبٗا وَغَرَّتۡهُمُ ٱلۡحَيَوٰةُ ٱلدُّنۡيَاۚ فَٱلۡيَوۡمَ نَنسَىٰهُمۡ كَمَا نَسُواْ لِقَآءَ يَوۡمِهِمۡ هَٰذَا وَمَا كَانُواْ بِـَٔايَٰتِنَا يَجۡحَدُونَ
Silan su manga taw a binaluy nilan su agama a ipedsimpang endu dalmetan endu nadulatan silan nu kabpaguyag sa dunya, na saguna na tagaken Nami silan ka tinagak nilan bun i nya ba a gay (lupan silan sa dunya) endu su kapapegkayd nilan kanu manga ayatan nami a padsupaken nilan.
وَلَقَدۡ جِئۡنَٰهُم بِكِتَٰبٖ فَصَّلۡنَٰهُ عَلَىٰ عِلۡمٍ هُدٗى وَرَحۡمَةٗ لِّقَوۡمٖ يُؤۡمِنُونَ
Endu saben-sabenal a pinawman nami silan sa kitab (Qur’an) a pidtinatad nami sa kataw a tutulu endu limu kanu manga taw a bangimbenal.
هَلۡ يَنظُرُونَ إِلَّا تَأۡوِيلَهُۥۚ يَوۡمَ يَأۡتِي تَأۡوِيلُهُۥ يَقُولُ ٱلَّذِينَ نَسُوهُ مِن قَبۡلُ قَدۡ جَآءَتۡ رُسُلُ رَبِّنَا بِٱلۡحَقِّ فَهَل لَّنَا مِن شُفَعَآءَ فَيَشۡفَعُواْ لَنَآ أَوۡ نُرَدُّ فَنَعۡمَلَ غَيۡرَ ٱلَّذِي كُنَّا نَعۡمَلُۚ قَدۡ خَسِرُوٓاْ أَنفُسَهُمۡ وَضَلَّ عَنۡهُم مَّا كَانُواْ يَفۡتَرُونَ
Dala kapagangapan nilan ya tabya na su kadedsa nilan (kasiksa sa kanilan), su gay a kawma nu kadedsa nilan (kasiksa) na madtalu nilan: nalipatanan muna (linipatanan tanu i nya ba a gay) sa benal su kinawma nu sinugu nu Kadenan tanu, na ngin i nya aden pan makadtabang? Ka tabangan tanu nin, ataw ka makambalingan tanu (lu sa dunya) ka enggalebek tanu sa salakaw kanu pinggalebek tanu (a mawag), na saben-sabenal a nalugi nilan i ginawa nilan endu natading sa kanilan (su manga barahala nilan) a ipedtetebu nilan (kanu Allah).
إِنَّ رَبَّكُمُ ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ يُغۡشِي ٱلَّيۡلَ ٱلنَّهَارَ يَطۡلُبُهُۥ حَثِيثٗا وَٱلشَّمۡسَ وَٱلۡقَمَرَ وَٱلنُّجُومَ مُسَخَّرَٰتِۭ بِأَمۡرِهِۦٓۗ أَلَا لَهُ ٱلۡخَلۡقُ وَٱلۡأَمۡرُۗ تَبَارَكَ ٱللَّهُ رَبُّ ٱلۡعَٰلَمِينَ
Su Kadenan na su Allah, a sekanin ba i minaluy kanu manga langit endu lupa sa naka-nem gay,mawli na migkahanda lu kanu a’raf nin, ipendapeng nin su magabi kanu malamag a pedtuntuten u magabi su malamag sa malangkas (endu binaluy nu Allahh) su senang endu su manga bitun sa endaw i kyug nin sabap kanu sugwan nin, ka lekanin a Allah su langun a binaluy endu su kyug, mahasuti su Allah a kadenan u langun a inaden nin.
ٱدۡعُواْ رَبَّكُمۡ تَضَرُّعٗا وَخُفۡيَةًۚ إِنَّهُۥ لَا يُحِبُّ ٱلۡمُعۡتَدِينَ
Pangeni kanu sa Kadenan nu sa embaba kanu endu pageletan a masulen-mapayag, su Allah na di nin kalilinyan i sagad i katanug nin.
وَلَا تُفۡسِدُواْ فِي ٱلۡأَرۡضِ بَعۡدَ إِصۡلَٰحِهَا وَٱدۡعُوهُ خَوۡفٗا وَطَمَعًاۚ إِنَّ رَحۡمَتَ ٱللَّهِ قَرِيبٞ مِّنَ ٱلۡمُحۡسِنِينَ
Endu da kanu maminasa sya sa lupa sa ulyan a kinapagkapya lun endu pangeni kanu sa Allah sa dalem a gilek endu kadsukur, sa limu nu Allah na masupeg kanu manga taw a pebpiya-piya.
وَهُوَ ٱلَّذِي يُرۡسِلُ ٱلرِّيَٰحَ بُشۡرَۢا بَيۡنَ يَدَيۡ رَحۡمَتِهِۦۖ حَتَّىٰٓ إِذَآ أَقَلَّتۡ سَحَابٗا ثِقَالٗا سُقۡنَٰهُ لِبَلَدٖ مَّيِّتٖ فَأَنزَلۡنَا بِهِ ٱلۡمَآءَ فَأَخۡرَجۡنَا بِهِۦ مِن كُلِّ ٱلثَّمَرَٰتِۚ كَذَٰلِكَ نُخۡرِجُ ٱلۡمَوۡتَىٰ لَعَلَّكُمۡ تَذَكَّرُونَ
Endu sekanin a Allah i pedsugu kanu manga sambel a malilini su taw, a lat nu sambel su ulan (pakaygis su ulan sabap kanu sambel) taman sa amayka migkawgat den su dadtem na ibubu nami (pa-ulanen nami) kanu dalpa a minatay (lupa a minatay) patulunan nami sa ulan na pinagemaw nami sabap kanu ulan embalingan a manga unga, maytu bun ba i kapagemaw nami kanu namamatay ka malemu-lemu sa lekanu i makatadem kanu sa kapatay.
وَٱلۡبَلَدُ ٱلطَّيِّبُ يَخۡرُجُ نَبَاتُهُۥ بِإِذۡنِ رَبِّهِۦۖ وَٱلَّذِي خَبُثَ لَا يَخۡرُجُ إِلَّا نَكِدٗاۚ كَذَٰلِكَ نُصَرِّفُ ٱلۡأٓيَٰتِ لِقَوۡمٖ يَشۡكُرُونَ
Su dalpa a mapya na gumemaw su manga bagetu lun sa kahanda nu kadenan nin, su mawag menem na di gumemaw su bagetu lun ya tabya na mawag bun, mamba i kapebpayag nami sa manga ayatan kanu manga taw ka endu silan makadsukur.
لَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓ إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمٖ
Saben-sabenal a sinugu nami su Nuh lu kanu kawm nin endu ya nin pidtalu na simba nu su Allah ka dala sa lekanu i kadenan a salakaw sa lekanin, ka saki na kagilekan aku sa lekanu sa siksa kanu gay a masla (kabangkit sa dunya).
قَالَ ٱلۡمَلَأُ مِن قَوۡمِهِۦٓ إِنَّا لَنَرَىٰكَ فِي ضَلَٰلٖ مُّبِينٖ
Pidtalu nu gawnutan kanu kawm nin: sekami na ya nami kailay sa leka (Nuh) na tading ka sa mapayag.
قَالَ يَٰقَوۡمِ لَيۡسَ بِي ضَلَٰلَةٞ وَلَٰكِنِّي رَسُولٞ مِّن رَّبِّ ٱلۡعَٰلَمِينَ
Tig nu Nuh kanu manga taw nin: di kena aku buneg, ugayd na saki na sinugu aku ebpun kanu Kadenan nu dunya.
أُبَلِّغُكُمۡ رِسَٰلَٰتِ رَبِّي وَأَنصَحُ لَكُمۡ وَأَعۡلَمُ مِنَ ٱللَّهِ مَا لَا تَعۡلَمُونَ
Ipedsampay ku sa lekanu su sugwan nu Kadenan ku endu bangindaw aku sa lekanu endu aden katawan ku ebpun sa Allah a di nu katawan.
أَوَعَجِبۡتُمۡ أَن جَآءَكُمۡ ذِكۡرٞ مِّن رَّبِّكُمۡ عَلَىٰ رَجُلٖ مِّنكُمۡ لِيُنذِرَكُمۡ وَلِتَتَّقُواْ وَلَعَلَّكُمۡ تُرۡحَمُونَ
Ngintu nagayp kanu sa nakawma sa lekanu i indawan ebpun sa Kadenan nu sa sya kanu mama a bangsa nu bun? Ka endu kanu nin kapakagilekan ka endu kanu kagilekan, ka malemu-lemu ikakalimu sa lekanu.
فَكَذَّبُوهُ فَأَنجَيۡنَٰهُ وَٱلَّذِينَ مَعَهُۥ فِي ٱلۡفُلۡكِ وَأَغۡرَقۡنَا ٱلَّذِينَ كَذَّبُواْ بِـَٔايَٰتِنَآۚ إِنَّهُمۡ كَانُواْ قَوۡمًا عَمِينَ
Na pinandalbut nilan na linepas nami sekanin (Nuh) endu su manga kaped nin sya kanu bagedan endu binisana nami su napandalbut kanu manga ayatan nami ka silan a manga taw na pisek i manga atay nilan.
۞ وَإِلَىٰ عَادٍ أَخَاهُمۡ هُودٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ
Endu sinugu nami lu kani Aad i suled nilan a si Hud, ya nin pidtalu: manga taw ku simba nu su Allah ka dala sa lekanu i kadenan a salakaw sa Allah, na ngintu ka di kanu kagilekan?
قَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦٓ إِنَّا لَنَرَىٰكَ فِي سَفَاهَةٖ وَإِنَّا لَنَظُنُّكَ مِنَ ٱلۡكَٰذِبِينَ
Pidtalu nu egkawnutan nu manga kafir kanu Hud: sekami na ya nami kailay sa leka na untengaw ka endu bagantapen nami i seka na pendalbut ka.
قَالَ يَٰقَوۡمِ لَيۡسَ بِي سَفَاهَةٞ وَلَٰكِنِّي رَسُولٞ مِّن رَّبِّ ٱلۡعَٰلَمِينَ
Tig nu Hud: manga taw ku di kena aku untengaw ugayd na sugu aku ebpun sa kadenan nu dunya.
أُبَلِّغُكُمۡ رِسَٰلَٰتِ رَبِّي وَأَنَا۠ لَكُمۡ نَاصِحٌ أَمِينٌ
Ipedsampay ku i sugwan nu Kadenan ku sa laki endu saki na bangindaw aku a mapayag sa lekanu.
أَوَعَجِبۡتُمۡ أَن جَآءَكُمۡ ذِكۡرٞ مِّن رَّبِّكُمۡ عَلَىٰ رَجُلٖ مِّنكُمۡ لِيُنذِرَكُمۡۚ وَٱذۡكُرُوٓاْ إِذۡ جَعَلَكُمۡ خُلَفَآءَ مِنۢ بَعۡدِ قَوۡمِ نُوحٖ وَزَادَكُمۡ فِي ٱلۡخَلۡقِ بَصۜۡطَةٗۖ فَٱذۡكُرُوٓاْ ءَالَآءَ ٱللَّهِ لَعَلَّكُمۡ تُفۡلِحُونَ
Ngintu ka nagayp kanu sa nakawma sa lekanu i indawan ebpun sa Kadenan nu sya kanu mama a bangsa nu bun, ka endu kanu nin kapakagilekan endu tademi nu i binaluy kanu nu Allah a namakasukeli sya sa lupa sa ulyan a taw nu Nuh endu inumanan kanu nin sa kasla endu kalambeg, na tademi nu su limu nu Allah sa lekanu, ka malemu-lemu sa lekanu i makauntung kanu.
قَالُوٓاْ أَجِئۡتَنَا لِنَعۡبُدَ ٱللَّهَ وَحۡدَهُۥ وَنَذَرَ مَا كَانَ يَعۡبُدُ ءَابَآؤُنَا فَأۡتِنَا بِمَا تَعِدُنَآ إِن كُنتَ مِنَ ٱلصَّٰدِقِينَ
Tig nilan: kinawma nengka na endu kami makasimba sa Allah ka endu nami matagak su pedsimban nu manga lukes nami? Na pambwat ka i ibanginggilek nengka sa lekami amayka nakuyug ka kanu manga benal i kadtalu nin.
