«Baag sã n yũ yãmb yembr laok pʋgẽ, bɩ a pek-a naoor a yopoe»
Yii a Abɩɩ Hurayra nengẽ, (Wẽnd yard be a yĩnga), a yeelame, tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) a yeelame:
«Baag sã n yũ yãmb yembr laok pʋgẽ, bɩ a pek-a naoor a yopoe». La a Muslim pʋgẽ: «Rẽenem pekrã yɩta ne tom».
«إِذَا شَرِبَ الْكَلْبُ فِي إِنَاءِ أَحَدِكُمْ فَلْيَغْسِلْهُ سَبْعًا». ولمسلم: « أولاهُنَّ بالتُراب».
Nabiyaamã saglame (Wẽnd pʋʋsg la A tɩlgr be a yĩnga) tɩ b pek laok noor a yopoe, tɩ baag sã n tʋm a zelemdã a pʋgẽ, rẽenem pekrã tũuda ne tom, tɩ koomã yaool n wa, tɩ yɩlgemdã pidi, n yiis a rẽgdã la a sãangã.
Wilgdame tɩ baag kolkood yaa rẽgd sẽn yaa taoko.
Baag sẽn na n leg laok pʋgẽ, a kɩtɩdame t'a lebg rẽgdo, la koomã sẽn be a pʋgẽ wã me lebgda rẽgdo.
Yɩlgrã ne tomã la b yɩlem noor a yopoe wã, welga zall tɩ yaa a lεgbã yɩlgre, la woto ka naag baagã rʋʋdmã la a bĩndã la a rẽgd a taabã ye.
Laokã sẽn pekd ne tomã to-to: yaa a ning koom laokã pʋga, n paas tom, rẽ poorẽ n pek laokã ne gẽdg-kãngã.
Hadiisã vẽenegã yaa t'a gũbga baasã gilli, halɩ baas nins sãri wã sẽn kõ sor tɩ b rɩkã, wala gʋg (tãoosgo) la gũubu la rũms gũub baase.
Safãnd la bõn-sẽdgdɩ wã b ka rɩkd tomã zĩigẽ ye; bala Nabiyaamã (Wẽnd pʋʋsg la A tɩlgr be a yĩnga) a togsa toor zall tɩ yaa tom.
Ṣahɩɩh Al-Bʋẖaary (1/ 45) (172).
Ṣahɩɩh Muslim (1/ 234) (279).
Pɑɑgã (4)
الإلمام بشرح عمدة الأحكام.
لإسماعيل الأنصاري (1/ 14).
تيسير العلام شرح عمدة الأحكام.
للبسام (ص24).