"Kaffaarag Nisar mooy kaffaarag ngiñ".

Xeeti Nisar yi: 1. Nisar gu ñu boyal: niki mu wax: (nisaral naa Yàlla bu ma wérale) daal di noppi te yéenewul genn Nisar gu ñu ràññee kon kaffaarag ngiñ war na ko bu amee ag wér, 2. Nisaru xuloo ak mer: te mooy mu aj nisar gi ci sàrt, jublu ca a teree def dara walla yóbbe ci jëf niki mu wax: (bu ma waxee ak yaw rekk kon woor weer war na ma), àtteem: ñu tànnloo ku ci mu def li mu warlu, walla mu def kaffaarag ngiñ bu waxee ak moom, 3. Nisar gi dagan: niki: (nisaral naa Yàlla ne dinaa sol sama yére bi), àtteem: mooy ñu tànnloo ko ci mu sol yéreem bi walla mu def kaffaarag ngiñ. 4. Nisar gu ñu sib: niki: (nisaral naa Yàlla ne damay fase sama jabar ji), àtteem: mooy ne sopp nañu vi moom mu def kaffaarag ngiñ te bañ a def li mu nisar, bu ko defee nag kaffaara waru ko, 5. Nisarug moy: niki: (nisaral naa Yàlla ne damay sàcc), àtteem: mooy ne àraamalees na mu matale ko, te day def kaffaarag ngiñ, bu ko defee nag day am bàkkaar te kaffaara du ko war, 6. Nisarug topp: niki: (nisaral naa Yàlla ne dinaa julli lii) jublu ca jegeñ-jegeñlu Yàlla, bu ko ajee ci sàrt, niki wérug ki feebar, kon war na ko a matale bu sàrt bi amee, bu ko ajul ci sàrt nag kon war na ko a matal ba fàww.