قَالَ قَدۡ وَقَعَ عَلَيۡكُم مِّن رَّبِّكُمۡ رِجۡسٞ وَغَضَبٌۖ أَتُجَٰدِلُونَنِي فِيٓ أَسۡمَآءٖ سَمَّيۡتُمُوهَآ أَنتُمۡ وَءَابَآؤُكُم مَّا نَزَّلَ ٱللَّهُ بِهَا مِن سُلۡطَٰنٖۚ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ
Pidtalu ni (Hud): nakabetad bun sa lekanu ebpun sa kadenan nu i siksa endu lipunget, enduken ka ib- palawa aku nu pan sa manga ngala bu (a pedsimban nu) inipamedtu nu sekanu endu su manga kalukesan nu sa dala initulun u Allah a tindeg nilan, na angapa kanu den ka saki na salta aku bun sa lekanu a bagangapa.
فَأَنجَيۡنَٰهُ وَٱلَّذِينَ مَعَهُۥ بِرَحۡمَةٖ مِّنَّا وَقَطَعۡنَا دَابِرَ ٱلَّذِينَ كَذَّبُواْ بِـَٔايَٰتِنَاۖ وَمَا كَانُواْ مُؤۡمِنِينَ
Linepas nami sekanin (Hud) endu su manga bamamaginugut sabap kanu limu ebpun sa (Allah) endu ginetas nami su alyugan (atulan) nu napandalbut kanu manga ayatan nami, na dala bun silan pangimbenal.
وَإِلَىٰ ثَمُودَ أَخَاهُمۡ صَٰلِحٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ قَدۡ جَآءَتۡكُم بَيِّنَةٞ مِّن رَّبِّكُمۡۖ هَٰذِهِۦ نَاقَةُ ٱللَّهِ لَكُمۡ ءَايَةٗۖ فَذَرُوهَا تَأۡكُلۡ فِيٓ أَرۡضِ ٱللَّهِۖ وَلَا تَمَسُّوهَا بِسُوٓءٖ فَيَأۡخُذَكُمۡ عَذَابٌ أَلِيمٞ
Endu sinugu nami lu kani Thamud si Salih, ya nin pidtalu (Salih): manga taw ku, simba nu su Allah ka dala kadenan a salakaw sa lekanin, nawma kanu na mapayag a tanda ebpun sa kadenan nu (unta a babay, mimbwat sa pageletan nu) nya su unta nu Allah a lekanu a tanda, na pasagadi nu (padtaday nu den) a keman den mun sya sa kanu lupa nu Allah endu di nu sumigkul sa mawag (mapakasakiti) ka masugat kanu na siksa a masakit.
وَٱذۡكُرُوٓاْ إِذۡ جَعَلَكُمۡ خُلَفَآءَ مِنۢ بَعۡدِ عَادٖ وَبَوَّأَكُمۡ فِي ٱلۡأَرۡضِ تَتَّخِذُونَ مِن سُهُولِهَا قُصُورٗا وَتَنۡحِتُونَ ٱلۡجِبَالَ بُيُوتٗاۖ فَٱذۡكُرُوٓاْ ءَالَآءَ ٱللَّهِ وَلَا تَعۡثَوۡاْ فِي ٱلۡأَرۡضِ مُفۡسِدِينَ
Endu tademi nu i binaluy kanu nu Allah a namakasukeli sa ulyan nu Aad endu pinandaya kanu nin sya sa lupa a bangumbal kanu sa manga maligay ebpun kanu masibukala lupa (mapedtad-pedtad) endu bameswan nu i manga palaw a pegkalbenan nu, na tademi nu su manga limu nu Allah endu da kanu penggula sya sa dalpa ataw ka lupa sa baminasa kanu bu.
قَالَ ٱلۡمَلَأُ ٱلَّذِينَ ٱسۡتَكۡبَرُواْ مِن قَوۡمِهِۦ لِلَّذِينَ ٱسۡتُضۡعِفُواْ لِمَنۡ ءَامَنَ مِنۡهُمۡ أَتَعۡلَمُونَ أَنَّ صَٰلِحٗا مُّرۡسَلٞ مِّن رَّبِّهِۦۚ قَالُوٓاْ إِنَّا بِمَآ أُرۡسِلَ بِهِۦ مُؤۡمِنُونَ
Pidtalu nu kangaunutan sa pemamasla kanu manga taw nin kanu manga malubay: nangimbenal kanu sa ngintu si Salih na sinugu ebpun sa kadenan nin? (namba a kadtalu na umpak bu kanu Salih) ya nilan (bamaginugut) pidtalu: sekami na su inisugu lun na pinangimbenal nami.
قَالَ ٱلَّذِينَ ٱسۡتَكۡبَرُوٓاْ إِنَّا بِٱلَّذِيٓ ءَامَنتُم بِهِۦ كَٰفِرُونَ
Ya manem pidtalu nu pemamasla: na sekami manem na namba a pinangimbanal nu anan na pegkafiran nami (supaken nami).
فَعَقَرُواْ ٱلنَّاقَةَ وَعَتَوۡاْ عَنۡ أَمۡرِ رَبِّهِمۡ وَقَالُواْ يَٰصَٰلِحُ ٱئۡتِنَا بِمَا تَعِدُنَآ إِن كُنتَ مِنَ ٱلۡمُرۡسَلِينَ
Na sinumbali nilan su unta endu pibpapuluwan nilan i sugwan nu Kadenan nilan endu pidtalu nilan i pambwat ka Salih i nambay mapaguway-uway nengka sa lekami u benal a nabi ka.
فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ
Na nasugat silan a linug a mapasang, na nabaluy silan kanu dalpa nilan sa namamatay, su bagagayan ataw ka pedtindeg na dala mapalin.
فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَالَةَ رَبِّي وَنَصَحۡتُ لَكُمۡ وَلَٰكِن لَّا تُحِبُّونَ ٱلنَّٰصِحِينَ
Na tinumangka (si Salih) sa kanilan, endu pidtalu nin: sekanu a manga taw ku na saben-sabenal na nakasampay ku sa lekanu i sinugwan nu Kadenan ku sa laki endu pinangindaw ku sekanu ugayd na di nu kalilinyan i manga taw a mangindaw.
وَلُوطًا إِذۡ قَالَ لِقَوۡمِهِۦٓ أَتَأۡتُونَ ٱلۡفَٰحِشَةَ مَا سَبَقَكُم بِهَا مِنۡ أَحَدٖ مِّنَ ٱلۡعَٰلَمِينَ
Endu su Lut, pidtalu nin kanu manga taw nin: nginan ka penggula kanu sa maledsik (pegkaluma su mama sa mama/babay sa babay) dala isa bu a nawna sa lekanu a minggula sa mamba kanu taw nu dunya.
إِنَّكُمۡ لَتَأۡتُونَ ٱلرِّجَالَ شَهۡوَةٗ مِّن دُونِ ٱلنِّسَآءِۚ بَلۡ أَنتُمۡ قَوۡمٞ مُّسۡرِفُونَ
Sekanu na pegkaluma nu i manga mama sa kyug sa salakaw kanu babay, kena ka sekanu den i manga taw a nakasagad i palangay nin sa kumpasan (atulan).
وَمَا كَانَ جَوَابَ قَوۡمِهِۦٓ إِلَّآ أَن قَالُوٓاْ أَخۡرِجُوهُم مِّن قَرۡيَتِكُمۡۖ إِنَّهُمۡ أُنَاسٞ يَتَطَهَّرُونَ
Endu dala nakasumpat nu manga taw nin ya tabya: pa-awan nu silan sya sa dalpa nu a nya, ka silan a manga taw na suti gayd (di malilini sa kadusan).
فَأَنجَيۡنَٰهُ وَأَهۡلَهُۥٓ إِلَّا ٱمۡرَأَتَهُۥ كَانَتۡ مِنَ ٱلۡغَٰبِرِينَ
Na linepas nami si Lut endu su kadakel nin ya tabya na su kaluma nin ka nakamung masugat a tyuba.
وَأَمۡطَرۡنَا عَلَيۡهِم مَّطَرٗاۖ فَٱنظُرۡ كَيۡفَ كَانَ عَٰقِبَةُ ٱلۡمُجۡرِمِينَ
Endu pina-ulanan nami silan sa ulan a watu a apuy, na ilay ka (Muhammad) u panun ba i mawli a manggula nu manga taw a darwaka manga mujrimeen (manga dupang, pedsakutu, baradusa).
وَإِلَىٰ مَدۡيَنَ أَخَاهُمۡ شُعَيۡبٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ قَدۡ جَآءَتۡكُم بَيِّنَةٞ مِّن رَّبِّكُمۡۖ فَأَوۡفُواْ ٱلۡكَيۡلَ وَٱلۡمِيزَانَ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تُفۡسِدُواْ فِي ٱلۡأَرۡضِ بَعۡدَ إِصۡلَٰحِهَاۚ ذَٰلِكُمۡ خَيۡرٞ لَّكُمۡ إِن كُنتُم مُّؤۡمِنِينَ
Endu sinugu nami su suled nilan a si Shu'aib lu sa manga taw sa Madyan, ya nin pidtalu: sekanu a manga taw ku, simba nu su Allah ka dala sa lekanu i kadenan a salakaw sa lekanin, saben-sabenal a nakawma sa lekanu i mapayag ebpun sa Kadenan nu, na talutup nu i kapagasad nu endu kadtimbang nu, di nu pelugi su manga taw kanu langun taman nilan endu da kanu maminasa kanu dalpa sa ulyan na kinapagkapya lun, ka entuba i makagkapya sa lekanu amayka mangimbenal kanu.
وَلَا تَقۡعُدُواْ بِكُلِّ صِرَٰطٖ تُوعِدُونَ وَتَصُدُّونَ عَن سَبِيلِ ٱللَّهِ مَنۡ ءَامَنَ بِهِۦ وَتَبۡغُونَهَا عِوَجٗاۚ وَٱذۡكُرُوٓاْ إِذۡ كُنتُمۡ قَلِيلٗا فَكَثَّرَكُمۡۖ وَٱنظُرُواْ كَيۡفَ كَانَ عَٰقِبَةُ ٱلۡمُفۡسِدِينَ
Endu da kanu bagagayan kanu lalan sa papegkagileka nu i bagangay kanu Shu'aib, endu pedsapalan nu sa agama su nangimbenal kanu Allah endu ya nu kyug na matila su agama, endu tademi nu su kutika a paydu kanu na pinagkadakel kanu nu Allah, endu ilay nu i mawli a manggula nu manga taw a baminasa.
وَإِن كَانَ طَآئِفَةٞ مِّنكُمۡ ءَامَنُواْ بِٱلَّذِيٓ أُرۡسِلۡتُ بِهِۦ وَطَآئِفَةٞ لَّمۡ يُؤۡمِنُواْ فَٱصۡبِرُواْ حَتَّىٰ يَحۡكُمَ ٱللَّهُ بَيۡنَنَاۚ وَهُوَ خَيۡرُ ٱلۡحَٰكِمِينَ
Endu kaped sa lekanu i nangimbenal kanu inisugu salaki endu su kaped menem sa lekanu na dala pangimbenal, na edsabar kanu (tigkel kanu) a nangimbenal taman sa kumukum bun su Allah kanu pageltan tanu sa kanilan endu su Allah i labi a mapya kanu bamangukum.
۞ قَالَ ٱلۡمَلَأُ ٱلَّذِينَ ٱسۡتَكۡبَرُواْ مِن قَوۡمِهِۦ لَنُخۡرِجَنَّكَ يَٰشُعَيۡبُ وَٱلَّذِينَ ءَامَنُواْ مَعَكَ مِن قَرۡيَتِنَآ أَوۡ لَتَعُودُنَّ فِي مِلَّتِنَاۚ قَالَ أَوَلَوۡ كُنَّا كَٰرِهِينَ
Pidtalu nu kangaunutan u mimamasla sa kanu kawm nu Shua'ib: pawan nami seka O Shua'ib endu su manga bamaginugut (nangimbenal) sa leka sya sa dalpa nami, ataw ka embalingan kanu den mun sya sa agama nami, tig nu Shua'ib: apya di kami myug?
