الفَتح

ﯝ

الفَتح is chapter 48 of the Quran and has 29 verses. This page presents it in full in the Uthmani script, with a verse-by-verse translation of its meaning.

29 Ayahs Surah No. 48

بِسْمِ ٱللَّهِ ٱلرَّحْمَٰنِ ٱلرَّحِيمِ

48 : 1

إِنَّا فَتَحۡنَا لَكَ فَتۡحٗا مُّبِينٗا

Saben-sabenal a binukan nami (su Makkah) sa kinabuka sa mapayag.

48 : 2

لِّيَغۡفِرَ لَكَ ٱللَّهُ مَا تَقَدَّمَ مِن ذَنۢبِكَ وَمَا تَأَخَّرَ وَيُتِمَّ نِعۡمَتَهُۥ عَلَيۡكَ وَيَهۡدِيَكَ صِرَٰطٗا مُّسۡتَقِيمٗا

Endu ampunen nin i nawna a dusa nengka endu nawli, endu sampulnan nin i limu nin sa leka, endu tutulun ka nin sa lalan a matidtu.

48 : 3

وَيَنصُرَكَ ٱللَّهُ نَصۡرًا عَزِيزًا

Endu tabangan ka nu Allah sa katabang a mapulu.

48 : 4

هُوَ ٱلَّذِيٓ أَنزَلَ ٱلسَّكِينَةَ فِي قُلُوبِ ٱلۡمُؤۡمِنِينَ لِيَزۡدَادُوٓاْ إِيمَٰنٗا مَّعَ إِيمَٰنِهِمۡۗ وَلِلَّهِ جُنُودُ ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا

Sekanin (Allah) i napatulun sa katana (kalilintad) nu pusung nu manga bamaginugut ka endu kadsisinggumanan sa kanilan su pangimbenal nilan sa Allah, endu kanu Allah i kamilik kanu manga malaikat sa langit endu lupa, endu su Allah i mataw a mataw mapandadayta.

48 : 5

لِّيُدۡخِلَ ٱلۡمُؤۡمِنِينَ وَٱلۡمُؤۡمِنَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا وَيُكَفِّرَ عَنۡهُمۡ سَيِّـَٔاتِهِمۡۚ وَكَانَ ذَٰلِكَ عِندَ ٱللَّهِ فَوۡزًا عَظِيمٗا

Endu paludepen su manga bamaginugut a manga mama endu su manga bamaginugut a manga babay sa surga a pilagilay sa kababan i ig endu tatap silan sa surga, endu punasen nu Allah sa kanilan su manga kadusan nilan, na entu ba lu sa Allah na badtugan a masla.

48 : 6

وَيُعَذِّبَ ٱلۡمُنَٰفِقِينَ وَٱلۡمُنَٰفِقَٰتِ وَٱلۡمُشۡرِكِينَ وَٱلۡمُشۡرِكَٰتِ ٱلظَّآنِّينَ بِٱللَّهِ ظَنَّ ٱلسَّوۡءِۚ عَلَيۡهِمۡ دَآئِرَةُ ٱلسَّوۡءِۖ وَغَضِبَ ٱللَّهُ عَلَيۡهِمۡ وَلَعَنَهُمۡ وَأَعَدَّ لَهُمۡ جَهَنَّمَۖ وَسَآءَتۡ مَصِيرٗا

Endu siksan nin su manga babay-mama a munafiq endu su manga mushrik a babay-mama a mawag i antapan nilan sa Allah, na pembalingan bun sa kanilan su kawagan nilan, endu nalipungetan endu namulkan, endu pidtatalenganan silan sa jahannam a mawag a kadsunudan.

48 : 7

وَلِلَّهِ جُنُودُ ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَزِيزًا حَكِيمًا

Kanu Allah su manga malaikat sa langit endu lupa, su Allah i mapulu a mataw sa endadayta.

48 : 8

إِنَّآ أَرۡسَلۡنَٰكَ شَٰهِدٗا وَمُبَشِّرٗا وَنَذِيرٗا

Saben-sabenal a sinugu nami seka (Muhammad) a saksi endu mapakalilini-manginggilek.

48 : 9

لِّتُؤۡمِنُواْ بِٱللَّهِ وَرَسُولِهِۦ وَتُعَزِّرُوهُ وَتُوَقِّرُوهُۚ وَتُسَبِّحُوهُ بُكۡرَةٗ وَأَصِيلًا

Ka endu kanu makapangimbenal sa Allah endu su sinugu nin, endu madulug (matapid) endu makapakasla nu, endu makatasbih kanu sa mapita-malulem.

