„Ја прашав Аиша: ,Со што најпрво започнуваше Божјиот пратеник, салаллаху алејхи ве селем, кога ќе влезеше во куќата?‘ Таа одговори: ,Со мисвак.‘“

Пропишаноста на користењето на мисвак важи во секое време, но особено се нагласува во одредени ситуации што шеријатот ги препорачал, како што се: при влегување во куќата, пред намаз, при земање абдест, по будење од сон и при непријатен мирис на устата.

Ова покажува колку табиините биле посветени на прашување за начинот на животот и сунетите на Божјиот пратеник, салаллаху алејхи ве селем, за да можат што подобро да го следат неговиот пример.

Земање знаење од оние што се најдобро упатени во одредено прашање, како што е примерот со Аиша, Аллах нека е задоволен со неа, која како негова сопруга најдобро ги знаела неговите навики во домот, па затоа била прашана за тоа.