قَدِ ٱفۡتَرَيۡنَا عَلَى ٱللَّهِ كَذِبًا إِنۡ عُدۡنَا فِي مِلَّتِكُم بَعۡدَ إِذۡ نَجَّىٰنَا ٱللَّهُ مِنۡهَاۚ وَمَا يَكُونُ لَنَآ أَن نَّعُودَ فِيهَآ إِلَّآ أَن يَشَآءَ ٱللَّهُ رَبُّنَاۚ وَسِعَ رَبُّنَا كُلَّ شَيۡءٍ عِلۡمًاۚ عَلَى ٱللَّهِ تَوَكَّلۡنَاۚ رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ
Saben-sabenal a kadtebwan nami su Allah sa kalbut amayka sya kami sa agama nu, sa ulyan a linepas kami nin sa agama nu, endu dala kadayt nin i kambalinganan nami ya tabya na kahanda nu Allah a Kadenan nami a mawlad i kataw nu Kadenan nami kanu enggaga-isa, sekanin a Allah i sinaligan nami, Kadenan nami bukati ka sa lekami pageletan nami kanu manga taw sa bantang endu seka i labi i kapya nin kanu banguka.
وَقَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦ لَئِنِ ٱتَّبَعۡتُمۡ شُعَيۡبًا إِنَّكُمۡ إِذٗا لَّخَٰسِرُونَ
Endu pidtalu nu kangaunutan sa kanu manga kawm ni Shu'aib: amayka unutan nu si Shu'aib na sekanu den i manga taw a nangalapis.
فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ
Nasugat silan a linug, nabaluy silan kanu dalpa nilan a matag lawas na dala nyawa nin.
ٱلَّذِينَ كَذَّبُواْ شُعَيۡبٗا كَأَن لَّمۡ يَغۡنَوۡاْ فِيهَاۚ ٱلَّذِينَ كَذَّبُواْ شُعَيۡبٗا كَانُواْ هُمُ ٱلۡخَٰسِرِينَ
Su napandalbut kanu Shu'aib na mana bun silan dala makandalpa kanu dalpa (nadtadin silan sabap kanu linug), su napandalbut kanu Shu'aib na nabaluy silan sa silan i nalugi.
فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَٰلَٰتِ رَبِّي وَنَصَحۡتُ لَكُمۡۖ فَكَيۡفَ ءَاسَىٰ عَلَىٰ قَوۡمٖ كَٰفِرِينَ
Tinumangka si Shu'aib (minawa) endu (linumengi) sa pidtalu nin kanu manga kawm nin i nakasampay ku sa lekanu su agama nu Kadenan ku endu nangindaw aku den sa lekanu, na panun i kalidu na ginawa ku (sa kinabinasa) kanu manga taw a manga kafir.
وَمَآ أَرۡسَلۡنَا فِي قَرۡيَةٖ مِّن نَّبِيٍّ إِلَّآ أَخَذۡنَآ أَهۡلَهَا بِٱلۡبَأۡسَآءِ وَٱلضَّرَّآءِ لَعَلَّهُمۡ يَضَّرَّعُونَ
Endu dala sinugu nami a nabi sya kanu dalpa sa pinandalbut a di kena bininasa nami silan (a napandalbut) sa kapasang a kabpaguyag endu dalu ka endu silan makambaba (makapangalimbaban) sa Allah.
ثُمَّ بَدَّلۡنَا مَكَانَ ٱلسَّيِّئَةِ ٱلۡحَسَنَةَ حَتَّىٰ عَفَواْ وَّقَالُواْ قَدۡ مَسَّ ءَابَآءَنَا ٱلضَّرَّآءُ وَٱلسَّرَّآءُ فَأَخَذۡنَٰهُم بَغۡتَةٗ وَهُمۡ لَا يَشۡعُرُونَ
Mawli na sinambyan nami su mawag sa mapya, taman sa pinagkadakel silan (su kakawasan nilan) endu pidtalu nilan: su manga lukes tanu na nasugat bun silan na mapasang endu malmu (adat a manusya i nya, di kena i niya ebpun kanu Kadenan), bininasa nami silan sa natekaw endu di nilan gadsangginu.
وَلَوۡ أَنَّ أَهۡلَ ٱلۡقُرَىٰٓ ءَامَنُواْ وَٱتَّقَوۡاْ لَفَتَحۡنَا عَلَيۡهِم بَرَكَٰتٖ مِّنَ ٱلسَّمَآءِ وَٱلۡأَرۡضِ وَلَٰكِن كَذَّبُواْ فَأَخَذۡنَٰهُم بِمَا كَانُواْ يَكۡسِبُونَ
Upama mana bu ka nangimbenal su taw nu dalpa endu nagilekan (sa Allah) na bukatan nami kanilan i manga barakat (mamakagkapiya) ebpun sa langit endu lupa, ugayd na napandalbut silan, na bininasa nami silan sabap kanu penggalebeken nilan a manga kadusan.
أَفَأَمِنَ أَهۡلُ ٱلۡقُرَىٰٓ أَن يَأۡتِيَهُم بَأۡسُنَا بَيَٰتٗا وَهُمۡ نَآئِمُونَ
Ya kataw nu taw nu dalpa a dupang na di mawma na tyuba nami silan sa magabi sa timpu na pedtulug silan.
أَوَأَمِنَ أَهۡلُ ٱلۡقُرَىٰٓ أَن يَأۡتِيَهُم بَأۡسُنَا ضُحٗى وَهُمۡ يَلۡعَبُونَ
Endu ya nilan kataw na di silan mawma na tyuba nami sa mapita kanu timpu a pendadalmet silan.
أَفَأَمِنُواْ مَكۡرَ ٱللَّهِۚ فَلَا يَأۡمَنُ مَكۡرَ ٱللَّهِ إِلَّا ٱلۡقَوۡمُ ٱلۡخَٰسِرُونَ
Ngintu linepas nilan i ginawa nilan kanu i kapakayd nu Allah (a kasiksa ataw ka tyuba sa kanilan) na dala man taw a malepas nin i ginawa nin (amayka bagi nin den) ya tabya na (manga taw a pendupang den sa layab, ka ya nilan talima na dala den siksa sa kanilan) manga taw a nangalugi.
أَوَلَمۡ يَهۡدِ لِلَّذِينَ يَرِثُونَ ٱلۡأَرۡضَ مِنۢ بَعۡدِ أَهۡلِهَآ أَن لَّوۡ نَشَآءُ أَصَبۡنَٰهُم بِذُنُوبِهِمۡۚ وَنَطۡبَعُ عَلَىٰ قُلُوبِهِمۡ فَهُمۡ لَا يَسۡمَعُونَ
Ngintu ka di pan makatutulu kanu manga taw (su nanggula nu nangawna) na silan saguna i naka-waris kanu dalpa sa ulyan nu taw nin (a nangawna) na u pigkahanda nami bu na masugat nin bun silan (a tyuba) sabap kanu manga kadusan nilan, na silan a manga taw na di manuliman.
تِلۡكَ ٱلۡقُرَىٰ نَقُصُّ عَلَيۡكَ مِنۡ أَنۢبَآئِهَاۚ وَلَقَدۡ جَآءَتۡهُمۡ رُسُلُهُم بِٱلۡبَيِّنَٰتِ فَمَا كَانُواْ لِيُؤۡمِنُواْ بِمَا كَذَّبُواْ مِن قَبۡلُۚ كَذَٰلِكَ يَطۡبَعُ ٱللَّهُ عَلَىٰ قُلُوبِ ٱلۡكَٰفِرِينَ
Entuba a manga dalpa i banudtulan nami sa leka (Muhammad) i tudtulan nu sa nakawma sa kanilan i manga sinugu sa manga mapayag i napananggit nilan, na dala bun silan pangimbenal sabap sa nawna den i kinapandalbut nilan, mamba i kapedtutup (kapedsapeng) nu Allah kanu manga atay nu manga kafir.
وَمَا وَجَدۡنَا لِأَكۡثَرِهِم مِّنۡ عَهۡدٖۖ وَإِن وَجَدۡنَآ أَكۡثَرَهُمۡ لَفَٰسِقِينَ
Endu da naparuli nami sa kadakelan sa kanilan i pasad a pedtuldun, endu ya kadakelan sa kanilan i manga faasiq (nakalyu kanu sugwan i galebek).
ثُمَّ بَعَثۡنَا مِنۢ بَعۡدِهِم مُّوسَىٰ بِـَٔايَٰتِنَآ إِلَىٰ فِرۡعَوۡنَ وَمَلَإِيْهِۦ فَظَلَمُواْ بِهَاۖ فَٱنظُرۡ كَيۡفَ كَانَ عَٰقِبَةُ ٱلۡمُفۡسِدِينَ
Mawli na pinambwat nami su Musa kanu ulyan nilan (a manga sinugu) lu kani Fir’awn endu su kangasaligan nin, na sinangka nilan su Musa na ilay ka (Muhammad) u panun i mawli (a manggula) nu manga taw a baminasa.
وَقَالَ مُوسَىٰ يَٰفِرۡعَوۡنُ إِنِّي رَسُولٞ مِّن رَّبِّ ٱلۡعَٰلَمِينَ
Endu tig nu Musa: Hay Fir’awn! Saki na sinugu aku nu Kadenan u dunya.
حَقِيقٌ عَلَىٰٓ أَن لَّآ أَقُولَ عَلَى ٱللَّهِ إِلَّا ٱلۡحَقَّۚ قَدۡ جِئۡتُكُم بِبَيِّنَةٖ مِّن رَّبِّكُمۡ فَأَرۡسِلۡ مَعِيَ بَنِيٓ إِسۡرَٰٓءِيلَ
Benal a dala madtalu ku sa Allah ya tabya na benal, nakawma aku sa lekanu sa mapayag ebpun kanu Kadenan, na butawani ka (pandaya ka) su tupu nu Israel lu sa dalpa nilan.
قَالَ إِن كُنتَ جِئۡتَ بِـَٔايَةٖ فَأۡتِ بِهَآ إِن كُنتَ مِنَ ٱلصَّٰدِقِينَ
Tig nu Fir’awn kani Musa: amayka aden tanda na pambwat ka amayka kuyug ka sa kanu manga taw a benal.
فَأَلۡقَىٰ عَصَاهُ فَإِذَا هِيَ ثُعۡبَانٞ مُّبِينٞ
(Su Musa) na pinitasan nin su tungkat nin, kena ka nipay a mapayag.
وَنَزَعَ يَدَهُۥ فَإِذَا هِيَ بَيۡضَآءُ لِلنَّٰظِرِينَ
Endu pinalyu nin su lima nin, kena ka maputi a mapya i palas nin (pegkendap).
قَالَ ٱلۡمَلَأُ مِن قَوۡمِ فِرۡعَوۡنَ إِنَّ هَٰذَا لَسَٰحِرٌ عَلِيمٞ
Ya pidtalu nu egkangaunutan kanu taw nu Fir’awn na: saben-sabenal inan na mataw gayd sa sih’r (manga pakayd).
يُرِيدُ أَن يُخۡرِجَكُم مِّنۡ أَرۡضِكُمۡۖ فَمَاذَا تَأۡمُرُونَ
Ya nin kyug na makalyu kanu sa kanu dalpa nu, (su Fir’awn na minidsa): na ngin i enggulan nu?
قَالُوٓاْ أَرۡجِهۡ وَأَخَاهُ وَأَرۡسِلۡ فِي ٱلۡمَدَآئِنِ حَٰشِرِينَ
Pidtalu nu kangasaligan (ni Fir’awn): lumbatan su manga dalpa tanu endu su suled nin, ka pasuguy ka (Fir’awn) su manga dalpa.
يَأۡتُوكَ بِكُلِّ سَٰحِرٍ عَلِيمٖ
Ka endu kapananggitan ka nilan sa manga matagel sa sih’r (manga pakayd).
وَجَآءَ ٱلسَّحَرَةُ فِرۡعَوۡنَ قَالُوٓاْ إِنَّ لَنَا لَأَجۡرًا إِن كُنَّا نَحۡنُ ٱلۡغَٰلِبِينَ
Endu nakawma su manga mategel (sa manga pakayd) lu sa kani Fir’awn, ya nilan pidtalu: aden sukay tanu (premyu) amayka sekitanu i tumalaw (tumaban)?
قَالَ نَعَمۡ وَإِنَّكُمۡ لَمِنَ ٱلۡمُقَرَّبِينَ
Tig nu Fir’awn: uway endu makasupeg kanu sa laki.
قَالُواْ يَٰمُوسَىٰٓ إِمَّآ أَن تُلۡقِيَ وَإِمَّآ أَن نَّكُونَ نَحۡنُ ٱلۡمُلۡقِينَ
Tig nilan kani Musa: seka i muna mamutawan, ataw ka sekami i muna mamutawan?
