Encyclopedia of Prophetic Hadiths

«zems-y soaf-rãmbã ne taaba, ad Soaf-rãmbã tẽesgã bee Pʋʋsgã pidsg pʋgẽ».

M wʋma Wẽnd Tẽn-tʋʋma (Wẽnd pʋʋsg la A tɩlgr be a yĩnga) t'a yetẽ: « Wẽnd yeelame (A Naam zẽk yã): Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye, Adem-biiga! Ad fo zũnuubã sã n ta saasã, rẽ poorẽ tɩ fo kos Maam yaafa, M yaafda foom tɩ Mam toog ka be ye, Adem-biiga! A d fo sã n wa Mam nengẽ ne tʋʋm tuuts sẽn ta Tẽngã tom, rẽ poorẽ tɩ fo seg Maam, n ka maan lagem-n-taar ne Maam baa fʋɩ, Mam na wa fo nengẽ ne yaafg sẽn ta Tẽngã tom».

«Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba.

B yãka wakat n kõ tõnd no-kõbd wõrsgo la nu-yẽes wõrsgo la bãgd tõsbo la pend põngre, tɩ d ra bas-b tɩ b yɩɩg yʋnd pis-naas ye.

«Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare, la sã n yaa kɩfre, b rɩlgd-a-la dũni wã yẽ sẽn maan tʋʋm sõmbsã Wẽnd yĩngã, la a sã n wa tʋg n ta laahr raare, a ka na n tall baa yel-sõmd tɩ b na n rol-a ye».

Nabiyaamã (Wẽnd pʋʋsg la A tɩlgr be a yĩngɑ), a sã n kẽng we-kεεnga, a yetame: «Allahumma, inni Aʋʋzʋ bika minal hʋbsi wal habaa'ɩs =M Soab A Wẽnde, m kota gũudem ne Foom n yi sʋɩɩtãan roapa la sʋɩɩtãan pogse».

Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?» La a yeel yã: baa fʋɩ, sã n ka mam sẽn nong Wẽnd la A Tẽn-tʋʋmã (Wẽnd pʋʋsg la A tɩlgr be a yĩnga). Tɩ Nabiyaamã yeele: «Ad fo bee ne neb nins fo sẽn nongã». A Anas yeelame: Tõnd ka kɩdem ne bũmbu, wala tõnd sẽn kɩdem ne Nabiyaamã (Wẽnd pʋʋsg la A tɩlgr be a yĩnga) koεεgã a sẽn yeele: «Ad fo bee ne neb nins fo sẽn nongã». A Anas yeelame, rẽnd mam nonga Nabiyaamã (Wẽnd pʋʋsg la A tɩlgr be a yĩnga), la a Abuu Bakr la a ʿƲmar, la m tẽedame tɩ m na lagem-ba, mam sẽn nong-ba yĩnga, baa tɩ mam sã n ka maan b tʋʋmã buudu.

«Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle».