যিয়ে জোহৰৰ পূৰ্বে চাৰি ৰাকাত আৰু ইয়াৰ পিছত চাৰি ৰাকাত নামাজ নিয়মিতভাৱে আদায় কৰিব, তাৰ বাবে আল্লাহে জাহান্নাম হাৰাম কৰি দিব।

জোহৰৰ পূৰ্বে চাৰি ৰাকাত আৰু জোহৰৰ পিছত চাৰি ৰাকাত নামাজ নিয়মিত আদায় কৰাটো পছন্দনীয়।

ফৰজ নামাজৰ আগত পঢ়া ছুন্নত ৰাকাতসমূহৰ (যাক ৰাৱাতিব ক্বাবলিয়া বোলা হয়) কেইবাটাও হিকমত আছে, তাৰে অন্যতম এটা হৈছে, মুচল্লীয়ে নিজৰ আত্মাক ইবাদতৰ বাবে প্ৰস্তুত কৰা, যাতে ফৰজ নামাজত সঠিকভাৱে প্ৰৱেশ কৰিব পাৰে। আনহাতে, ফৰজৰ পাছত পঢ়া ছুন্নতসমূহৰ (যাক ৰাৱাতিব বা'দিয়্যা বোলা হয়) উদ্দেশ্য হৈছে, ফৰজ নামাজত হোৱা ত্ৰুটি আদিক পূৰণ কৰা।

ছুন্নতসমূহৰ বহুতো উপকাৰিতা আছে। যেনে- ইয়াৰ ফলত নেকী বৃদ্ধি হয়, পাপ মোচন হয় আৰু মৰ্যাদা উন্নীত হয়।