قَالَ أَلۡقُواْۖ فَلَمَّآ أَلۡقَوۡاْ سَحَرُوٓاْ أَعۡيُنَ ٱلنَّاسِ وَٱسۡتَرۡهَبُوهُمۡ وَجَآءُو بِسِحۡرٍ عَظِيمٖ
Tig nu Musa: butawan kanu den, guna silan pembutawan, nilangut nilan su mata nu manga taw endu pinakagilekan nilan su manga taw endu pinambwat nilan i sih’r a masla (masla a pakayd).
۞ وَأَوۡحَيۡنَآ إِلَىٰ مُوسَىٰٓ أَنۡ أَلۡقِ عَصَاكَۖ فَإِذَا هِيَ تَلۡقَفُ مَا يَأۡفِكُونَ
Endu ini-wahi nami kani Musa i pitasi ka i balala (tungked) nengka anan, na ngimpan ka pinanakab (pinangan) su langun nu pinambwat nilan a kalbutan.
فَوَقَعَ ٱلۡحَقُّ وَبَطَلَ مَا كَانُواْ يَعۡمَلُونَ
Na napayag su bantang, na batal su penggalebeken nilan.
فَغُلِبُواْ هُنَالِكَ وَٱنقَلَبُواْ صَٰغِرِينَ
Lu ba silan tinalaw, na makaganat silan sa namakalusak.
وَأُلۡقِيَ ٱلسَّحَرَةُ سَٰجِدِينَ
Na nakasugyud su kigkwan sa sih’r.
قَالُوٓاْ ءَامَنَّا بِرَبِّ ٱلۡعَٰلَمِينَ
Pidtalu nilan: nangimbenal kami sa Kadenan nu dunya.
رَبِّ مُوسَىٰ وَهَٰرُونَ
A Kadenan ni Musa endu si Harun.
قَالَ فِرۡعَوۡنُ ءَامَنتُم بِهِۦ قَبۡلَ أَنۡ ءَاذَنَ لَكُمۡۖ إِنَّ هَٰذَا لَمَكۡرٞ مَّكَرۡتُمُوهُ فِي ٱلۡمَدِينَةِ لِتُخۡرِجُواْ مِنۡهَآ أَهۡلَهَاۖ فَسَوۡفَ تَعۡلَمُونَ
Tig Nu Fir’awn: babaya kanu den nangimbenal (kani Musa) sa da ku pan makasugut sa lekanu, nan na naumpungan nu bun a ipamakayd nu sya sa dalpa (i sih’r) anan ka endu nu pakapalyu su manga taw nin, na katawan nu bu i pakaydan ku sa lekanu.
لَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفٖ ثُمَّ لَأُصَلِّبَنَّكُمۡ أَجۡمَعِينَ
Tebpaden ku i manga lima nu endu manga ay nu sa pagkibangan, mawli na palpang ku sekanu tanan.
قَالُوٓاْ إِنَّآ إِلَىٰ رَبِّنَا مُنقَلِبُونَ
Tig nilan: sekami na lu kami embalingan kanu Kadenan nami.
وَمَا تَنقِمُ مِنَّآ إِلَّآ أَنۡ ءَامَنَّا بِـَٔايَٰتِ رَبِّنَا لَمَّا جَآءَتۡنَاۚ رَبَّنَآ أَفۡرِغۡ عَلَيۡنَا صَبۡرٗا وَتَوَفَّنَا مُسۡلِمِينَ
Endu (seka Fir’awn) na da i pedtila nengka (ipegkalipunget) ya tabya na nangimbenal kami kanu manga ayatan nu Kadenan nami sa kinawma nin sa lekami, Kadenan nami, penuwi kami sa kasabar endu imatayi kami a Muslim kami.
وَقَالَ ٱلۡمَلَأُ مِن قَوۡمِ فِرۡعَوۡنَ أَتَذَرُ مُوسَىٰ وَقَوۡمَهُۥ لِيُفۡسِدُواْ فِي ٱلۡأَرۡضِ وَيَذَرَكَ وَءَالِهَتَكَۚ قَالَ سَنُقَتِّلُ أَبۡنَآءَهُمۡ وَنَسۡتَحۡيِۦ نِسَآءَهُمۡ وَإِنَّا فَوۡقَهُمۡ قَٰهِرُونَ
Endu pidtalu nu kangaunutan a taw ni Fir’awn: ipedtagak nengka si Musa endu su manga taw nin na maminasa kanu dalpa, endu tagaken ka nin endu su kadenan nengka, tig ni Fir’awn: imatayan tanu i manga wata nilan a mama, uyagen tanu i manga babay nilan endu sekitanu i mapulu sa kanilan a pamakagaga.
قَالَ مُوسَىٰ لِقَوۡمِهِ ٱسۡتَعِينُواْ بِٱللَّهِ وَٱصۡبِرُوٓاْۖ إِنَّ ٱلۡأَرۡضَ لِلَّهِ يُورِثُهَا مَن يَشَآءُ مِنۡ عِبَادِهِۦۖ وَٱلۡعَٰقِبَةُ لِلۡمُتَّقِينَ
Tig nu Musa kanu taw nin: patabang kanu sa Allah endu edsabar kanu ka su lupa na kanu Allah, pawarisan nin kanu magkahanda nin kanu manga ulipen nin endu su mapya a mawli (su kapegkataban) na kanu magilek.
قَالُوٓاْ أُوذِينَا مِن قَبۡلِ أَن تَأۡتِيَنَا وَمِنۢ بَعۡدِ مَا جِئۡتَنَاۚ قَالَ عَسَىٰ رَبُّكُمۡ أَن يُهۡلِكَ عَدُوَّكُمۡ وَيَسۡتَخۡلِفَكُمۡ فِي ٱلۡأَرۡضِ فَيَنظُرَ كَيۡفَ تَعۡمَلُونَ
Tig nu (tupu nu Israel): napasangan kami sa da ka pan makawma sa lekami endu ulyan den a kinawma nengka, tig nu Musa: su Kadenan nu na binasan nin i satru nu endu isambi kanu nin sya sa dalpa, ka ilayn nin u panun menem i lekanu a peng-galebeken.
وَلَقَدۡ أَخَذۡنَآ ءَالَ فِرۡعَوۡنَ بِٱلسِّنِينَ وَنَقۡصٖ مِّنَ ٱلثَّمَرَٰتِ لَعَلَّهُمۡ يَذَّكَّرُونَ
Endu bininasa nami su kadakel nu Fir’awn sa lagunan (sa kinapanenang), endu su manga unga (pamulan sa di den munga) ka basi ma-indaw silan.
فَإِذَا جَآءَتۡهُمُ ٱلۡحَسَنَةُ قَالُواْ لَنَا هَٰذِهِۦۖ وَإِن تُصِبۡهُمۡ سَيِّئَةٞ يَطَّيَّرُواْ بِمُوسَىٰ وَمَن مَّعَهُۥٓۗ أَلَآ إِنَّمَا طَٰٓئِرُهُمۡ عِندَ ٱللَّهِ وَلَٰكِنَّ أَكۡثَرَهُمۡ لَا يَعۡلَمُونَ
Na amayka mawma na mapya silan, ya nilan kadtalu: lekitanu bun i nya, amayka nasugat silan a mapasang na pidtempwan nilan si Musa endu su manga bamaginugut, na langun na ipedtempu nilan na lu sa Allah, ugayd na ya madakel sa kanilan i di manga mataw.
وَقَالُواْ مَهۡمَا تَأۡتِنَا بِهِۦ مِنۡ ءَايَةٖ لِّتَسۡحَرَنَا بِهَا فَمَا نَحۡنُ لَكَ بِمُؤۡمِنِينَ
Endu pidtalu nilan (kani Musa): apya ngin den i kapambwat nengka sa tanda a sih’r nengka sya sa lekami na di nami seka pangimbenalen.
فَأَرۡسَلۡنَا عَلَيۡهِمُ ٱلطُّوفَانَ وَٱلۡجَرَادَ وَٱلۡقُمَّلَ وَٱلضَّفَادِعَ وَٱلدَّمَ ءَايَٰتٖ مُّفَصَّلَٰتٖ فَٱسۡتَكۡبَرُواْ وَكَانُواْ قَوۡمٗا مُّجۡرِمِينَ
Na sinugu nami sa kanilan i kadalem endu tapudi endu manga saldu endu babak endu lugu a manga tanda a kapegkagaga nu Allah a pidtinatad, na mimamasla silan, endu silan i manga taw a mujrimeen (dupang, pedsakutu, baradusa).
وَلَمَّا وَقَعَ عَلَيۡهِمُ ٱلرِّجۡزُ قَالُواْ يَٰمُوسَى ٱدۡعُ لَنَا رَبَّكَ بِمَا عَهِدَ عِندَكَۖ لَئِن كَشَفۡتَ عَنَّا ٱلرِّجۡزَ لَنُؤۡمِنَنَّ لَكَ وَلَنُرۡسِلَنَّ مَعَكَ بَنِيٓ إِسۡرَٰٓءِيلَ
Endu makawma sa kanilan su siksa sa kanilan (namba nangalabit anan), ya nilan pidtalu: Hay Musa! Pangeni ka pan sa lekami kanu Kadenan nengka sa pasad nin sa leka amayka ma-awa nengka i siksa a nya na mangimbenal kami den sa leka endu paunuten nami den sa leka su tupu nu Israel.
فَلَمَّا كَشَفۡنَا عَنۡهُمُ ٱلرِّجۡزَ إِلَىٰٓ أَجَلٍ هُم بَٰلِغُوهُ إِذَا هُمۡ يَنكُثُونَ
Guna nami ibpagawa sa kanilan su siksa sa taman a di bu pakawma su kageled nilan, kena ka dala nilan tumana su pasad nilan.
فَٱنتَقَمۡنَا مِنۡهُمۡ فَأَغۡرَقۡنَٰهُمۡ فِي ٱلۡيَمِّ بِأَنَّهُمۡ كَذَّبُواْ بِـَٔايَٰتِنَا وَكَانُواْ عَنۡهَا غَٰفِلِينَ
Sinulyan silan sa pinageled nami silan kanu lagat, kagina silan i napan-dalbut kanu manga ayatan nami endu silan kanu manga ayatan nami na dala sa atay nilan.
وَأَوۡرَثۡنَا ٱلۡقَوۡمَ ٱلَّذِينَ كَانُواْ يُسۡتَضۡعَفُونَ مَشَٰرِقَ ٱلۡأَرۡضِ وَمَغَٰرِبَهَا ٱلَّتِي بَٰرَكۡنَا فِيهَاۖ وَتَمَّتۡ كَلِمَتُ رَبِّكَ ٱلۡحُسۡنَىٰ عَلَىٰ بَنِيٓ إِسۡرَٰٓءِيلَ بِمَا صَبَرُواْۖ وَدَمَّرۡنَا مَا كَانَ يَصۡنَعُ فِرۡعَوۡنُ وَقَوۡمُهُۥ وَمَا كَانُواْ يَعۡرِشُونَ
Endu ya nami pinawaris na manga taw a dala alaga nin (pinakapasangan) sa sebangan-sedepan nu dalpa, a dalpa a pinambarakat nami, endu ya bun nakapanalus na su kadtalu nu Kadenan nengka a mapya kanu tupu nu Israel, sabap kanu kinadsabar nilan endu bininasa nami su pakayd nu Fir’awn endu su manga taw nin endu su manga pamulan nin.
وَجَٰوَزۡنَا بِبَنِيٓ إِسۡرَٰٓءِيلَ ٱلۡبَحۡرَ فَأَتَوۡاْ عَلَىٰ قَوۡمٖ يَعۡكُفُونَ عَلَىٰٓ أَصۡنَامٖ لَّهُمۡۚ قَالُواْ يَٰمُوسَى ٱجۡعَل لَّنَآ إِلَٰهٗا كَمَا لَهُمۡ ءَالِهَةٞۚ قَالَ إِنَّكُمۡ قَوۡمٞ تَجۡهَلُونَ
Endu pinalipus (linepas) nami su tupu nu Israel kanu lagat, nawma nilan i manga taw a pedtamengan nilan i barahala nilan, pidtalu nilan kani Musa: umbali kami sa kadenan a maytu ba sa kadenan nilan, tig nu Musa: sekanu su manga taw na dala sabut nu.
إِنَّ هَٰٓؤُلَآءِ مُتَبَّرٞ مَّا هُمۡ فِيهِ وَبَٰطِلٞ مَّا كَانُواْ يَعۡمَلُونَ
Saben-sabenal sa kanilan (a pedsakutu) na mabinasa bun i galebekan nilan endu mabatalu langun a penggalebeken nilan.
