Encyclopedia of Prophetic Hadiths

"Si nou te mete tout konfyans nou nan Allah jan nou dwe fèl la, Li t ap bay nou pwovizyon menm jan Li bay zwazo yo. Yo pati nan maten ak vant vid, epi yo tounen nan aswè ak vant plen."

«Moun ki resite Koran an byen fò se tankou moun ki fè lacharite an piblik, epi moun ki resite Koran an an sekrè se tankou moun ki fè lacharite an sekrè.»

Yon mesye te vin kote Pwofèt la (lapè ak benediksyon Allah sou li), epi li dil : 'Kisaw panse de yon nonm ki al goumen nan lagè pou li chèche rekonpans ak renome (repitasyon), kisa lap jwenn ?' Mesaje Allah a (lapè ak benediksyon Allah sou li) di : « Li pa gen anyen pou li. » Nonm nan repete kesyon an 3 fwa, epi chak fwa Mesaje Allah a reponn li : « Li pa gen anyen pou li. » Aprèsa, li di : « Anverite, Allah pa aksepte okenn aksyon sof si se pou Li sèlman li te fèt ak tout senserite, epi se kote se satisfaksyon li yap chèche»

«Kwè nan move sipèstisyon se shirk, kwè nan move sipèstisyon se shirk, kwè nan move sipèstisyon se shirk, -(3 fwa)-», epi pa gen okenn pami nou ki pa (santi yon ti bagay konsa), men Allah, Li menm ki gen tout pouvwa a, Li menm ki gen gwo majeste a, fèl ale lè nou mete konfyans nou nan Li.

Gen 6 kalite aksyon, epi gen 4 kalite moun. Gen 2 aksyon ki detèmine sò yon moun (obligatwa), gen aksyon ki peye menm ak menm, gen bon aksyon ki peye 10 fwa valè yo, epi gen bon aksyon ki peye 700 fwa valè yo. Konsènan 2 aksyon ki detèmine sò yon moun: Moun ki mouri san li pa janm asosye pèsonn ak Allah, lap antre nan Paradi; epi moun ki mouri pandan li tap asosye yon bagay ak Allah, lap antre nan Lanfè. Konsènan aksyon ki peye menm ak menm: Yon moun ki gen entansyon fè yon bon aksyon jiskaske kèl santil, epi Allah konnen entansyon sa a nan men li, yo ekri yon bon aksyon pou li. Yon moun ki fè yon move aksyon, yo ekri yon sèl move aksyon sou kont li. Yon moun ki fè yon bon aksyon, yo peyel 10 fwa valè aksyon sa a. Yon moun ki depanse byen li nan chemen Allah a, yo peye li yon bon aksyon ki egal ak 700 fwa valè li. Konsènan 4 kalite moun yo: 1- Moun ki jwenn anpil benediksyon nan mond sa a, men ki pral gen anpil restriksyon nan lòt mond lan. 2- Moun ki gen anpil restriksyon nan mond sa a, men ki pral jwenn anpil benediksyon nan lòt mond lan. 3- Moun ki gen restriksyon nan mond sa a epi ki pral gen restriksyon tou nan lòt mond nan. 4- Moun ki jwenn anpil benediksyon nan mond sa a epi ki pral jwenn anpil benediksyon tou nan lòt mond nan.

"«Si nou te mete tout konfyans nou nan Allah jan nou dwe fèl la, Li t ap ban nou pwovizyon menm jan Li bay zwazo yo: yo soti nan maten ak vant vid epi yo tounen nan aswè ak vant plen.»"

«Anverite, sa ki halal klè epi sa ki haram klè, epi ant yo 2 a gen bagay ki gen dout ke anpil moun pa konnen. Donk, moun ki evite bagay ki gen dout yo, li mete relijyon li ak onè li klè, epi moun ki tonbe nan bagay ki gen dout yo, li tonbe nan sa ki haram, menm jan ak yon bèje kap gade bèt li yo bò kote yon patiraj rezève, li pa lwen kite bèt yo manje ladan li. Atansyon! Chak wa genyen yon zòn rezève. Atansyon! Zòn rezève Allah a, se sa Li entèdi yo. Atansyon! Nan kò a gen yon moso chè, lè li bon, tout kò a vin bon, epi lè li gate, tout kò a vin gate. Atansyon! Se kè a.»

« Anverite, Halal la klè, epi Haram nan klè, epi nan mitan yo gen bagay ki gen dout ke anpil moun pa konnen. Moun ki evite bagay ki gen dout yo, li mete relijyon li ak onè li klè, epi moun ki tonbe nan bagay ki gen dout yo, li tonbe nan Haram nan. Li tankou yon bèje k ap fè bèt li yo manje toupre yon zòn rezève, li pa lwen pou l kite yo manje ladan l. Konnen byen, chak wa gen yon zòn rezève pa l. Konnen byen, zòn rezève Allah a se sa Li entèdi yo. Anverite, nan kò a gen yon ti moso chè, lè li bon, tout kò a bon, epi lè li gate, tout kò a gate. Konnen byen, se kè a. »