Encyclopedia of Prophetic Hadiths

« Mesaje Allah a (lapè ak benediksyon Allah sou li) te anseyem Tashahhud la, pandan men mwen te nan men li, menm jan li te konn anseyem yon sourat nan Koran an: 'Salitasyon yo se pou Allah ,lapriyè yo ak bon pawòl yo. Lapè sou ou, O Pwofèt, ansanm ak pitye ak benediksyon Allah. Lapè sou nou ak sou sèvitè dwat Allah yo. Mwen temwanye pa gen lòt dye eksepte Allah, e mwen temwanye Muhammad se sèvitèl ak mesajel.' Nan yon lòt vèsyon yo, li te ajoute: 'Vreman vre, Allah se As-Salam (Sous lapè a). Kidonk, lè youn nan nou chita nan lapriyè a, se poul di: Salitasyon yo se pou Allah ,lapriyè yo ak bon pawòl yo. Lapè sou ou, O Pwofèt, ansanm ak pitye ak benediksyon Allah . Lapè sou nou ak sou sèvitè dwat Allah yo. Lèl di sa, salitasyon an rive sou chak sèvitè dwat Allah nan syèl la ak sou tè a. Mwen temwanye pa gen lòt dye eksepte Allah , epi mwen temwanye Muhammad se sèvitèl ak mesaje li. Aprèsa li ka chwazi nenpòt sal ta renmen mande Allah»

Paradi a pi pre youn nan nou pase lasèt soulyel (oswa kòd sapat li), epi dife Lanfè a se egzakteman menm jan an tou.

«Yon kwayan se pa yon moun kap denigre moun, ni kap modi moun, ni kap di pawòl sal ni ki vilgè.»

Yon mesye te di: O Mesaje Allah, èske yap rann nou responsab pou sa nou te fè nan epòk inyorans lan ? Li di: «Nenpòt moun ki aji byen nan Islam, yo pap rann li responsab pou sa li te fè nan epòk inyorans lan, epi nenpòt moun ki aji mal nan Islam, yap rann li responsab pou premye a ak dènye a.»

Mwen te mande Pwofèt la (ke lapè ak benediksyon Allah sou li): « Ki aksyon Allah pi renmen? » Li reponn: « Fè lapriyè (Salat) nan lè li. » Mwen mande: « Aprèsa, kisa ankò? » Pwofèt la di: « Aprèsa, se onore paran ou. » Mwen mande ankò: « Aprèsa, kisa ankò? » Pwofèt la di: « Lite (Jihad) nan chemen Allah. » Mwen di: « Se sa yo li te rakontem, epi si mwen te mandel plis, li tap dim plis toujou. »

«Li pa pèmèt pou koule san yon moun Mizilman, sòf nan youn nan 3 sitiyasyon sa yo: moun marye ki fè adiltè, yon nanm pou yon nanm, ak moun ki kite relijyon li an (Apostazi) epi ki separe ak kominote a.»

Pami pi move moun yo, gen moun Lè a (Jou Jijman an) ap jwenn pandan yo vivan toujou, ak moun ki pran tonb yo pou fè yo tounen kote pou yo adore (moske).

Mesaje Allah a (ke lapè ak benediksyon Allah sou li) te aprann nou Khutbat al-Hajah (diskou pou mande èd Allah): Tout lwanj se pou Allah. Nou mande Li èd epi nou mande Li padon. Nou chache pwoteksyon nan men Li kont mechanste ki nan pwòp tèt nou. Moun Allah gide, pèsonn pa ka pèdi li; epi moun Li kite pèdi, pèsonn pa ka gide li. Mwen temwaye pa gen okenn lòt dye ki merite adorasyon esepte Allah, epi mwen temwaye Muhammad se sèvitè Li ak Mesaje Li. {O nou menm lèzòm! Krenn Mèt nou an, Li menm ki te kreye nou soti nan yon sèl moun (nanm), ki te kreye madanm li soti nan li menm tou, epi ki te fè anpil gason ak fanm soti nan yo 2 a pou gaye sou tè a. Krenn Allah, Li menm nou sèvi ak non Li pou nou fè demann yonn bay lòt, epi respekte lyen fanmi yo. Paske tout bon, Allah ap veye sou nou chak deprè.} [Sourat An-Nisa: 1] {O nou menm ki kwè! Krenn Allah jan nou dwe krenn Li a tout bon vre, epi pa kite lanmò pran nou si se pa nan eta Mizilman (moun ki soumèt nèt devan Li).} [Sourat Ali 'Imran: 102] {O nou menm ki kwè! Krenn Allah epi toujou pale pawòl ki dwat (ki verite). Lè konsa, Li va fè aksyon nou yo vin bon, epi lap padonnen peche nou yo. Nenpòt moun ki obeyi Allah ak Mesaje Li a, se sèten li ranpòte yon gwo siksè.} [Sourat Al-Ahzab: 70-71]