قَالَ أَغَيۡرَ ٱللَّهِ أَبۡغِيكُمۡ إِلَٰهٗا وَهُوَ فَضَّلَكُمۡ عَلَى ٱلۡعَٰلَمِينَ
Tig nu Musa: salakaw pan sa Allah i kyugan nu a kadenan nu, na inilabi kanu nin (sa kapyanan) kanu taw na dunya.
وَإِذۡ أَنجَيۡنَٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ يُقَتِّلُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٞ مِّن رَّبِّكُمۡ عَظِيمٞ
Endu labit ka su kinalepas nami sa lekanu kani Fir’awn sa ped-siksan kanu nin sa mawag a siksa, bamunun nin i manga wata nu a manga mama, ya bu baguyagen na manga babay endu lu ba su tyuba sa lekanu a ebpun sa Kadenan nu a masla.
۞ وَوَٰعَدۡنَا مُوسَىٰ ثَلَٰثِينَ لَيۡلَةٗ وَأَتۡمَمۡنَٰهَا بِعَشۡرٖ فَتَمَّ مِيقَٰتُ رَبِّهِۦٓ أَرۡبَعِينَ لَيۡلَةٗۚ وَقَالَ مُوسَىٰ لِأَخِيهِ هَٰرُونَ ٱخۡلُفۡنِي فِي قَوۡمِي وَأَصۡلِحۡ وَلَا تَتَّبِعۡ سَبِيلَ ٱلۡمُفۡسِدِينَ
Endu pibpasadan nami si Musa sa telu-pulu ka magabi endu inumanan nami sa sapulu na sampulna sa pat pulu gay a magabi, na pidtalu nu Musa kanu suled nin a si Harun: ganti aku kanu manga taw ku endu pagkapiya ka (tuntul ka sa tutulu) endu daka munut kanu manga taw a baminasa.
وَلَمَّا جَآءَ مُوسَىٰ لِمِيقَٰتِنَا وَكَلَّمَهُۥ رَبُّهُۥ قَالَ رَبِّ أَرِنِيٓ أَنظُرۡ إِلَيۡكَۚ قَالَ لَن تَرَىٰنِي وَلَٰكِنِ ٱنظُرۡ إِلَى ٱلۡجَبَلِ فَإِنِ ٱسۡتَقَرَّ مَكَانَهُۥ فَسَوۡفَ تَرَىٰنِيۚ فَلَمَّا تَجَلَّىٰ رَبُّهُۥ لِلۡجَبَلِ جَعَلَهُۥ دَكّٗا وَخَرَّ مُوسَىٰ صَعِقٗاۚ فَلَمَّآ أَفَاقَ قَالَ سُبۡحَٰنَكَ تُبۡتُ إِلَيۡكَ وَأَنَا۠ أَوَّلُ ٱلۡمُؤۡمِنِينَ
Guna mawma nu Musa su waktu (oras) a pasad na ipembityalay nu Kadenan nin, tig nu Musa: Kadenan ku pailay ka pan sa laki, tig nu Allah: di aku nengka mailay ugayd na ilay ka i palaw anan ka amayka gumanggan su nabetadan nin na mailay aku nengka, guna pembayang-bayang su kadenan nin kanu palaw na nalupit su palaw, nakalundub su Musa sa dala tanud nin, guna maka-imaman na tig nu (Musa): mahasutika, midtawbat ako sa leka, endu saki i paganay a nangimbenal sa leka (su kapabpagilay nu Allah na manawt bu a benal ka mana bu tugku nu kingking na di den penggaga su palaw- hadith ni Tirmidhi).
قَالَ يَٰمُوسَىٰٓ إِنِّي ٱصۡطَفَيۡتُكَ عَلَى ٱلنَّاسِ بِرِسَٰلَٰتِي وَبِكَلَٰمِي فَخُذۡ مَآ ءَاتَيۡتُكَ وَكُن مِّنَ ٱلشَّٰكِرِينَ
Tig nu Allah: Musa, pinamili Ku seka kanu manga taw sa kanu suguwan Ku endu su kadtalu Ku na kwa ka su inenggay ku sa leka, endu pangaden ka sa makuyug ka kanu manga barasukur.
وَكَتَبۡنَا لَهُۥ فِي ٱلۡأَلۡوَاحِ مِن كُلِّ شَيۡءٖ مَّوۡعِظَةٗ وَتَفۡصِيلٗا لِّكُلِّ شَيۡءٖ فَخُذۡهَا بِقُوَّةٖ وَأۡمُرۡ قَوۡمَكَ يَأۡخُذُواْ بِأَحۡسَنِهَاۚ سَأُوْرِيكُمۡ دَارَ ٱلۡفَٰسِقِينَ
Endu inisulat nami kanu Taurat i langun na indawan endu pinayagan sa langun na enggaga-isa, na kamali ka sa mabagel endu sugu ka su manga taw nengka sa kamalan nilan sa mapya, ka ipailay ku sa lekanu su dalpa nu manga faasiq (nakalyu kanu kasugwan su galebek nin).
سَأَصۡرِفُ عَنۡ ءَايَٰتِيَ ٱلَّذِينَ يَتَكَبَّرُونَ فِي ٱلۡأَرۡضِ بِغَيۡرِ ٱلۡحَقِّ وَإِن يَرَوۡاْ كُلَّ ءَايَةٖ لَّا يُؤۡمِنُواْ بِهَا وَإِن يَرَوۡاْ سَبِيلَ ٱلرُّشۡدِ لَا يَتَّخِذُوهُ سَبِيلٗا وَإِن يَرَوۡاْ سَبِيلَ ٱلۡغَيِّ يَتَّخِذُوهُ سَبِيلٗاۚ ذَٰلِكَ بِأَنَّهُمۡ كَذَّبُواْ بِـَٔايَٰتِنَا وَكَانُواْ عَنۡهَا غَٰفِلِينَ
Isibay ku su manga ayat ku (Qur’an) kanu manga taw a pemamasla silan sya sa lupa sa dala kawagib nin, u nailay nilan i tanda ataw ka ayat na di silan mangimbenal, endu u nakailay silan sa lalan a nakatidtu (kapangimbenal sa Allah) na di nilan baluyn a ukitan, endu u nakailay silan sa lalan a kadusan na baluyn nilan i namba i ukitan nilan, kagina entuba su manga taw a napandalbut kanu manga ayatan nami endu dala sa ginawa nilan i manga ayat ku.
وَٱلَّذِينَ كَذَّبُواْ بِـَٔايَٰتِنَا وَلِقَآءِ ٱلۡأٓخِرَةِ حَبِطَتۡ أَعۡمَٰلُهُمۡۚ هَلۡ يُجۡزَوۡنَ إِلَّا مَا كَانُواْ يَعۡمَلُونَ
Endu su manga taw a napandalbut sa ayatan nami endu su gay a mawli, na nagugul i manga galebek nilan, dala balas nilan ya tabya na su pinggalebek nilan.
وَٱتَّخَذَ قَوۡمُ مُوسَىٰ مِنۢ بَعۡدِهِۦ مِنۡ حُلِيِّهِمۡ عِجۡلٗا جَسَدٗا لَّهُۥ خُوَارٌۚ أَلَمۡ يَرَوۡاْ أَنَّهُۥ لَا يُكَلِّمُهُمۡ وَلَا يَهۡدِيهِمۡ سَبِيلًاۘ ٱتَّخَذُوهُ وَكَانُواْ ظَٰلِمِينَ
Ulyan a kinalikud nu Musa na inumbal nu manga taw nin su manga pagigimwan nilan (a bulawan) sa sapi a aden suwara nin (mana wata a bagulyang) a sinimba nilan, dala nilan madsangginu (madsuliman) i di nilan pakambityala silan endu di silan gatutulu, binaluy nilan a kadenan endu na-aden silan sa dhalimeen (pedsakutu, mangalimban, salimbuten).
وَلَمَّا سُقِطَ فِيٓ أَيۡدِيهِمۡ وَرَأَوۡاْ أَنَّهُمۡ قَدۡ ضَلُّواْ قَالُواْ لَئِن لَّمۡ يَرۡحَمۡنَا رَبُّنَا وَيَغۡفِرۡ لَنَا لَنَكُونَنَّ مِنَ ٱلۡخَٰسِرِينَ
Endu guna den silan makadsendit, (kanu kinambalingan ni Musa) endu nailay nilan i natadin silan, ya nilan nadtalu: u di tanu ikalimu nu Kadenan tanu endu u di tanu nin ampunen na nakuyug tanu den kanu manga taw a nangalugi.
وَلَمَّا رَجَعَ مُوسَىٰٓ إِلَىٰ قَوۡمِهِۦ غَضۡبَٰنَ أَسِفٗا قَالَ بِئۡسَمَا خَلَفۡتُمُونِي مِنۢ بَعۡدِيٓۖ أَعَجِلۡتُمۡ أَمۡرَ رَبِّكُمۡۖ وَأَلۡقَى ٱلۡأَلۡوَاحَ وَأَخَذَ بِرَأۡسِ أَخِيهِ يَجُرُّهُۥٓ إِلَيۡهِۚ قَالَ ٱبۡنَ أُمَّ إِنَّ ٱلۡقَوۡمَ ٱسۡتَضۡعَفُونِي وَكَادُواْ يَقۡتُلُونَنِي فَلَا تُشۡمِتۡ بِيَ ٱلۡأَعۡدَآءَ وَلَا تَجۡعَلۡنِي مَعَ ٱلۡقَوۡمِ ٱلظَّٰلِمِينَ
Guna makawli si Musa lu kanu manga taw nin sa galipunget a galidu i ginawa nin, pidtalu nin: ngin den a kawag i nalikudan ku sa lekanu, ngintu ka pinamagayasan nu i siksa nu Kadenan endu inibetad nin su Taurat, na kinwa nin i ulu nu suled nin (kinakangan nin sa buk) sa tinundan nin, tig nu suled nin (Harun): o wata ni ina (Musa), manga taw a nya na pinakalubay aku nilan, endu paydu saman na bunun aku nilan, na dika pedtempu (pedsendit) sa laki i manga satru anan, endu di aku pagkuyug kanu manga taw a dhalimeen.
قَالَ رَبِّ ٱغۡفِرۡ لِي وَلِأَخِي وَأَدۡخِلۡنَا فِي رَحۡمَتِكَۖ وَأَنتَ أَرۡحَمُ ٱلرَّٰحِمِينَ
Tig nu Musa: Kadenan ku ampun ka sa laki endu su suled ku, endu paludep kami kanu limu nengka endu seka i malimu kanu langun u malimu.
إِنَّ ٱلَّذِينَ ٱتَّخَذُواْ ٱلۡعِجۡلَ سَيَنَالُهُمۡ غَضَبٞ مِّن رَّبِّهِمۡ وَذِلَّةٞ فِي ٱلۡحَيَوٰةِ ٱلدُّنۡيَاۚ وَكَذَٰلِكَ نَجۡزِي ٱلۡمُفۡتَرِينَ
Su manga taw a minumbal sa sapi a sinimba nilan na makwa (masugat) silan a lipunget ebpun kanu Kadenan nilan endu makalusak sya sa uyag-uyag sa dunya, na mamba i kabalas nami kanu manga taw a pedtetebu sa kalbutan.
وَٱلَّذِينَ عَمِلُواْ ٱلسَّيِّـَٔاتِ ثُمَّ تَابُواْ مِنۢ بَعۡدِهَا وَءَامَنُوٓاْ إِنَّ رَبَّكَ مِنۢ بَعۡدِهَا لَغَفُورٞ رَّحِيمٞ
Endu su manga taw a penggalebek sa manga malat, mawli na midtawbat sa ulyan nin endu nangimbenal silan na su Kadenan nengka sa ulyan antu na bangampun a malimu.
وَلَمَّا سَكَتَ عَن مُّوسَى ٱلۡغَضَبُ أَخَذَ ٱلۡأَلۡوَاحَۖ وَفِي نُسۡخَتِهَا هُدٗى وَرَحۡمَةٞ لِّلَّذِينَ هُمۡ لِرَبِّهِمۡ يَرۡهَبُونَ
Guna den makatelen su lipunget nu Musa na kinwa nin su Taurat endu nakasulat su tutulu endu limu lu kanu manga taw endu bangandamen nilan i Kadenan nilan.
