“ពួកយើងជាប្រជាជាតិចុងក្រោយគេបង្អស់ តែជាប្រជាជាតិដែលគេជំនំជម្រះមុនគេ(នៅថ្ងៃបរលោក)។

ណាពី ﷺ លោកបានប្រាប់ថា ជាការពិតណាស់ ប្រជាជាតិរបស់លោក គឺជាប្រជាជាតិចុងក្រោយគេបង្អស់ដែលមានវត្តមាន(នៅលើផែនដី) តែជាប្រជាជាតិដែលនឹងត្រូវគេជំនំជម្រះមុនគេបង្អស់នៅថ្ងៃបរលោក។ នៅថ្ងៃបរលោក មានគេសួរថា៖ តើប្រជាជាតិអនក្ខរជន និងណាពីរបស់ប្រជាជាតិនោះនៅឯណា? គេហៅបែបនេះដោយភ្ជាប់ទៅនឹងអនក្ខរភាពរបស់ណាពី ﷺ ដែលលោកជាមនុស្សមិនចេះអាន និងមិនចេះសរសេរ។ ពេលនោះ ពួកគេត្រូវបានគេហៅទៅជំនុំជម្រះមុនគេបង្អស់។ ដូចនេះ ពួកយើងជាប្រជាជាតិជំនាន់ចុងក្រោយគេ តែជាប្រជាជាតិដំបូងគេដែលនឹងត្រូវគេជំនុំជម្រះនៅថ្ងៃបរលោក និងជាប្រជាជាតិដែលបានចូលឋានសួគ៌មុនគេផងដែរ។