48 : 10

إِنَّ ٱلَّذِينَ يُبَايِعُونَكَ إِنَّمَا يُبَايِعُونَ ٱللَّهَ يَدُ ٱللَّهِ فَوۡقَ أَيۡدِيهِمۡۚ فَمَن نَّكَثَ فَإِنَّمَا يَنكُثُ عَلَىٰ نَفۡسِهِۦۖ وَمَنۡ أَوۡفَىٰ بِمَا عَٰهَدَ عَلَيۡهُ ٱللَّهَ فَسَيُؤۡتِيهِ أَجۡرًا عَظِيمٗا

Saben-sabenal su mibpasad sa leka, na timbang ya nilan pibpasadan na su Allah, su bagel nu Allah na muna kanu bagel nu, su da nin tumana su pasad nin na ginawa nin i dinupang nin, su tinumanin i pasad nin sa Allah na enggan nami sa balas a masla.

48 : 11

سَيَقُولُ لَكَ ٱلۡمُخَلَّفُونَ مِنَ ٱلۡأَعۡرَابِ شَغَلَتۡنَآ أَمۡوَٰلُنَا وَأَهۡلُونَا فَٱسۡتَغۡفِرۡ لَنَاۚ يَقُولُونَ بِأَلۡسِنَتِهِم مَّا لَيۡسَ فِي قُلُوبِهِمۡۚ قُلۡ فَمَن يَمۡلِكُ لَكُم مِّنَ ٱللَّهِ شَيۡـًٔا إِنۡ أَرَادَ بِكُمۡ ضَرًّا أَوۡ أَرَادَ بِكُمۡ نَفۡعَۢاۚ بَلۡ كَانَ ٱللَّهُ بِمَا تَعۡمَلُونَ خَبِيرَۢا

Ya edtalun nu mga Arab a da pamangunut: nasimpang kami na manga tamuk endu su kaluma, wata nami, ipangeni kami nengka sa ampun, su pidtalu nu dila nilan na di kena benal kanu pusung nilan, edtalu ka (Muhammad) sa kanilan: entayn i makamilik sa lekanu kanu siksa atawaka maka-alaw amayka ya kyug nu Allah sa lekanu na mapya? Ugayd na su Allah na katawan nin su langun nu galebek nu.

48 : 12

بَلۡ ظَنَنتُمۡ أَن لَّن يَنقَلِبَ ٱلرَّسُولُ وَٱلۡمُؤۡمِنُونَ إِلَىٰٓ أَهۡلِيهِمۡ أَبَدٗا وَزُيِّنَ ذَٰلِكَ فِي قُلُوبِكُمۡ وَظَنَنتُمۡ ظَنَّ ٱلسَّوۡءِ وَكُنتُمۡ قَوۡمَۢا بُورٗا

Ugayd na inantap nu i di den makambalingan (makawli) su nabi endu su manga namaginugut kanu manga kaluma nilan, ini-sasat nu shaytan kanu manga pusung nu, minantap kanu sa mawag na sekanu den i manga taw a nabinasa (dunya-akhirat).

48 : 13

وَمَن لَّمۡ يُؤۡمِنۢ بِٱللَّهِ وَرَسُولِهِۦ فَإِنَّآ أَعۡتَدۡنَا لِلۡكَٰفِرِينَ سَعِيرٗا

Endu su taw a di nin pangimbenalen su Allah endu su sinugu nin na inidtatalanga nami kanu manga kafir i apuy a pegkalaw-kalaw.

48 : 14

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۚ يَغۡفِرُ لِمَن يَشَآءُ وَيُعَذِّبُ مَن يَشَآءُۚ وَكَانَ ٱللَّهُ غَفُورٗا رَّحِيمٗا

Su Allah na kamilikan nin su manga langit endu lupa, ampunen nin i pegkyugan nin, siksan nin i pegkyugan nin, su Allah na bangampun a malimu.