وَٱخۡتَارَ مُوسَىٰ قَوۡمَهُۥ سَبۡعِينَ رَجُلٗا لِّمِيقَٰتِنَاۖ فَلَمَّآ أَخَذَتۡهُمُ ٱلرَّجۡفَةُ قَالَ رَبِّ لَوۡ شِئۡتَ أَهۡلَكۡتَهُم مِّن قَبۡلُ وَإِيَّٰيَۖ أَتُهۡلِكُنَا بِمَا فَعَلَ ٱلسُّفَهَآءُ مِنَّآۖ إِنۡ هِيَ إِلَّا فِتۡنَتُكَ تُضِلُّ بِهَا مَن تَشَآءُ وَتَهۡدِي مَن تَشَآءُۖ أَنتَ وَلِيُّنَا فَٱغۡفِرۡ لَنَا وَٱرۡحَمۡنَاۖ وَأَنتَ خَيۡرُ ٱلۡغَٰفِرِينَ
Endu namili si Musa kanu taw nin sa pitu pulu a mama kanu waktu nami, guna silan masugat na linug (sabap kanu pidtalu nilan kani Musa sa di kami mangimbenal sa leka, taman sa di nengka ipailay su Kadenan nengka) tig nu Musa: Kadenan ku u kahanda nengka i binasan silan, na nawna den abpeg ku, na di kami pembinasa sabap kanu galebekan nu manga di mataw sa lekami, ka dala i nya ya tabya na tyuba nengka, ipedtading nengka kanu magkahanda nengka, endu pedtutulun nengka su magkahanda nengka, seka i pedtuldu sa lekami na ampun kami nengka, ka seka i mapya gayd a mangampun.
۞ وَٱكۡتُبۡ لَنَا فِي هَٰذِهِ ٱلدُّنۡيَا حَسَنَةٗ وَفِي ٱلۡأٓخِرَةِ إِنَّا هُدۡنَآ إِلَيۡكَۚ قَالَ عَذَابِيٓ أُصِيبُ بِهِۦ مَنۡ أَشَآءُۖ وَرَحۡمَتِي وَسِعَتۡ كُلَّ شَيۡءٖۚ فَسَأَكۡتُبُهَا لِلَّذِينَ يَتَّقُونَ وَيُؤۡتُونَ ٱلزَّكَوٰةَ وَٱلَّذِينَ هُم بِـَٔايَٰتِنَا يُؤۡمِنُونَ
Endu inggay nengka sya sa dunya i mapya endu lu sa akhirat sa lekami, sekami na midtawbat kami sa leka, tig nu Allah: isugat ku i siksa ku kanu magkahanda ku endu su limu ku na mawlad kanu langun nu enggaga-isa, na inggay ku kanu manga taw a magilek, endu pedzakat silan na bangimbenal kanu manga ayatan nami.
ٱلَّذِينَ يَتَّبِعُونَ ٱلرَّسُولَ ٱلنَّبِيَّ ٱلۡأُمِّيَّ ٱلَّذِي يَجِدُونَهُۥ مَكۡتُوبًا عِندَهُمۡ فِي ٱلتَّوۡرَىٰةِ وَٱلۡإِنجِيلِ يَأۡمُرُهُم بِٱلۡمَعۡرُوفِ وَيَنۡهَىٰهُمۡ عَنِ ٱلۡمُنكَرِ وَيُحِلُّ لَهُمُ ٱلطَّيِّبَٰتِ وَيُحَرِّمُ عَلَيۡهِمُ ٱلۡخَبَٰٓئِثَ وَيَضَعُ عَنۡهُمۡ إِصۡرَهُمۡ وَٱلۡأَغۡلَٰلَ ٱلَّتِي كَانَتۡ عَلَيۡهِمۡۚ فَٱلَّذِينَ ءَامَنُواْ بِهِۦ وَعَزَّرُوهُ وَنَصَرُوهُ وَٱتَّبَعُواْ ٱلنُّورَ ٱلَّذِيٓ أُنزِلَ مَعَهُۥٓ أُوْلَٰٓئِكَ هُمُ ٱلۡمُفۡلِحُونَ
Silan ba su manga taw a minunut kanu rasul a nabi (Muhammad) a di makabatya, sa sekanin i naparuli nu manga Yahudi a nakasulat i ngala nin lu kanu Taurat endu lu sa Injil a simugu sa kanilan sa mapya endu sumapal sa kanilan sa mawag, endu ini-halal sa kanilan su manga mapya endu ini-haram sa kanilan su manga maledsik endu iyawa nin sa kanilan su mawgat (kapegkagan silan kanu ka simba nilan) endu su manga mapasang lu kanu agama nilan, su nangimbenal sa lekanin (Muhammad) endu pinakasla nilan endu inidsabek nilan endu inunutan nilan su sigay (Qur’an) a initulun sa lekanin, na silan i manga taw a namakauntung.
قُلۡ يَٰٓأَيُّهَا ٱلنَّاسُ إِنِّي رَسُولُ ٱللَّهِ إِلَيۡكُمۡ جَمِيعًا ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ لَآ إِلَٰهَ إِلَّا هُوَ يُحۡيِۦ وَيُمِيتُۖ فَـَٔامِنُواْ بِٱللَّهِ وَرَسُولِهِ ٱلنَّبِيِّ ٱلۡأُمِّيِّ ٱلَّذِي يُؤۡمِنُ بِٱللَّهِ وَكَلِمَٰتِهِۦ وَٱتَّبِعُوهُ لَعَلَّكُمۡ تَهۡتَدُونَ
Edtalu ka (Muhammad): sekanu a manga taw, saki na sinugu aku nu Allah sa lekanu langun, a sekanin i kigkwan kanu manga langit endu lupa, na dala kadenan a wagib a pedsimban a lyu sa lekanin, banguyag endu bangimatay, na pangimbenal nu su Allah endu su sinugu nin a di makabatya, a bangimbenal sa Allah endu su manga kadtalu nin, endu unuti nu, ka malemu-lemu sa lekanu i matutulu kanu.
وَمِن قَوۡمِ مُوسَىٰٓ أُمَّةٞ يَهۡدُونَ بِٱلۡحَقِّ وَبِهِۦ يَعۡدِلُونَ
Endu aden kanu taw nu Musa i manga taw a pedtutulu sa bantang endu ipembantang nilan su hukuman.
وَقَطَّعۡنَٰهُمُ ٱثۡنَتَيۡ عَشۡرَةَ أَسۡبَاطًا أُمَمٗاۚ وَأَوۡحَيۡنَآ إِلَىٰ مُوسَىٰٓ إِذِ ٱسۡتَسۡقَىٰهُ قَوۡمُهُۥٓ أَنِ ٱضۡرِب بِّعَصَاكَ ٱلۡحَجَرَۖ فَٱنۢبَجَسَتۡ مِنۡهُ ٱثۡنَتَا عَشۡرَةَ عَيۡنٗاۖ قَدۡ عَلِمَ كُلُّ أُنَاسٖ مَّشۡرَبَهُمۡۚ وَظَلَّلۡنَا عَلَيۡهِمُ ٱلۡغَمَٰمَ وَأَنزَلۡنَا عَلَيۡهِمُ ٱلۡمَنَّ وَٱلسَّلۡوَىٰۖ كُلُواْ مِن طَيِّبَٰتِ مَا رَزَقۡنَٰكُمۡۚ وَمَا ظَلَمُونَا وَلَٰكِن كَانُوٓاْ أَنفُسَهُمۡ يَظۡلِمُونَ
Endu pinagepad nami (pimbad-bad) sa sapulu endu duwa (su manga wata nu Ya'kub) endu ini-wahi nami kani Musa kanu kabpangeni nu taw nin sa ig: ibetay nengka (Musa) su tungked nengka san sa watu, na mimbwat i sapulu endu duwa a buwal, na natawan na umani-isa ka-tupu i baginuman nilan endu sinilungan nami silan sa gabun endu initulun nami sa kanilan (alman- pegken a manga mamis) endu salwa papanuk (a pedtumpis) sa kan kanu sa kanu manga mapya a rizki nami sa lekanu endu dala kami nilan dupanga, ugayd na ginawa nilan i dinupang nilan.
وَإِذۡ قِيلَ لَهُمُ ٱسۡكُنُواْ هَٰذِهِ ٱلۡقَرۡيَةَ وَكُلُواْ مِنۡهَا حَيۡثُ شِئۡتُمۡ وَقُولُواْ حِطَّةٞ وَٱدۡخُلُواْ ٱلۡبَابَ سُجَّدٗا نَّغۡفِرۡ لَكُمۡ خَطِيٓـَٰٔتِكُمۡۚ سَنَزِيدُ ٱلۡمُحۡسِنِينَ
Endu pidtalu sa kanilan: tanan kanu sya sa dalpa (Baital Muqaddas) endu kan kanu sa endaw den i pegkyugan nu endu edtalu nu i ampunen kanu, endu ludep kanu sa bengawan sa sugyud kanu ka ampunen nami sekanu kanu kadusan nu, na umanan nami pan su manga mapya sa lekanu.
فَبَدَّلَ ٱلَّذِينَ ظَلَمُواْ مِنۡهُمۡ قَوۡلًا غَيۡرَ ٱلَّذِي قِيلَ لَهُمۡ فَأَرۡسَلۡنَا عَلَيۡهِمۡ رِجۡزٗا مِّنَ ٱلسَّمَآءِ بِمَا كَانُواْ يَظۡلِمُونَ
Na sinambyan nu manga dupang kanilan su kadtalu sa di kena su pidtalu sa kanilan, na sinugu kanilan i siksa ebpun sa langit sabap kanu kapendupang nilan.
وَسۡـَٔلۡهُمۡ عَنِ ٱلۡقَرۡيَةِ ٱلَّتِي كَانَتۡ حَاضِرَةَ ٱلۡبَحۡرِ إِذۡ يَعۡدُونَ فِي ٱلسَّبۡتِ إِذۡ تَأۡتِيهِمۡ حِيتَانُهُمۡ يَوۡمَ سَبۡتِهِمۡ شُرَّعٗا وَيَوۡمَ لَا يَسۡبِتُونَ لَا تَأۡتِيهِمۡۚ كَذَٰلِكَ نَبۡلُوهُم بِمَا كَانُواْ يَفۡسُقُونَ
Endu idsa nengka (Muhammad) sa kanilan a Yahudi su dalpa a masiken sa lagat, a sinupak nilan su inisapal sa kanilan su saptu (di manginseda silan sa saptu), makawma sa kanilan (i seda a madakel) ataw ka embwat i manga seda sa gay na saptu sa madakel, endu gay a di kena saptu na di embwat su seda, mamba i kapembatalu nami sa kanilan sabap kanu kabpelyu nilan sa inugut.
وَإِذۡ قَالَتۡ أُمَّةٞ مِّنۡهُمۡ لِمَ تَعِظُونَ قَوۡمًا ٱللَّهُ مُهۡلِكُهُمۡ أَوۡ مُعَذِّبُهُمۡ عَذَابٗا شَدِيدٗاۖ قَالُواْ مَعۡذِرَةً إِلَىٰ رَبِّكُمۡ وَلَعَلَّهُمۡ يَتَّقُونَ
Endu pidtalu nu kaped sa kanilan: ngintu ka bangindawn pan i manga taw na su Allah bu i minasa sa kanilan ataw ka sumiksa sa kanilan sa siksa a mapasang, pidtalu nu (bamangindaw): nya ba i di tanu ka-amung (di tanu makamung) sa tyuba na kapangindaw, endu malemu-lemu i kagilekan silan.
فَلَمَّا نَسُواْ مَا ذُكِّرُواْ بِهِۦٓ أَنجَيۡنَا ٱلَّذِينَ يَنۡهَوۡنَ عَنِ ٱلسُّوٓءِ وَأَخَذۡنَا ٱلَّذِينَ ظَلَمُواْ بِعَذَابِۭ بَـِٔيسِۭ بِمَا كَانُواْ يَفۡسُقُونَ
Guna nilan ipedtagak su indawan sa kanilan na linepas nami su pedsapal kanu malat endu tinyuba nami su manga dupang sa siksa a sangat i kapasang nin sabap sa kinalyu nilan sa inugut sa Allah.
فَلَمَّا عَتَوۡاْ عَن مَّا نُهُواْ عَنۡهُ قُلۡنَا لَهُمۡ كُونُواْ قِرَدَةً خَٰسِـِٔينَ
Guna nilan pedsungkanga su inisapal sa kanilan na pinambaluy nami silan a ubal a nakalusak i palas nin.
