((جه‌هنه‌م یا ب حه‌ز و شه‌هوه‌تان هاتییه دۆرپێچكرن و به‌هه‌شت یا ب نه‌خۆشی و تاقیكرنان هاتییه دۆرپێچكرن))
ژ ئه‌بو هورەیرەی (خودێ ژێ ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت:
((جه‌هنه‌م یا ب حه‌ز و شه‌هوه‌تان هاتییه دۆرپێچكرن و به‌هه‌شت یا ب نه‌خۆشی و تاقیكرنان هاتییه دۆرپێچكرن)).
«حُجِبَتِ النَّارُ بِالشَّهَوَاتِ، وَحُجِبَتِ الْجَنَّةُ بِالْمَكَارِهِ».
پێغەمبەر (صەلات و سەلامێن خودێ ل سەر بن) دیار دكه‌ت كو ئاگرێ جه‌هنه‌مێ یێ ده‌ورداییه ب هنده‌ك تشتانڤه كو نه‌فسا مرۆڤی حه‌ز ژێ دكه‌ت، ژ كرنا كارێن حه‌رام یان خه‌مساریكرن د ڕاستا كارێن پێدڤی و ئه‌ركاندا، له‌وا هه‌ر كه‌سێ دویڤچوونا حه‌زێن نه‌فسا خۆ بكه‌ت د ڤێ چه‌ندێدا؛ دێ ژ هه‌ژی ئاگرێ جه‌هنه‌مێ بیت، كا چاوا به‌هه‌شت ژی یا ده‌ورداییه ب هنده‌ك تشتانڤه كو نه‌فس حه‌ز ژێ ناكه‌ت و ل به‌ر وێ دگران و نه‌خۆشن، وه‌كی پێگیربوونێ ب وان تشتێن فه‌رمان پێ هاتییه كرن و هێلانا تشتێن حه‌رام و هه‌داركێشان ل سه‌ر ڤێ چه‌ندێ، ڤێجا ئه‌گه‌ر مرۆڤی خۆزه‌حمه‌ت دا و ژ به‌ر ڤێ چه‌ندێ جیهاد د گه‌ل نه‌فسا خۆ كر؛ دێ ژ هه‌ژی چوونا به‌هه‌شتێ بیت.
حُجبت: حُفت وأُحيطت.
ژ ئه‌گه‌رێن كه‌ڤتنا د ناڤ حه‌ز و دلچوونێن نه‌فسێدا؛ خه‌ملاندن و جوانكرنا شه‌یتانییه بۆ تشتێ حه‌رام و خرابییێ، هه‌تاكو نه‌فس وێ خرابییێ ب تشته‌كێ باش ببینیت و به‌ره‌ڤ وێڤه بچیت.
فه‌رمانكرن ب خۆدویركرنا ژ حه‌ز و دلچوونێن حه‌رام، چونكی ئه‌و ڕێكا چوونا جه‌هنه‌مێیه، ل به‌رامبه‌ری ڤێ ژی هه‌دارێ ل سه‌ر نه‌خۆشییان بكێشیت، چونكی ئه‌و ڕێكا چوونا به‌هه‌شتێیه.
خێرا جیهادا د گه‌ل نه‌فسێ و خۆزه‌حمه‌تدان د كرنا عیباده‌تیدا و هه‌داركێشان ل سه‌ر نه‌خۆشی و وان ئاسته‌نگ و بارگرانییێن ده‌ور ل عیباده‌تان گرتی.
زێده‌تر (15)
صه‌حیحا بۆخاری (8/ 102) (6487).
صه‌حیحا موسلمی (4/ 2174) (2822).
سونه‌نا ئه‌بو داوودی (7/ 122) (4744).
سونه‌نا تیرمیزی (4/ 274) (2560).
سونه‌نا نه‌سائی (7/ 3) (3763).
كنوز رياض الصالحين.
لمجموعة من الباحثين (2/ 449).
شرح رياض الصالحين.
لابن عثيمين (2/ 87).
المنهاج شرح صحيح مسلم بن الحجاج.
للنووي (17/ 165).
بهجة الناظرين شرح رياض الصالحين.
لسليم الهلالي (1/ 183).
نزهة المتقين شرح رياض الصالحين.
لمصطفى الخِن وغيره (1/ 134).