((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ پشتا خۆ ژ ڕكوعێ ڕاست دكر دگۆت: (سَمِعَ اللهُ لِمَنْ حَمِدَهُ
ئبن ئه‌بو ئه‌وفا (خودێ ژێ ڕازی بیت) دبێژیت:
((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ پشتا خۆ ژ ڕكوعێ ڕاست دكر دگۆت: (سَمِعَ اللهُ لِمَنْ حَمِدَهُ) ئانكو: خودێ گوھ ل وی بوو یێ حه‌مد و سوپاسییا وی كری، یا خودێ؛ خودایێ مه، حه‌مد و سوپاسی هه‌می بۆ ته‌نه، پڕی ئه‌سمانان و پڕی ئه‌ردی و پڕی هه‌ر تشته‌كێ دی یێ پاشی ته بڤێت)).
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا رَفَعَ ظَهْرَهُ مِنَ الرُّكُوعِ قَالَ: «سَمِعَ اللهُ لِمَنْ حَمِدَهُ، اللَّهُمَّ رَبَّنَا لَكَ الْحَمْدُ، مِلْءَ السَّمَاوَاتِ وَمِلْءَ الْأَرْضِ وَمِلْءَ مَا شِئْتَ مِنْ شَيْءٍ بَعْدُ».
پێغه‌مبه‌ری (صه‌لات و سه‌لامێن خودێ ل سه‌ر بن) ده‌مێ د نڤێژێدا پشتا خۆ ژ ڕكوعێ ڕاست دكر دگۆت: "سمع الله لمن حمده"، ئانكو: هه‌ر كه‌سێ حه‌مد و سوپاسییا خودایێ مه‌زن بكه‌ت، خودێ دێ به‌رسڤا وی ده‌ت و دێ حه‌مد و سوپاسیكرنا وی ژ وی قه‌بویل كه‌ت و خه‌لاتكه‌ت، پاشی حه‌مد و سوپاسییا خودێ دكر ب گۆتنا: " اللَّهُمَّ رَبَّنَا لَكَ الْحَمْدُ، مِلْءَ السَّمَاوَاتِ وَمِلْءَ الْأَرْضِ وَمِلْءَ مَا شِئْتَ مِنْ شَيْءٍ بَعْدُ "، ئانكو حه‌مدكرنه‌كا وه‌سا كو ئه‌سمان و ئه‌ردان و د ناڤبه‌را واندا پڕ بكه‌ت، و هه‌ر تشته‌كێ دی یێ خودێ بڤێت پڕ بكه‌ت.
...:
دیاركرنا وێ گۆتنا سوننه‌ته نڤێژكه‌ر بێژیت ده‌مێ سه‌رێ خۆ ژ ڕكوعێ ڕادكه‌ت.
دروستبوونا ڕاستكرنا پشتێ و ئارامبوونێ (طمأنينة) پشتی ڕابوونا ژ ڕكوعێ؛ چونكی مرۆڤ نه‌شێت ڤی زكری بێژیت ئه‌گه‌ر ب ته‌مامی ڕاست نه‌بیت و ئارام نه‌بیت.
ئه‌ڤ زیكره د هه‌می نڤێژاندا یێ دروسته، چ نڤێژێن فه‌ڕز بن یان یێن سوننه‌ت.
زێده‌تر (2)
صه‌حیحا موسلمی (1/ 346) (476).
البحر المحيط الثجاج في شرح صحيح الإمام مسلم بن الحجاج (11/ 114).