وَإِذۡ تَأَذَّنَ رَبُّكَ لَيَبۡعَثَنَّ عَلَيۡهِمۡ إِلَىٰ يَوۡمِ ٱلۡقِيَٰمَةِ مَن يَسُومُهُمۡ سُوٓءَ ٱلۡعَذَابِۗ إِنَّ رَبَّكَ لَسَرِيعُ ٱلۡعِقَابِ وَإِنَّهُۥ لَغَفُورٞ رَّحِيمٞ
Endu pinakatawan nu Kadenan nengka i pambwatan nin silan (a manga Yahudi) taman sa gay a mawli sa sumiksa sa kanilan sa mawag a siksa, su Kadenan nengka na mangagan i kasiksa nin endu sekanin na bangampun a malimu.
وَقَطَّعۡنَٰهُمۡ فِي ٱلۡأَرۡضِ أُمَمٗاۖ مِّنۡهُمُ ٱلصَّٰلِحُونَ وَمِنۡهُمۡ دُونَ ذَٰلِكَۖ وَبَلَوۡنَٰهُم بِٱلۡحَسَنَٰتِ وَٱلسَّيِّـَٔاتِ لَعَلَّهُمۡ يَرۡجِعُونَ
Endu pinabpitas nami (Yahudi) sya sa lupa su manga taw, kaped sa kanilan i manga mapya endu kaped sa kanilan na di kena mapya, endu binatalu nami silan sa mapya endu di mapya, ka malemu-lemu sa kanilan i edtinidtwan silan.
فَخَلَفَ مِنۢ بَعۡدِهِمۡ خَلۡفٞ وَرِثُواْ ٱلۡكِتَٰبَ يَأۡخُذُونَ عَرَضَ هَٰذَا ٱلۡأَدۡنَىٰ وَيَقُولُونَ سَيُغۡفَرُ لَنَا وَإِن يَأۡتِهِمۡ عَرَضٞ مِّثۡلُهُۥ يَأۡخُذُوهُۚ أَلَمۡ يُؤۡخَذۡ عَلَيۡهِم مِّيثَٰقُ ٱلۡكِتَٰبِ أَن لَّا يَقُولُواْ عَلَى ٱللَّهِ إِلَّا ٱلۡحَقَّ وَدَرَسُواْ مَا فِيهِۗ وَٱلدَّارُ ٱلۡأٓخِرَةُ خَيۡرٞ لِّلَّذِينَ يَتَّقُونَۚ أَفَلَا تَعۡقِلُونَ
Nasukeli sa ulyan nilan (i manga taw) a nakatundug a nakawaris kanu Taurat a pegkwa sa haram apya kaumbayan (nilan) su Taurat, silan sa sagugunay (bamantiyali) apiya supak sa Taurat endu ya nilan kadtalu: ampunen bun sa lekitanu, endu amayka nakawma sa kanilan i pantyali a pagidsan nin na kwan nilan, saben-sabenal a nakabpasad sa kanilan kanu kitab (Taurat) i di silan edtalu sa Allah ya tabya na bantang, endu napangagyan nilan su dalem nin, endu su dalpa a akhirat na ya labi i kapya nin kanu manga magilek, na ngintu ka di kanu magungangen?
وَٱلَّذِينَ يُمَسِّكُونَ بِٱلۡكِتَٰبِ وَأَقَامُواْ ٱلصَّلَوٰةَ إِنَّا لَا نُضِيعُ أَجۡرَ ٱلۡمُصۡلِحِينَ
Endu silan i pegkamal kanu kitab endu pedsambayang silan, (tig nu Allah): sekami na di nami dadagen su balas nu manga taw a papegkapya.
۞ وَإِذۡ نَتَقۡنَا ٱلۡجَبَلَ فَوۡقَهُمۡ كَأَنَّهُۥ ظُلَّةٞ وَظَنُّوٓاْ أَنَّهُۥ وَاقِعُۢ بِهِمۡ خُذُواْ مَآ ءَاتَيۡنَٰكُم بِقُوَّةٖ وَٱذۡكُرُواْ مَا فِيهِ لَعَلَّكُمۡ تَتَّقُونَ
Endu inipulu nami su palaw kanu pulu nu mana den su gabun a pedsilung sa lekanu endu na-antap nilan i makadadsang sa kanilan (di nin bun idadsang), kamali nu su inenggay nami sa lekanu (su Taurat) sa mabagel endu tademi nu su dalem nin ka malemu-lemu i kagilekan kanu.
وَإِذۡ أَخَذَ رَبُّكَ مِنۢ بَنِيٓ ءَادَمَ مِن ظُهُورِهِمۡ ذُرِّيَّتَهُمۡ وَأَشۡهَدَهُمۡ عَلَىٰٓ أَنفُسِهِمۡ أَلَسۡتُ بِرَبِّكُمۡۖ قَالُواْ بَلَىٰ شَهِدۡنَآۚ أَن تَقُولُواْ يَوۡمَ ٱلۡقِيَٰمَةِ إِنَّا كُنَّا عَنۡ هَٰذَا غَٰفِلِينَ
Endu namaruli su Kadenan nengka sa tupu nu Adam sa lu pan sa manga bigkugung nilan su mauli a taw nilan endu pinadsaksi nu Allah silan sa ginawa nilan, tig nu Allah: ngintu di kena saki i Kadenan nu? Tig nilan: Seka! Midsaksi kami, ka endu di nilan madtalu lu sa gay a mawli i da sabut nu sa namba.
أَوۡ تَقُولُوٓاْ إِنَّمَآ أَشۡرَكَ ءَابَآؤُنَا مِن قَبۡلُ وَكُنَّا ذُرِّيَّةٗ مِّنۢ بَعۡدِهِمۡۖ أَفَتُهۡلِكُنَا بِمَا فَعَلَ ٱلۡمُبۡطِلُونَ
Ataw ka endu nu madtalu i sinumakutu bun su ka-apwan nami, na sekami na mawli a taw kami bu a nakatundug bu sa kanilan, na ngintu binasan kami nu sabap sa galebek nu manga baatil?
وَكَذَٰلِكَ نُفَصِّلُ ٱلۡأٓيَٰتِ وَلَعَلَّهُمۡ يَرۡجِعُونَ
Endu mamba i kapedtinatad nami kanu manga ayat, ka malemu-lemu sa kanilan i maginuntulan silan.
وَٱتۡلُ عَلَيۡهِمۡ نَبَأَ ٱلَّذِيٓ ءَاتَيۡنَٰهُ ءَايَٰتِنَا فَٱنسَلَخَ مِنۡهَا فَأَتۡبَعَهُ ٱلشَّيۡطَٰنُ فَكَانَ مِنَ ٱلۡغَاوِينَ
Endu batya ka sa kanilan (Muhammad) su tudtulan kanu inenggan nami sa kanu ayatan nami (ped kanu lumpukan na Yahudi) na linuwas nin (tinagak nin) su kataw nin na inunutan nu Shaytan, na nakuyug kanu manga taw a nangabinasa.
وَلَوۡ شِئۡنَا لَرَفَعۡنَٰهُ بِهَا وَلَٰكِنَّهُۥٓ أَخۡلَدَ إِلَى ٱلۡأَرۡضِ وَٱتَّبَعَ هَوَىٰهُۚ فَمَثَلُهُۥ كَمَثَلِ ٱلۡكَلۡبِ إِن تَحۡمِلۡ عَلَيۡهِ يَلۡهَثۡ أَوۡ تَتۡرُكۡهُ يَلۡهَثۚ ذَّٰلِكَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِنَاۚ فَٱقۡصُصِ ٱلۡقَصَصَ لَعَلَّهُمۡ يَتَفَكَّرُونَ
Endu u nagkahanda nami bu na inipulu nami den (i pangkatan nin sabap) kanu kataw nin, ugayd na ya natagu sa ginawa nin na tatap sa dunya (di matay) endu inunutan nin i kyug na ginawa nin, na ya nin upaman na aso a magidsan i galugat ataw ka dili na penggemaw i dila nin, upaman u manga taw a napandalbut kanu manga ayatan nami, na panudtul ka (Muhammad) su manga tudtulan ka basi makapamikil silan.
سَآءَ مَثَلًا ٱلۡقَوۡمُ ٱلَّذِينَ كَذَّبُواْ بِـَٔايَٰتِنَا وَأَنفُسَهُمۡ كَانُواْ يَظۡلِمُونَ
Mawag a upaman i manga taw a napandalbut kanu manga ayatan nami endu silan bun i pendupang sa kanu ginawa nilan.
مَن يَهۡدِ ٱللَّهُ فَهُوَ ٱلۡمُهۡتَدِيۖ وَمَن يُضۡلِلۡ فَأُوْلَٰٓئِكَ هُمُ ٱلۡخَٰسِرُونَ
Su tinutulu nu Allah a entuba i natutulu (sa bantang) endu su tadingen nin na silan menem i nangalugi.
وَلَقَدۡ ذَرَأۡنَا لِجَهَنَّمَ كَثِيرٗا مِّنَ ٱلۡجِنِّ وَٱلۡإِنسِۖ لَهُمۡ قُلُوبٞ لَّا يَفۡقَهُونَ بِهَا وَلَهُمۡ أَعۡيُنٞ لَّا يُبۡصِرُونَ بِهَا وَلَهُمۡ ءَاذَانٞ لَّا يَسۡمَعُونَ بِهَآۚ أُوْلَٰٓئِكَ كَٱلۡأَنۡعَٰمِ بَلۡ هُمۡ أَضَلُّۚ أُوْلَٰٓئِكَ هُمُ ٱلۡغَٰفِلُونَ
Endu saben-sabenal a binaluy nami i madakel a jin endu manusya a inidasek sa naraka jahannam, ka aden bun manga atay nilan na di nilan ituntay endu aden bun manga mata nilan na di nilan ipangingilay endu aden bun manga tangila nilan na di nilan ipanuliman, silan na mana bun manga binatang, taman sa muna pan silan (sa binatang) i kinatading nilan, silan a manga taw na dala natawan nilan.
وَلِلَّهِ ٱلۡأَسۡمَآءُ ٱلۡحُسۡنَىٰ فَٱدۡعُوهُ بِهَاۖ وَذَرُواْ ٱلَّذِينَ يُلۡحِدُونَ فِيٓ أَسۡمَٰٓئِهِۦۚ سَيُجۡزَوۡنَ مَا كَانُواْ يَعۡمَلُونَ
Endu kanu Allah su manga ngala a manga mapya, na pangeni kanu sa Allah kanu manga ngala nin, endu pasagadi nu su bagumbayan nin i manga ngala nu Allah, ka di ebplis na balasan silan kanu penggalebeken nilan.
وَمِمَّنۡ خَلَقۡنَآ أُمَّةٞ يَهۡدُونَ بِٱلۡحَقِّ وَبِهِۦ يَعۡدِلُونَ
Endu kaped a binaluy nami i manga taw a banutulu sa bantang (haqq) endu pembantang sa hukuman sabap kanu haqq.
وَٱلَّذِينَ كَذَّبُواْ بِـَٔايَٰتِنَا سَنَسۡتَدۡرِجُهُم مِّنۡ حَيۡثُ لَا يَعۡلَمُونَ
Su manga taw a napandalbut kanu manga ayatan nami na belayatan nami silan (sa siksa) sa di nilan katawan i ulyanan nilan.
وَأُمۡلِي لَهُمۡۚ إِنَّ كَيۡدِي مَتِينٌ
Endu pelanatan ku silan (di silan tundugen sumiksa ka basi magumbaya) ka su kapakayd ku (sa kanilan) na mapasang.
أَوَلَمۡ يَتَفَكَّرُواْۗ مَا بِصَاحِبِهِم مِّن جِنَّةٍۚ إِنۡ هُوَ إِلَّا نَذِيرٞ مُّبِينٌ
Ngintu ka di nilan kapamikir su tagapeda nilan a (Muhammad) na di kena buneg, sekanin ipabpagingat a mapayag.
أَوَلَمۡ يَنظُرُواْ فِي مَلَكُوتِ ٱلسَّمَٰوَٰتِ وَٱلۡأَرۡضِ وَمَا خَلَقَ ٱللَّهُ مِن شَيۡءٖ وَأَنۡ عَسَىٰٓ أَن يَكُونَ قَدِ ٱقۡتَرَبَ أَجَلُهُمۡۖ فَبِأَيِّ حَدِيثِۭ بَعۡدَهُۥ يُؤۡمِنُونَ
Ngintu da nilan madsuliman i manga masulen manga langit endu su lupa endu su binaluy nu Allah enggaga-isa, endu di ebplis na pakasupeg sa kanilan su ajal nilan (kapatay) na ngin pan a kadtalu sa ulyan (na Qur’an) i pangimbenal nilan?
