Encyclopedia of Prophetic Hadiths

«Hadd (Maan-n-role) sã n paam neda, tɩ b yãg n sɩbg-a dũni kaanẽ, rẽnd Wẽnd tẽeg-tɩrg n yɩɩd ne A na leb n sɩbg A yambã noor a yiib laahr raare, la ned ning sẽn paama hadd tɩ Wẽnd maan-a sʋtra (ludbu), n yaaf n bas-a, rẽnd Wẽnd waoor yɩɩda ne A na lebs A noorã, A sẽn yaaf n bas-a wã poorẽ».

«Ned ning sẽn wa n zẽka zab-teed tõnd zugu, a ka be tõnd pʋgẽ ye».

«Ad Wẽnd maana faril-rãmb tɩ yaa tɩlae, bɩ y ra yeeb-b ye, la A yãk todse, bɩ y ra zʋʋg-b ye, la A gɩdg yεla, bɩ y ra tʋg n maan-b ye, la A sĩnd n bas yεla, tɩ yaa yolsg ne yãmba, ka yĩmb ye, bɩ y ra bao n pẽes n bãng-b ye».

Neb n wa sẽn yi ʿƲkl bɩ ʿƲrayna, la bãas n yõk-b Madiina tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) sagl-b ne yʋgmã, tɩ b yũ b rʋʋdmã la b bĩismã, tɩ b sɩd loog n na n pʋge, la b sẽn wa n paam laafɩ wã, b kʋʋ Nɑbiyɑɑmã rũm-kɩɩmã (Wẽnd pʋʋsg lɑ A tɩlgr be ɑ yĩngɑ) la b peeg rũmsã, tɩ b kibarã ta wĩndgã sɩngrẽ, t'a tʋm tɩ b pʋg-ba, la wĩndgã sẽn wa n zẽke, b waa ne-ba, tɩ Nabiyaam kɩt tɩ b kʋʋs b nusã la b nao wã, la lob-b kug-laagã zugu. tɩ b rat koom tɩ b ka kõt-b ye. A Abuu Ƙɩlaaba yeelame: rẽnd bãmbã b zuume la b kʋ, la b kɩflg b lɩɩmaoong poorẽ, la b zab ne Wẽnde la A Tẽn-tʋʋmã.

«Lɩslaam zɩɩm wɩdeng ka segd ye, rẽnda yεl a tãab ɑ yembr yĩnga, nin-kẽem yoaadga, la ned sẽn yãk yõor tɩ b nɑ n kʋ-a n role, la dĩinã basda n welg n bas zamã wã».

«B kʋʋgda nugu, Diinaar sẽn pʋi naas n yãk yembr poorẽ, la sẽn tar n rʋʋda».