((خۆ فێری زانینێ نه‌كه‌ن دا شانازییێ بۆ خۆ پێ ل ده‌ڤ زانایان بكه‌ن و دا گه‌نگه‌شیێ بۆ خۆ پێ د گه‌ل نه‌زانان بكه‌ن
ژ جابرێ كوڕێ عه‌بدولڵاهی (خودێ ژ هه‌ردووکان ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((خۆ فێری زانینێ نه‌كه‌ن دا شانازییێ بۆ خۆ پێ ل ده‌ڤ زانایان بكه‌ن و دا گه‌نگه‌شیێ بۆ خۆ پێ د گه‌ل نه‌زانان بكه‌ن، دیسان نه بۆ هندێ دا سه‌رێ دیوانان بۆ هه‌وه بیت، هه‌ر كه‌سێ ئه‌ڤ چه‌نده كر؛ هنگی ئاگر ئاگر (یێ ل هیڤییا وی)).
«لَا تَعَلَّمُوا الْعِلْمَ لِتُبَاهُوا بِهِ الْعُلَمَاءَ، وَلَا لِتُمَارُوا بِهِ السُّفَهَاءَ، وَلَا تَخَيَّرُوا بِهِ الْمَجَالِسَ، فَمَنْ فَعَلَ ذَلِكَ، فَالنَّارُ النَّارُ».
پێغه‌مبه‌ری (صه‌لات و سه‌لامێن خودێ ل سه‌ر بن) هشیاركرن ژ هندێ كر مرۆڤ داخوازا زانینێ بكه‌ت دا شانازی و فه‌خرێ بۆ خۆ پێ ل سه‌ر زانایان ببه‌ت و دا وه‌سا بۆ وان دیار بكه‌ت كو ئه‌ز ژی وه‌كی هه‌وه كه‌سه‌كێ زانامه، یان ژی دا بچیت پێ د گه‌ل كه‌سێن نه‌زان و كێمئه‌قل باخڤیت و گه‌نگه‌شێ د گه‌ل وان بكه‌ت، یان ژی خۆ فێری زانینێ بكه‌ت دا ل سه‌رێن دیوانان ڕوینیته خوار و ل سه‌ر كه‌سێن دى بهێته پێشئێخستن. هه‌ر كه‌سێ ئه‌ڤ چه‌نده كر؛ هنگی دێ ژ هه‌ژی ئاگرێ جه‌هنه‌مێ بیت ژ به‌ر ڤێ ڕویمه‌تی و نه‌دلسۆزییا خۆ د داخوازكرنا زانینێدا بۆ خودێ.
...:
گه‌فكرن ب چوونا ئاگرێ جه‌هنه‌مێ ل وی كه‌سێ خۆ فێری زانینێ دكه‌ت دا شانازییێ بۆ خۆ پێ ببه‌ت یان دا گه‌نگه‌شێ پێ بكه‌ت یان دا ل سه‌رێن دیوانان ڕوینیته خوار و تشتێن هوسا.
گرنگییا دلسۆزییێ د ئنیه‌تێدا بۆ وی كه‌سێ خۆ فێری زانینێ دكه‌ت و نیشا خه‌لكی دده‌ت.
ئنیه‌ت بناخه‌یێ كریارانه و جزادان دێ ل سه‌ر ئنیه‌تێ بیت.
زێده‌تر (3)
سونەنا ئبن ماجه (1/ 170) (254).
مرشد ذوي الحجا والحاجة (2/378).
مشارق الأنوار الوهاجة ومطالع الأسرار البهاجة في شرح سنن الإمام ابن ماجه (4/ 482).