((ئه‌ز یێ ل سه‌ر حه‌وزا خۆ دا ببینم كا كی ژ هه‌وه دێ هێته ده‌ڤ من، به‌لێ ل نێزیكی من دێ ڕێگری ل هنده‌ك مرۆڤان هێته كرن بهێنه ده‌ڤ من و دێ هێنه پاشڤه‌برن، ئه‌ز ژی دێ بێژم: خودایێ من؛ ئه‌و ژ منن و ژ ئوممه‌تا منن
ژ ئه‌سمائا كچا ئه‌بو به‌كری (خودێ ژ هەردووکان ڕازی بیت) گۆت: پێغەمبەری (صەلات و سەلامێن خودێ ل سەر بن) گۆت:
((ئه‌ز یێ ل سه‌ر حه‌وزا خۆ دا ببینم كا كی ژ هه‌وه دێ هێته ده‌ڤ من، به‌لێ ل نێزیكی من دێ ڕێگری ل هنده‌ك مرۆڤان هێته كرن بهێنه ده‌ڤ من و دێ هێنه پاشڤه‌برن، ئه‌ز ژی دێ بێژم: خودایێ من؛ ئه‌و ژ منن و ژ ئوممه‌تا منن، دێ هێته گۆتن: ئه‌رێ ته زانییه ئه‌وان پشتی ته یا چ كری، ئه‌ز ب خودێ كه‌مه ئه‌و به‌رده‌وام ل سه‌ر پشتپه‌حنييێن خۆ پاشڤه دزڤڕین (ئانكو به‌رده‌وام ژ دینێ دروست دویر دكه‌ڤتن و ژێ ده‌ردكه‌ڤتن و داهێنان و بیدعه د دینیدا دكرن))).
«إِنِّي عَلَى الحَوْضِ حَتَّى أَنْظُرَ مَنْ يَرِدُ عَلَيَّ مِنْكُمْ، وَسَيُؤْخَذُ نَاسٌ دُونِي، فَأَقُولُ: يَا رَبِّ مِنِّي وَمِنْ أُمَّتِي، فَيُقَالُ: هَلْ شَعَرْتَ مَا عَمِلُوا بَعْدَكَ، وَاللَّهِ مَا بَرِحُوا يَرْجِعُونَ عَلَى أَعْقَابِهِمْ».
پێغه‌مبه‌ر (صه‌لات و سه‌لامێن خودێ ل سه‌ر بن) دیار دكه‌ت كو ل ڕۆژا قیامه‌تێ ئه‌و دێ ل سه‌ر حه‌وزا خۆ یێ ئاماده بیت دا به‌رێ خۆ بده‌تێ كا كی ژ ئوممه‌تا وی دێ هێته سه‌ر حه‌وزا وی، و هنده‌ك کەس ل نێزیكی وی (صەلات و سەلامێن خودێ ل سەر بن) دێ هێنه ڕاوه‌ستاندن، ئه‌و ژی دێ بێژیت: خودایێ من؛ ئه‌و ژ منن و ژ ئوممه‌تا منن، دێ هێته گۆتن: ئه‌رێ ته زانییه كا وان پشتی ته ئه‌و هێلاین چ كرییه، سویند ب خودێ به‌رده‌وام ئه‌و پشت و پشت دزڤڕین و موڕته‌د دبوون و ژ دینێ خۆ ده‌ردكه‌ڤتن، ڤێجا نه ئه‌و ژ ته و نه ژ ئوممه‌تا ته‌نه.
...:
دلۆڤانی و دلپێڤه‌بوونا پێغه‌مبه‌ری (صه‌لات و سه‌لامێن خودێ ل سه‌ر بن) ل به‌رامبه‌ری ئوممه‌تا وی.
مه‌ترسییا سه‌رپێچیكرنا وی تشتێ پێغه‌مبه‌ر (صه‌لات و سه‌لامێن خودێ ل سه‌ر بن) ل سه‌ر دچوو.
هاندان ل سه‌ر ده‌ستگرتنا ب سوننه‌تا پێغه‌مبه‌ریڤه (صه‌لات و سه‌لامێن خودێ ل سه‌ر بن).
زێده‌تر (4)
صه‌حیحا بۆخاری (8/ 121) (6593).
صه‌حیحا موسلمی (4/ 1793) (2292).
عمدة القاري (23/144).
البحر المحيط الثجاج (37/322).