48 : 15

سَيَقُولُ ٱلۡمُخَلَّفُونَ إِذَا ٱنطَلَقۡتُمۡ إِلَىٰ مَغَانِمَ لِتَأۡخُذُوهَا ذَرُونَا نَتَّبِعۡكُمۡۖ يُرِيدُونَ أَن يُبَدِّلُواْ كَلَٰمَ ٱللَّهِۚ قُل لَّن تَتَّبِعُونَا كَذَٰلِكُمۡ قَالَ ٱللَّهُ مِن قَبۡلُۖ فَسَيَقُولُونَ بَلۡ تَحۡسُدُونَنَاۚ بَلۡ كَانُواْ لَا يَفۡقَهُونَ إِلَّا قَلِيلٗا

Ya kadtalu nu dala pamangunut amayka lumu kanu sa pegkwan i manga ganimah: pawnut kami nu bu, ya nilan kyug na kasambyan su kadtalu nu Allah, edtalu ka sa kanilan: da kanu a benal munut, kagina su Allah na pinatuntayan kanu nin sa lekami, ya nilan menem edtalun: pendengkin kami nu? Kena ka dala sabut nilan ya tabya na paydu.

48 : 16

قُل لِّلۡمُخَلَّفِينَ مِنَ ٱلۡأَعۡرَابِ سَتُدۡعَوۡنَ إِلَىٰ قَوۡمٍ أُوْلِي بَأۡسٖ شَدِيدٖ تُقَٰتِلُونَهُمۡ أَوۡ يُسۡلِمُونَۖ فَإِن تُطِيعُواْ يُؤۡتِكُمُ ٱللَّهُ أَجۡرًا حَسَنٗاۖ وَإِن تَتَوَلَّوۡاْ كَمَا تَوَلَّيۡتُم مِّن قَبۡلُ يُعَذِّبۡكُمۡ عَذَابًا أَلِيمٗا

Edtalu ka kanu dala pamangunut kanu manga Arab: matawag kanu bun sa kabunu kanu manga taw a kigkuwan sa bagel, imbunuwa silan atawaka mag-Islam silan, na amayka paginugunutan nu su Allah na enggan kanu nin sa balas a mapya, amayka di kanu tumalima sa mana bun su nawna (a manga taw) na siksan kanu nin sa siksa a malipedes a masakit.

48 : 17

لَّيۡسَ عَلَى ٱلۡأَعۡمَىٰ حَرَجٞ وَلَا عَلَى ٱلۡأَعۡرَجِ حَرَجٞ وَلَا عَلَى ٱلۡمَرِيضِ حَرَجٞۗ وَمَن يُطِعِ ٱللَّهَ وَرَسُولَهُۥ يُدۡخِلۡهُ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۖ وَمَن يَتَوَلَّ يُعَذِّبۡهُ عَذَابًا أَلِيمٗا

Da kawagibi su pisek endu su sadil endu su pendalu, entayn i maginugut sa Allah endu su sinugu nin na paludepen kanu manga surga a pelagilay sa kababan i ig, entayn i minenda (dala talima) na siksan nin sa siksa a masakit a malipedes.

48 : 18

۞ لَّقَدۡ رَضِيَ ٱللَّهُ عَنِ ٱلۡمُؤۡمِنِينَ إِذۡ يُبَايِعُونَكَ تَحۡتَ ٱلشَّجَرَةِ فَعَلِمَ مَا فِي قُلُوبِهِمۡ فَأَنزَلَ ٱلسَّكِينَةَ عَلَيۡهِمۡ وَأَثَٰبَهُمۡ فَتۡحٗا قَرِيبٗا

Saben-sabenal a nasuwatan nu Allah su manga bamaginugut kanu kutika a ipebpasaday ka nilan (Muhammad) lu sa kababan na kayu, natawan nin (Allah) su natagu kanu manga pusung nu, pinatulun nin sa kanilan su katana nu pusung endu inenggan nin silan sa kinataban a mapayag.

48 : 19

وَمَغَانِمَ كَثِيرَةٗ يَأۡخُذُونَهَاۗ وَكَانَ ٱللَّهُ عَزِيزًا حَكِيمٗا

Endu manga ganimah a madakel a bungawan nilan, su Allah i mapulu a mataw sa endadayt.

48 : 20

وَعَدَكُمُ ٱللَّهُ مَغَانِمَ كَثِيرَةٗ تَأۡخُذُونَهَا فَعَجَّلَ لَكُمۡ هَٰذِهِۦ وَكَفَّ أَيۡدِيَ ٱلنَّاسِ عَنكُمۡ وَلِتَكُونَ ءَايَةٗ لِّلۡمُؤۡمِنِينَ وَيَهۡدِيَكُمۡ صِرَٰطٗا مُّسۡتَقِيمٗا

Endu pibpasadan kanu nu Allah sa manga ganimah a madakel a pangwan nu, na binaluy nin den i nya ba, endu da kanu nin ipawma sa lima nu manga taw, ka endu mabaluy a tanda kanu manga bamaginugut, endu tutulun kanu nin sa lalan a matidtu.

