القِيَامة

Diggah Yalli Qhiyaamah ayról xiibite.

Kaadu diggah moominti nafsiy isi yassacakkel xiibite.

Seehadayti (korosta kinnuk) kay lafoofi gaaboyse weennom yakka lee?

Yeey, nanu tet gaaboysenno, kay feeraarih exaaxi massosnam duudak.

Tonna hinnay, seehadayti isi foocal tanim dirabboysam faxa.

Qhiyaamah ayró maa waqdii iyyeh esseraamal? (kah esseram anqasa)

Tokkel Mablá baditta waqdi,

Kaadu alsá diifi duugumta waqdi,

Kaadu ayroó kee alsá gaaboysimtaah inki arac yawqen waqdi.

Seehadayti: woo ayró (Qhiyaamah ayró kinnuk) anke kudnaa anke cleelitnaa iyya?.

Tonna hinnay eleelitan rike matan.

Woo ayró idyaa kee madab ku Rabbih xaqu cagalah.

Seehadaytuh woo ayró taamak yuysukumem kee wadirroysem warsintah.

Tónna hinnay, seehadayti isi nafsil isih sumaaqita.

Kaadu Abeh yan uma taamak faxem malkitaamah woo malkit kaah xiqam mali.

Nabiyow wacyi kol ooba waqdi qhuraanat isi arraba masgayyin, raqsat kaak tasissikeemih fayxih.

Diggah nel tan kaa liilil kaa gaabosnam, kee kay kiraati.

Kaadu Nabiyow ni farmoyti jibriil gitak qhuraan kol nakriye waqdi, kaa ankacisaay tibbi ixxic, tohuk lakal usuk koo eile barse innal ikriy.

Tohuk lakal diggah kay baxxaqisiyyi nel yan.

Korosey caagid Isin eile takkalen inna hinna, ugut kee galtok tu matana ittaanamal, nummah isin addunyaa kee tet bilhada kicinton.

Kaadu isin akeera cabtaanaah, teetih mataamittan.

Woo ayró meqe marih Foocitte (qhiyaamah ayró kinnuk) iftah.

Isi Rabbí fanah wagitta.(woh meqe mara kinnuk).

Kaadu woo ayró uma marih foocitte ribbimtah.

Kaxxa umaanéy xiiron lafoofi teetik edde taddigillee teetit akke lern tasmiteh.

Nummah rooci (coxxo) kaxkaxxo gufa waqdi.

Iyyi kaa daylisaa iyyan?

Kaadu diggah usuk (raba num) addunyak baxsimam yasmiteh. (raba kinnuk).

Kaadu sarba sarbat makitta.

Woo ayro (Qhiyaamah ayró kinnuk) seehadak beyto ku Rabbí fanah takke.

Tokkel korosti Yallih farmoytaa kee qhuraan manummaysinnaay, salat maabinna.

Takkay immay qhuraan dirabboyseeh, iimaanat derre cabe.

Tohuk lakat isi mará fanah kaxxamariinitak gexe.

Finqi koh yan, kaadu finqi koh yan.

Tohuk lakal finqi koh yan kaadu finqi koh yan.

Seehadayti foyyah annaak calayah yanitay kaa iyyoonuwaanam yakkalee?

Seehadayti daacoyti tiffoytay maxaxat caxaanak yekkeh manannaa?

Tohuk lakal dabloytak yekkeeh, Yalli kaa gineeh, kaa masssoyseeh, weelo kaa yeymeeqe.

Tokkel namma qaynat kaa abé lab num kee say numuh anuk.

Yallay toh abe rabtem yaynuwweemih qamal geytoli hinnaa? (yeey kinnih).