((هه‌می تشت ب قه‌ده‌رێنه، هه‌تا بێشیانی و زیره‌كی، یان زیره‌كی و بێشیانی))
ژ طاوسی دهێته ڤه‌گوهاستن كو وى گۆت: ئه‌ز گه‌هشتمه هنده‌ك صه‌حابییێن پێغه‌مبه‌رێ خودێ (صه‌لات و سه‌لامێن خودێ ل سه‌ر بن) كو وان دگۆت هه‌می تشت ب قه‌ده‌رێنه، گۆت: و من گوھ ل عه‌بدولڵاهێ كوڕێ عومه‌ری (خودێ ژ هه‌ردووكان ڕازی بیت) بوو دگۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((هه‌می تشت ب قه‌ده‌رێنه، هه‌تا بێشیانی و زیره‌كی، یان زیره‌كی و بێشیانی)).
«كُلُّ شَيْءٍ بِقَدَرٍ، حَتَّى الْعَجْزِ وَالْكَيْسِ، أَوِ الْكَيْسِ وَالْعَجْزِ».
پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو هه‌می تشت ب قه‌ده‌رێنه، هه‌تا بێشیانی ژی، كو ئه‌و ژی: هێلان و پاشڤه‌برن و ژ ده‌م ده‌رئێخستنا وى تشتییه یێ كو دڤێت بهێته ئه‌نجامدان ژ كاروبارێن دونیایێ و ئاخره‌تێ. و هه‌تا زیره‌كی، كو ئه‌و ژی: چالاكی و شیانن ل به‌رامبه‌ر كاروبارێن دونیا و ئاخره‌تێ. خودایێ مه‌زن بێشیانی و زیره‌كی و هه‌می تشت یێن د قه‌ده‌رێدا دیار كرین و نڤیسین و د ڤێ هه‌بوونێدا خۆ تشته‌ك په‌یدا نابیت و ڕویناده‌ت ئه‌گه‌ر به‌ری هنگی زانینا خودێ و حه‌ز و مه‌شیئه‌تا وی نه‌هاتبیت.
...:
دیاركرنا بیروباوه‌رێن صه‌حابییان (خودێ ژ هه‌مییان ڕازی بیت) د بابه‌تێ قه‌ده‌رێدا.
هه‌می تشت ب قه‌ده‌را خودێ په‌یدا دبن، خۆ بێشیانی و چالاكبوون ژی.
پشتڕاستكرن و هشیارییا صه‌حابییان (خودێ ژ هه‌مییان ڕازی بیت) د ڤه‌گوهاستنا فه‌رمووده‌یا پێغه‌مبه‌رێ خودێدا (صه‌لات و سه‌لامێن خودێ ل سه‌ر بن).
باوه‌ریئینان ب قه‌ده‌رێ هه‌مییێ، ب باشی و خرابییێن وێڤه.
زێده‌تر (4)
صه‌حیحا موسلمی (4/ 2045) (2655).
إكمال المعلم (8/143).
شرح النووي على مسلم (16/205).
الفتح الرباني لترتيب مسند الإمام أحمد بن حنبل الشيباني (1/ 122).