48 : 21

وَأُخۡرَىٰ لَمۡ تَقۡدِرُواْ عَلَيۡهَا قَدۡ أَحَاطَ ٱللَّهُ بِهَاۚ وَكَانَ ٱللَّهُ عَلَىٰ كُلِّ شَيۡءٖ قَدِيرٗا

Endu aden pan kaped a dili magaga nu bagel nu na inipagadil nu Allah sa lekanu, su Allah na langkap sa kanilan, su Allah na langun na enggaga-isa na kagaga nin.

48 : 22

وَلَوۡ قَٰتَلَكُمُ ٱلَّذِينَ كَفَرُواْ لَوَلَّوُاْ ٱلۡأَدۡبَٰرَ ثُمَّ لَا يَجِدُونَ وَلِيّٗا وَلَا نَصِيرٗا

Endu u mana bu ka inimbunuwa kanu na manga kafir na makapalaguy bun silan tanan, mawli na da kasaligan nilan endu da pan makadtabang sa kanilan.

48 : 23

سُنَّةَ ٱللَّهِ ٱلَّتِي قَدۡ خَلَتۡ مِن قَبۡلُۖ وَلَن تَجِدَ لِسُنَّةِ ٱللَّهِ تَبۡدِيلٗا

Namba i ukit nu Allah, iganat kanu nangawna a manga timpu, na di a benal kasambyan su ukit nu Allah.

48 : 24

وَهُوَ ٱلَّذِي كَفَّ أَيۡدِيَهُمۡ عَنكُمۡ وَأَيۡدِيَكُمۡ عَنۡهُم بِبَطۡنِ مَكَّةَ مِنۢ بَعۡدِ أَنۡ أَظۡفَرَكُمۡ عَلَيۡهِمۡۚ وَكَانَ ٱللَّهُ بِمَا تَعۡمَلُونَ بَصِيرًا

Sekanin a Allah i da kanu nin pambunuwa sya ba sa ludep nu Makkah, sa ulyan na kinakemesa kanu manga kafir, su Allah na gailay nin su manga galebekan nu.

48 : 25

هُمُ ٱلَّذِينَ كَفَرُواْ وَصَدُّوكُمۡ عَنِ ٱلۡمَسۡجِدِ ٱلۡحَرَامِ وَٱلۡهَدۡيَ مَعۡكُوفًا أَن يَبۡلُغَ مَحِلَّهُۥۚ وَلَوۡلَا رِجَالٞ مُّؤۡمِنُونَ وَنِسَآءٞ مُّؤۡمِنَٰتٞ لَّمۡ تَعۡلَمُوهُمۡ أَن تَطَـُٔوهُمۡ فَتُصِيبَكُم مِّنۡهُم مَّعَرَّةُۢ بِغَيۡرِ عِلۡمٖۖ لِّيُدۡخِلَ ٱللَّهُ فِي رَحۡمَتِهِۦ مَن يَشَآءُۚ لَوۡ تَزَيَّلُواْ لَعَذَّبۡنَا ٱلَّذِينَ كَفَرُواْ مِنۡهُمۡ عَذَابًا أَلِيمًا

Silan a manga kafir i sinumapal sa lekanu sa kaludep nu sa Masjidil Haram, su manga hadyi a banumbalin a natangen sa kasampay nin kanu pedsumbalyan lun, na upama ka di kena bu su babay-mama a manga bamaginugut a di nu silan katawan na mabunu nu silan, makalebpag nu kanu manga kafir, na makandusa kanu sa di nu katawan, paludepen nu Allah kanu limu nin su kagkahanda nin, umana bu ka nakadsenggaya silan (a manga bamaginugut) kanu manga kafir na inipasiksa ku su manga kafir sa siksa a mapasang.

