((به‌رده‌وام جبریلی شیره‌ت ب قه‌نجی و باشییا د گه‌ل جیرانی ل من كر هه‌تا من هزركری جيران دێ بیته میراتگرێ جيرانێ خۆ))
ژ ئبن عومه‌ری (خودێ ژ هه‌ردووکان ڕازی بیت) گۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((به‌رده‌وام جبریلی شیره‌ت ب قه‌نجی و باشییا د گه‌ل جیرانی ل من كر هه‌تا من هزركری جيران دێ بیته میراتگرێ جيرانێ خۆ)).
«مَا زَالَ يُوصِينِي جِبْرِيلُ بِالْجَارِ، حَتَّى ظَنَنْتُ أَنَّهُ سَيُوَرِّثُهُ».
پێغه‌مبه‌ر (صه‌لات و سه‌لامێن خودێ ل سه‌ر بن) به‌حس دكه‌ت كو به‌رده‌وام جبریلی دووباره دكر و فه‌رمان ل وی دكر گرنگییێ ب جیرانی بده‌ت، جیران ژی ئه‌و كه‌سه یێ مالا وی نێزیكی مالا مرۆڤی بیت، چ ئه‌ڤ جیرانه موسلمان بیت یان كافر، چ نياسێ مرۆڤی بیت یان نه، ئه‌ڤ گرنگیدانه ژی ب پاراستنا مافێ وی و ئه‌زیه‌ت نه‌دانا وی و نه‌خۆشی دروستنه‌كرنێ بۆ وی و باشیكرنا د گه‌ل وی و هه‌داركێشان ل سه‌ر نه‌خۆشییا وی، هه‌تا پێغه‌مبه‌ری (صه‌لات و سه‌لامێن خودێ ل سه‌ر بن) ژ به‌ر مه‌زناهییا مافێ جیرانی ل سه‌ر جیرانی و دووباره‌كرنا جبریلی بۆ ڤێ چه‌ندێ هزركری كو جبریل دێ وه‌حییێ ئینیته خوار و دێ فه‌رمانێ لێ كه‌ت جیران وی مال و سامانێ پشتی مرنا خۆ ب دویڤ خۆڕا دهێلیت؛ بده‌ته جیرانێ خۆ.
...:
مه‌زناهییا مافێ جیرانی و فه‌ربوون و گرنگییا به‌رچاڤ وه‌رگرتنا ڤێ چه‌ندێ.
پشتڕاستكرن ل سه‌ر مافێ جیرانی ب شیره‌تكرنێ؛ دخوازیته وێ چه‌ندێ كو دڤێت مرۆڤ ڕێزێ لێ بگریت و حه‌ز ژێ بكه‌ت و د گه‌ل یێ باش بیت، زیانێ ل سه‌ر لاده‌ت، سه‌ره‌دانا وی بكه‌ت ئه‌گه‌ر نه‌ساخ بوو، ل ده‌مێ خۆشییێ پیرۆزباهییێ لێ بكه‌ت و ل ده‌مێ نه‌خۆشی و موسیبه‌تێ ژی سه‌ره‌خۆشییێ لێ بكه‌ت و دله‌كی ل دلێ وی بده‌ت.
چه‌ند ده‌رگه‌هێ جیرانی نیزیكتر بیت؛ مافێ وی ژی پتره و زێده‌تر پشتڕاستی ل سه‌ر هاتییه كرن.
ته‌مامه‌تییا شه‌ریعه‌تی د وی تشتێ پێ هاتی كو باشی و مافێ جڤاكی تێدایه، ژ باشییا د گه‌ل جیرانان و لادانا زیانێ ل سه‌ر وان.
(8/ 10) (6015).
(4/ 2025) (2625).
زێده‌تر (5)
صه‌حیحا بۆخاری (8/ 10) (6014).
صه‌حیحا موسلمی (4/ 2025) (2624).
نزهة المتقين شرح رياض الصالحين (1/ 300).
شرح رياض الصالحين.
لابن عثيمين (3/ 175).