مَن يُضۡلِلِ ٱللَّهُ فَلَا هَادِيَ لَهُۥۚ وَيَذَرُهُمۡ فِي طُغۡيَٰنِهِمۡ يَعۡمَهُونَ
Su taw a tadingen nu Allah na dala den makatutulu lun, endu itagak nin silan kanu kadupangan nilan sa anteng-anteng silan (mana pisek a pedtatalyung).
يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَاۖ قُلۡ إِنَّمَا عِلۡمُهَا عِندَ رَبِّيۖ لَا يُجَلِّيهَا لِوَقۡتِهَآ إِلَّا هُوَۚ ثَقُلَتۡ فِي ٱلسَّمَٰوَٰتِ وَٱلۡأَرۡضِۚ لَا تَأۡتِيكُمۡ إِلَّا بَغۡتَةٗۗ يَسۡـَٔلُونَكَ كَأَنَّكَ حَفِيٌّ عَنۡهَاۖ قُلۡ إِنَّمَا عِلۡمُهَا عِندَ ٱللَّهِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ
Idsa nilan sa leka (Muhammad) su gay a mawli u kanu i kawma nin, edtalu ka (Muhammad): kataw lun na lu sa Kadenan ku, dala makapayag lun i timpu nin ya tabya na sekanin (ka namba) na mawgat sa manga langit endu su lupa, di makawma sa lekanu ya tabya na makatekaw (dala makaingat) idsa nilan sa leka ka mana nengka katawan bun (Muhammad), edtalu ka sa kanilan: kataw lun na lu sa Allah, ugayd na ya madakel sa taw na di nilan katawan.
قُل لَّآ أَمۡلِكُ لِنَفۡسِي نَفۡعٗا وَلَا ضَرًّا إِلَّا مَا شَآءَ ٱللَّهُۚ وَلَوۡ كُنتُ أَعۡلَمُ ٱلۡغَيۡبَ لَٱسۡتَكۡثَرۡتُ مِنَ ٱلۡخَيۡرِ وَمَا مَسَّنِيَ ٱلسُّوٓءُۚ إِنۡ أَنَا۠ إِلَّا نَذِيرٞ وَبَشِيرٞ لِّقَوۡمٖ يُؤۡمِنُونَ
Edtalu ka (Muhammad): di ku kamilikan i ginawa ku sa kagkapya nin endu kagkayd ya tabya na kahanda nu Allah, endu u katawan ku bu i gayb (di gailay) na nakapakadakel ku den i mapya (kakawasan), endu di aku mawma na malat, dala sa laki (intu) ya tabya na (saki) papegkagilek aku endu papegkalilini aku kanu bamangimbenal.
۞ هُوَ ٱلَّذِي خَلَقَكُم مِّن نَّفۡسٖ وَٰحِدَةٖ وَجَعَلَ مِنۡهَا زَوۡجَهَا لِيَسۡكُنَ إِلَيۡهَاۖ فَلَمَّا تَغَشَّىٰهَا حَمَلَتۡ حَمۡلًا خَفِيفٗا فَمَرَّتۡ بِهِۦۖ فَلَمَّآ أَثۡقَلَت دَّعَوَا ٱللَّهَ رَبَّهُمَا لَئِنۡ ءَاتَيۡتَنَا صَٰلِحٗا لَّنَكُونَنَّ مِنَ ٱلشَّٰكِرِينَ
Sekanin a (Allah) i minaluy sa lekanu sa isa bu a napas i nabpunan (Adam) endu lu nin ba binaluy i kaluma nin a katelenan nin (makapatana sa kanu uyag-uyag nin) na guna den su sinumbak nin si kaluma nin na migkagingay sa mapegkag (di kawgatan) na dala mapinda su kagingay, guna den pegkasla (su kagingay) na nangeni silan (Adam-Hawa) sa Kadenan nilan sa amayka enggan kami nengka sa mapya a wata na makadsukur kami.
فَلَمَّآ ءَاتَىٰهُمَا صَٰلِحٗا جَعَلَا لَهُۥ شُرَكَآءَ فِيمَآ ءَاتَىٰهُمَاۚ فَتَعَٰلَى ٱللَّهُ عَمَّا يُشۡرِكُونَ
Guna den silan kanggay sa salih a wata na binaluy nilan a nakasakutu silan sa kinabedtu lun sa ngala, mahasuti su Allah kanu ipedsakutu nilan.
أَيُشۡرِكُونَ مَا لَا يَخۡلُقُ شَيۡـٔٗا وَهُمۡ يُخۡلَقُونَ
Pedsakutu silan sa apya paydu na dala gabaluy nin (dala naumbal u pedsimban nilan), endu silan pan i bagumbalen (nu Allah).
وَلَا يَسۡتَطِيعُونَ لَهُمۡ نَصۡرٗا وَلَآ أَنفُسَهُمۡ يَنصُرُونَ
Endu su manga barahala na dala magaga nin tumabang kanilan, endu di nilan kadtabangan su ginawa nilan.
وَإِن تَدۡعُوهُمۡ إِلَى ٱلۡهُدَىٰ لَا يَتَّبِعُوكُمۡۚ سَوَآءٌ عَلَيۡكُمۡ أَدَعَوۡتُمُوهُمۡ أَمۡ أَنتُمۡ صَٰمِتُونَ
Endu amayka enggaten nengka silan sa katuntul (kanu bantang) na di kanu nilan unutan, magidsan pan i inenggat nu silan ataw ka linumenek kanu.
إِنَّ ٱلَّذِينَ تَدۡعُونَ مِن دُونِ ٱللَّهِ عِبَادٌ أَمۡثَالُكُمۡۖ فَٱدۡعُوهُمۡ فَلۡيَسۡتَجِيبُواْ لَكُمۡ إِن كُنتُمۡ صَٰدِقِينَ
Saben-sabenal kanu pedsimban nu salakaw sa Allah na manga ulipen a pagisan nu bun, na tawag nu kun ba silan, ka sawalen kanu nin amayka benal kanu.
أَلَهُمۡ أَرۡجُلٞ يَمۡشُونَ بِهَآۖ أَمۡ لَهُمۡ أَيۡدٖ يَبۡطِشُونَ بِهَآۖ أَمۡ لَهُمۡ أَعۡيُنٞ يُبۡصِرُونَ بِهَآۖ أَمۡ لَهُمۡ ءَاذَانٞ يَسۡمَعُونَ بِهَاۗ قُلِ ٱدۡعُواْ شُرَكَآءَكُمۡ ثُمَّ كِيدُونِ فَلَا تُنظِرُونِ
Ngintu aden ay nilan a ibpelakaw nilan? Ataw ka manga lima a ipangunguyamay nilan? Ataw ka manga mata a ibpagilay nilan? Ataw ka manga tangila a ibakikineg nilan? Edtalu ka (Muhammad): tawag nu i manga barahala nu, mawli na pamakaydi aku den, na di bun katagadan (kawgatan) i kabinasa nu.
إِنَّ وَلِـِّۧيَ ٱللَّهُ ٱلَّذِي نَزَّلَ ٱلۡكِتَٰبَۖ وَهُوَ يَتَوَلَّى ٱلصَّٰلِحِينَ
Ka saben-sabenal na ya pidtalad nu sa laki (Muhammad) na su Allah, a napatulun sa kitab (Qur’an) endu sekanin i tumuganul kanu manga taw a salih (manga mapya).
وَٱلَّذِينَ تَدۡعُونَ مِن دُونِهِۦ لَا يَسۡتَطِيعُونَ نَصۡرَكُمۡ وَلَآ أَنفُسَهُمۡ يَنصُرُونَ
Endu su pedsimban nu a salakaw sa Allah na di silan makatabang sa lekanu endu di nilan kadtabangan i ginawa nilan.
وَإِن تَدۡعُوهُمۡ إِلَى ٱلۡهُدَىٰ لَا يَسۡمَعُواْۖ وَتَرَىٰهُمۡ يَنظُرُونَ إِلَيۡكَ وَهُمۡ لَا يُبۡصِرُونَ
Amayka tawagen nu (Muslim) silan sa tutulu, di silan makakineg, endu matag kanilan pedtulikan na di silan pakailay.
خُذِ ٱلۡعَفۡوَ وَأۡمُرۡ بِٱلۡعُرۡفِ وَأَعۡرِضۡ عَنِ ٱلۡجَٰهِلِينَ
Kamali ka i katigkel endu isugu nengka i mapya endu embalawagi ka ataw ka di ka bamimiyas su dala manga sabut nin.
وَإِمَّا يَنزَغَنَّكَ مِنَ ٱلشَّيۡطَٰنِ نَزۡغٞ فَٱسۡتَعِذۡ بِٱللَّهِۚ إِنَّهُۥ سَمِيعٌ عَلِيمٌ
Endu amayka pedsasaten ka na shaytan na lindung ka sa Allah ka sekanin i pakakineg a mataw.
إِنَّ ٱلَّذِينَ ٱتَّقَوۡاْ إِذَا مَسَّهُمۡ طَٰٓئِفٞ مِّنَ ٱلشَّيۡطَٰنِ تَذَكَّرُواْ فَإِذَا هُم مُّبۡصِرُونَ
Su manga taw a nagilekan sa Allah na amayka sinasat nu shaytan na tumadem silan sa Allah, na nakaimaman silan.
وَإِخۡوَٰنُهُمۡ يَمُدُّونَهُمۡ فِي ٱلۡغَيِّ ثُمَّ لَا يُقۡصِرُونَ
Endu su pagali nu manga shaytan na pedtapiden nu manga shaytan sa katading (kanu manga taw) sa di nilan indalaynun.
وَإِذَا لَمۡ تَأۡتِهِم بِـَٔايَةٖ قَالُواْ لَوۡلَا ٱجۡتَبَيۡتَهَاۚ قُلۡ إِنَّمَآ أَتَّبِعُ مَا يُوحَىٰٓ إِلَيَّ مِن رَّبِّيۚ هَٰذَا بَصَآئِرُ مِن رَّبِّكُمۡ وَهُدٗى وَرَحۡمَةٞ لِّقَوۡمٖ يُؤۡمِنُونَ
Endu amayka di nengka silan kapananggitan sa ayat na pedtalun nilan: namba ka minumbal ka den sa ayat, edtalu ka (Muhammad): ya ku bu bagunutan na su ini-wahi sa laki ebpun sa kadenan ku a namba i ipabpagilay (sa lekanu) endu tutulu endu limu kanu manga taw a bangimbenal.
وَإِذَا قُرِئَ ٱلۡقُرۡءَانُ فَٱسۡتَمِعُواْ لَهُۥ وَأَنصِتُواْ لَعَلَّكُمۡ تُرۡحَمُونَ
Endu amayka binatya i Qur’an na pakikineg nu, endu tana kanu, ka malemu-lemu sa lekanu i ikalimu kanu.
وَٱذۡكُر رَّبَّكَ فِي نَفۡسِكَ تَضَرُّعٗا وَخِيفَةٗ وَدُونَ ٱلۡجَهۡرِ مِنَ ٱلۡقَوۡلِ بِٱلۡغُدُوِّ وَٱلۡأٓصَالِ وَلَا تَكُن مِّنَ ٱلۡغَٰفِلِينَ
Endu tademi ka (Muhammad) su Kadenan nengka kanu ginawa nengka (pusung endu dila) sa bangumpaya endu gilek, endu di kena matanog a kadtalu sa mapita-malulem, na daka enggula sa makuyug ka kanu manga taw a limpang sa Allah.
إِنَّ ٱلَّذِينَ عِندَ رَبِّكَ لَا يَسۡتَكۡبِرُونَ عَنۡ عِبَادَتِهِۦ وَيُسَبِّحُونَهُۥ وَلَهُۥ يَسۡجُدُونَۤ۩
Su manga malaikat lu sa Allah na di silan pemamasla sa kasimba sa Allah endu pedtasbih silan sa Allah endu pedsugyud silan sa Allah Ta’ala.
Available languages
العربية Qafár af Shqip አማርኛ أنكو Akan অসমীয়া Azərbaycanca Bisaya Bosanski 中文 Hrvatski Nederlands English Français Deutsch ગુજરાતી Hausa हिन्दी Ikirundi Indonesia 日本語 ಕನ್ನಡ ភាសាខ្មែរ Ikinyarwanda كوردی سۆرانی Kyrgyz Lingala lietuvių Македонски Maguindanaon മലയാളം Mõõré oromoo پښتو فارسی Portuguese ਪੰਜਾਬੀ Română Српски සිංහල Soomaaliga Español Kiswahili Tagalog Тоҷикӣ தமிழ் తెలుగు Türkçe اردو ئۇيغۇرچە Ўзбек Việt Nam Yorùbá