48 : 26

إِذۡ جَعَلَ ٱلَّذِينَ كَفَرُواْ فِي قُلُوبِهِمُ ٱلۡحَمِيَّةَ حَمِيَّةَ ٱلۡجَٰهِلِيَّةِ فَأَنزَلَ ٱللَّهُ سَكِينَتَهُۥ عَلَىٰ رَسُولِهِۦ وَعَلَى ٱلۡمُؤۡمِنِينَ وَأَلۡزَمَهُمۡ كَلِمَةَ ٱلتَّقۡوَىٰ وَكَانُوٓاْ أَحَقَّ بِهَا وَأَهۡلَهَاۚ وَكَانَ ٱللَّهُ بِكُلِّ شَيۡءٍ عَلِيمٗا

Kagina su manga kafir na initagu nilan sa pusung nilan i kanama na taw a dala sabut nin (jahil) na initulun nu Allah su katana nu atay lu kanu sinugu nin endu su manga bamaginugut, endu nategkes silan u gilek sa Allah, ka silan i patut a dayt na kigkuwan sa gilek, su Allah na katawan nin i langun na enggaga-isa.

48 : 27

لَّقَدۡ صَدَقَ ٱللَّهُ رَسُولَهُ ٱلرُّءۡيَا بِٱلۡحَقِّۖ لَتَدۡخُلُنَّ ٱلۡمَسۡجِدَ ٱلۡحَرَامَ إِن شَآءَ ٱللَّهُ ءَامِنِينَ مُحَلِّقِينَ رُءُوسَكُمۡ وَمُقَصِّرِينَ لَا تَخَافُونَۖ فَعَلِمَ مَا لَمۡ تَعۡلَمُواْ فَجَعَلَ مِن دُونِ ذَٰلِكَ فَتۡحٗا قَرِيبًا

Saben-sabenal a benalen nu Allah su nailay nu rasul sa kapedtulug nin, sa makaludep kanu Masjidil Haram sa langun a myug su Allah, sa matabungaw nu su manga buk nu atawaka pakababan bu, a da ikagilek nu, katawan nu Allah su da nu katawi, ka binaluy nin intuba a kaludep sa mangagan a kataban.

48 : 28

هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦۚ وَكَفَىٰ بِٱللَّهِ شَهِيدٗا

Sekanin (Allah) i simugu kanu (Muhammad) sa tutulu endu agama a benal, ka endu nin mapayag kanu langun nu manga agama, endu su Allah i mapya gayd a saksi.

48 : 29

مُّحَمَّدٞ رَّسُولُ ٱللَّهِۚ وَٱلَّذِينَ مَعَهُۥٓ أَشِدَّآءُ عَلَى ٱلۡكُفَّارِ رُحَمَآءُ بَيۡنَهُمۡۖ تَرَىٰهُمۡ رُكَّعٗا سُجَّدٗا يَبۡتَغُونَ فَضۡلٗا مِّنَ ٱللَّهِ وَرِضۡوَٰنٗاۖ سِيمَاهُمۡ فِي وُجُوهِهِم مِّنۡ أَثَرِ ٱلسُّجُودِۚ ذَٰلِكَ مَثَلُهُمۡ فِي ٱلتَّوۡرَىٰةِۚ وَمَثَلُهُمۡ فِي ٱلۡإِنجِيلِ كَزَرۡعٍ أَخۡرَجَ شَطۡـَٔهُۥ فَـَٔازَرَهُۥ فَٱسۡتَغۡلَظَ فَٱسۡتَوَىٰ عَلَىٰ سُوقِهِۦ يُعۡجِبُ ٱلزُّرَّاعَ لِيَغِيظَ بِهِمُ ٱلۡكُفَّارَۗ وَعَدَ ٱللَّهُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ مِنۡهُم مَّغۡفِرَةٗ وَأَجۡرًا عَظِيمَۢا

Su Muhammad na sinugu nu Allah, su manga bamaginugut a tagapeda nin, mapasang silan kanu mga kafir, egkalimuwa menem kanu bamaginugut, mailay nengka a be-ruku’ endu pedsugyud silan, sa apasen nilan su limu endu suwat nu Allah, aden intu kanu manga byas nilan a tanda na sugyud, su lu sa Taurat na maytu bun ba sya sa Injil, a mana bun pinamula a midsubing, migkabagel su tunganay sa migkakapal, midtidtu kanu lawas nin a inikalilini nu tilyawid, ka endu makakalipunget su manga kafir, pibpasadan nu Allah su manga bamaginugut a mapya i galebek nin sa ampun sa kanilan endu balas a masla.

Previous Surah Next Surah

الفَتح

Scan to Share