Encyclopedia of Prophetic Hadiths

Mesaje Allah a (lapè ak benediksyon Allah sou li) te konn repete souvan: «O Ou menm kap vire kè yo, kenbe kè mwen fèm sou relijyon Ou an.» Lè sa a, mwen te di: "O Mesaje Allah, nou kwè nan ou ak nan sa ou pote a, èske ou gen krentif pou nou?" Li reponn: «Wi, san dout, kè yo nan mitan 2 dwèt pami dwèt Allah yo, Li vire yo jan Li vle.»

Nou te bò kote Omar, epi li te di: « Yo te entèdi nou fè sa ki depase kapasite nou (Takalluf). »

Pwofèt la (ke lapè ak benediksyon Allah sou li) pa te konn refize pafen.

"«Pa gen maladi ki trape pou kont li, ni pa gen move presaj, epi mwen renmen bon presaj.» Yo te mande l: E kisa ki bon presaj la? Li reponn: «Yon bon pawòl»."

Yon Mesye te vin jwenn Pwofèt la (ke Allah beni li epi bal kè poze) epi li di: "O Mesaje Allah, mwen paka kite okenn fòm peche (ni gwo ni piti) san mwen pa komèt li." Pwofèt la te mandel: "Èske ou pa temwanye ke pa gen lòt bondye sanble ak Allah epi ke Muhammad se Mesaje Allah?" Li te repete kesyon sa a 3 fwa. Mesye a reponn: "Wi (mwen temwanye sa)." Lè sa a, Pwofèt la di: "Vrèman vre, deklarasyon lafwa sa a efase tout sa ki te pase anvan."

Pandan nou te chita avèk Pwofèt la (lapè ak benediksyon Allah sou li) nan moske a, yon mesye antre sou yon chamo. Li fè chamo a kouche nan moske a, li mare janm li, epi li di yo: "Kilès nan nou ki Mohammad?" Pwofèt la (lapè ak benediksyon Allah sou li) te chita ap apiye nan mitan yo, nou dil: "Se mesye sa a ki gen koulè blan an, ki chita ap apiye a." Mesye an di Pwofèt la: "O pitit Abdoul-Mouttalib!" Pwofèt la reponn li: "Mwen tande ou." Mesye an di Pwofèt la: "Map pozew yon kesyon, map mandew li ak fòs (map ensiste), donk pa fache avèm." Pwofèt la di li: "Poze kesyon sou sa ou vle." Mesye an di: "Map mandew nan non Granmèt ou a ak Granmèt moun ki te anvan ou yo: Èske se Allah ki voyew bay tout moun?" Pwofèt la reponn: "Wi, mwen fè sèman sou Allah." Li di: "Map mandew nan non Allah : Èske se Allah ki kòmandew pou nou fè 5 lapriyè yo chak jou ak chak nwit?" Pwofèt la reponn: "Wi, mwen fè sèman sou Allah." Li di: "Map mande w nan non Allah : Èske se Li ki kòmandew pou nou fè jèn mwa sa a nan ane a?" Pwofèt la reponn: "Wi, mwen fè sèman sou Allah." Li di: "Map mande ou nan non Allah : Èske se Senyè toupwisan an ki kòmandew pou nou pran zakat sa a nan men moun rich nou yo pou nou pataje li bay pòv nou yo?" Pwofèt la reponn: "Wi, mwen fè sèman sou Allah." Lè sa a, Mesye a di: "Mwen kwè nan sa ou pote a, epi mwen se yon reprezantan ki soti dèyè pèp mwen an. Mwen se Dimam ibn Tha'labah, yon frè nan branch fanmi Bani Sa'd ibn Bakr."

Mesaje Allah a (ke lapè ak benediksyon Allah rete sou li) te gen pi bon karaktè pami tout moun.

«Moun ki ta renmen yo ogmante pwovizyon li, epi pou yo pwolonje lavil, se pou li kenbe bon relasyon ak fanmi li.»