Skip to content

പ്രസവശേഷം നിഫാസിൻ്റെ രക്തം വരുന്ന സ്ത്രീ നിസ്കരിക്കാതെയും നോമ്പെടുക്കാതെയും നാൽപ്പത് ദിവസം മുഴുവനും ഇരിക്കേണ്ടതുണ്ടോ? അതല്ല, പ്രസവരക്തം നിലക്കുന്നുണ്ടോ ഇല്ലേ എന്നത് മാത്രമാണോ പരിഗണിക്കേണ്ടത്; അത് ശുദ്ധിയുടെ സമയപരിധിയിൽ കുറവാണെങ്കിലും?

السؤال

ചോദ്യം 1:

പ്രസവശേഷം നിഫാസിൻ്റെ രക്തം വരുന്ന സ്ത്രീ നിസ്കരിക്കാതെയും നോമ്പെടുക്കാതെയും നാൽപ്പത് ദിവസം മുഴുവനും ഇരിക്കേണ്ടതുണ്ടോ? അതല്ല, പ്രസവരക്തം നിലക്കുന്നുണ്ടോ ഇല്ലേ എന്നത് മാത്രമാണോ പരിഗണിക്കേണ്ടത്; അത് ശുദ്ധിയുടെ സമയപരിധിയിൽ കുറവാണെങ്കിലും?

س5: المرأة النّفساء هل تجلس أربعين يومًا لا تصلّي ولا تصوم، أو العبرة بانقطاع الدم عنها، فمتى انقطع تطهرت وصلت؟ وما أقلّ مدةٍ للطّهر؟

الجواب

ഉത്തരം:

പ്രസവശേഷം വരുന്ന നിഫാസിൻ്റെ രക്തത്തിന് നിശ്ചിത സമയപരിധിയില്ല. മറിച്ച് രക്തം കാണുന്നിടത്തോളം അവൾ നിസ്കരിക്കാതെയും നോമ്പ് നോൽക്കാതെയും മാറിനിൽക്കണം. ഈ സമയം ഭർത്താവ് അവളുമായി ലൈംഗികബന്ധത്തിൽ ഏർപ്പെടുക എന്നതും പാടില്ല.

എന്നാൽ ശുദ്ധി കണ്ടുകഴിഞ്ഞാൽ -അത് നാൽപ്പത് ദിവസത്തിന് മുൻപാണെങ്കിലും- അവൾ നിസ്കാരം ആരംഭിക്കുകയും (റമദാനാണെങ്കിൽ) നോമ്പ് നോൽക്കുകയും വേണം. ഭർത്താവിന് അവളുമായി ലൈംഗികബന്ധത്തിൽ ഏർപ്പെടാനുള്ള അനുവാദവും ഇതോടെ ആരംഭിക്കും. പത്തോ പതിനഞ്ചോ ദിവസത്തിനുള്ളിൽ അവൾ ശുദ്ധിയാവുകയാണെങ്കിലും ഈ പറഞ്ഞത് പോലെയാണ് വിധി.

ചുരുക്കത്തിൽ നിഫാസ് (പ്രസവശേഷമുള്ള രക്തം) എന്നത് കണ്ടുമനസ്സിലാക്കാവുന്ന ശാരീരിക പ്രതിഭാസമാണ്. അത് കാണപ്പെടുമ്പോൾ അതിൻ്റെ വിധികൾ ബാധകമാവുകയും, അത് അവസാനിക്കുന്നതോടെ ആ വിധികൾ മാറുകയും ചെയ്യും. നിഫാസിൻ്റെ രക്തം കണ്ടാൽ അതിൻ്റെ വിധികൾ ബാധകമാക്കുകയും, അത് കാണാതാവുകയും ശുദ്ധി വരുകയും ചെയ്താൽ ആ വിധികൾ ഒഴിവാക്കുകയും ചെയ്യുക.

എന്നാൽ നിഫാസിൻ്റെ രക്തം അറുപത് ദിവസത്തിനപ്പുറം പോകുന്നുണ്ട് എങ്കിൽ അത് ഇസ്തിഹാദ്വത്ത് (രക്തസ്രാവം) ആയി കണക്കാക്കണം. ഈ സന്ദർഭത്തിൽ ആർത്തവമുറയുടെ ദിവസങ്ങളിൽ നിസ്കാരം ഉപേക്ഷിക്കുകയും, അത് കഴിഞ്ഞാൽ കുളിക്കുകയും നിസ്കാരം ആരംഭിക്കുകയും വേണം.

ﺟ5: النّفساء ليس لها وقتٌ محدودٌ، بل متى كان الدم موجودًا جلست، ولم تصلّ، ولم تصم، ولم يجامعها زوجها.

وإذا رأت الطّهر -ولو قبل الأربعين، ولو لم تجلس إلا عشرة أيامٍ أو خمسة أيامٍ- فإنها تصلّي، وتصوم، ويجامعها زوجها، ولا حرج في ذلك.

والمهمّ أن النّفاس أمرٌ محسوسٌ، تتعلق الأحكام بوجوده أو عدمه، فمتى كان موجودًا ثبتت أحكامه، ومتى تطهرت منه تخلت من أحكامه.

لكن لو زاد على السّتّين يومًا فإنها تكون مستحاضةً، تجلس ما وافق عادة حيضها فقط، ثم تغتسل، وتصلّي.