सामूहिक रूपमा पढिने नमाज तिमीहरूमध्ये कुनै एक जनाले एक्लै पढ्ने नमाजभन्दा पच्चीस गुणा बढी श्रेष्ठ हुन्छ। र फज्रको नमाजमा रातका फरिश्ताहरू तथा दिनका फरिश्ताहरू एकत्रित हुन्छन्।
अबू-हुरैरह (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ:
"जमाअत (सामूहिक रूपमा) पढिने नमाज तिमीहरूमध्ये कुनै एक जनाले एक्लै पढ्ने नमाजभन्दा पच्चीस गुणा बढी श्रेष्ठ हुन्छ। र फज्रको नमाजमा रातका फरिश्ताहरू तथा दिनका फरिश्ताहरू एकत्रित हुन्छन्। त्यसपछि अबु हुरैरा (रदियल्लाहु अन्हु) ले भन्नुहुन्थ्यो: यदि तिमीहरू (यसको पुष्टि गर्न) चाहन्छौ भने कुरआनको यो आयत पढ: {निश्चय नै फज्रको कुरआन वाचनमा फरिश्ताहरू उपस्थित हुने गर्दछन्} [अल-इस्रा: ७८]।"
«تَفْضُلُ صَلاَةُ الجَمِيعِ صَلاَةَ أَحَدِكُمْ وَحْدَهُ، بِخَمْسٍ وَعِشْرِينَ جُزْءًا، وَتَجْتَمِعُ مَلاَئِكَةُ اللَّيْلِ وَمَلاَئِكَةُ النَّهَارِ فِي صَلاَةِ الفَجْرِ» ثُمَّ يَقُولُ أَبُو هُرَيْرَةَ: فَاقْرَءُوا إِنْ شِئْتُمْ: {إِنَّ قُرْآنَ الفَجْرِ كَانَ مَشْهُودًا} [الإسراء: 78].
नबी (सल्लल्लाहु अलैहि वसल्लम) ले स्पष्ट पार्नुभएको छ कि इमामसँग जमातमा पढिएको नमाजको पुण्य र प्रतिफल आफ्नो घर वा बजारमा एक्लै पढिएको नमाजको तुलनामा पच्चीस गुणा बढी हुन्छ। त्यसपछि उहाँ (सल्लल्लाहु अलैहि वसल्लम) ले उल्लेख गर्नुभयो कि रात र दिनका फरिश्ताहरू फज्रको नमाजमा एकत्रित हुन्छन्। यसैको प्रमाणस्वरूप अबू हुरैरा (रजिअल्लाहु अन्हु) ले भन्नुहुन्छ: यदि चाहनुहुन्छ भने यो आयत पढ्नुहोस्: {निश्चय नै फज्रको कुरआन वाचनमा (फरिश्ताहरू) उपस्थित हुने गर्दछन्} [अल-इस्रा: ७८]। अर्थात्, फजरको नमाजमा रातका फरिश्ताहरू र दिनका फरिश्ताहरू उपस्थित हुन्छन्।
इब्न हजरले भन्नुभएको छ: मस्जिदमा जमाअत (सामूहिक) का साथ पढिने नमाज, घरमा र बजारमा सामूहिक रूपमा वा एक्लाएक्लै पढिने नमाज भन्दा बढी उत्तम हुन्छ; यो कुरा इब्न दकीक अल-ईदले भन्नुभएको छ।
यसबाट फजर नमाजको श्रेष्ठता प्रमाणित हुन्छ; किनभने यस समयमा फरिश्ताहरू विशेष रूपमा एकत्रित हुन्छन्।
इब्न बाजको भन्नुभएको छ: "आफ्नो निवास टाढा भए तापनि, यस महान पुण्य र प्रतिफल प्राप्तिका निम्ति प्रत्येक विश्वासीले सामूहिक नमाजमा निरन्तर उपस्थित हुन विशेष ध्यान दिनुपर्दछ।"
इमाम नववीले यी दुई प्रकारका वर्णनहरू—जसमा एउटामा सामूहिक नमाज एक्लै पढिने नमाजभन्दा २५ गुणा बढी उत्तम भएको र अर्कोमा २७ गुणा बढी उत्तम भएको उल्लेख छ—बीच समन्वय गर्दै भन्नुभएको छ: यी दुईबीच तीन दृष्टिकोणबाट सामञ्जस्य कायम गर्न सकिन्छ: पहिलो: यी दुईबीच कुनै विरोधाभास छैन; किनकि थोरै सङ्ख्या (२५) को उल्लेखले धेरै सङ्ख्या (२७) लाई रद्द गर्दैन र सिद्धान्तशास्त्रीहरू (उसूलीहरू) का अनुसार सङ्ख्याको अवधारणा (मफहूम अल-अदद) बाध्यकारी प्रमाण मानिँदैन। दोस्रो: नबी (सल्लल्लाहु अलैहि वसल्लम) ले सुरुमा थोरै सङ्ख्या (२५ गुणा) का बारेमा जानकारी दिनुभएको थियो; त्यसपछि महान् अल्लाहले अझ बढी पुण्यबारे अवगत गराउनुभएपछि उहाँले बढी सङ्ख्या (२७ गुणा) बारे जानकारी दिनुभयो। तेस्रो: यो नमाज पढ्नेहरू र नमाजको फरक-फरक अवस्थाअनुसार फरक हुन्छ। नमाजको पूर्णता, यसका नियम एवं तौरतरिकाहरूको पालना, खुशुअ (एकाग्रता र विनयशीलता), जमाअतको ठूलो सङ्ख्या तथा त्यसमा सहभागीहरूको श्रेष्ठता, र नमाज पढिएको स्थानको महत्ता जस्ता कुराहरूका आधारमा कसैलाई २५ गुणा र कसैलाई २७ गुणा पुण्य प्राप्त हुन्छ; र अल्लाहलाई नै यसबारे सबैभन्दा बढी ज्ञान छ।
सही बुखारी (1/ 131) (648).
सही मुस्लिम (1/ 450) (649).
थप (4)
تيسير الكريم الرحمن في تفسير كلام المنان.
لعبد الرحمن آل سعدي (ص464).
توضيح الأحكام مِن بلوغ المرام.
لعبد الله البسام (2/ 210).