ৰাছুলুল্লাহ চাল্লাল্লাহু আলাইহি অছাল্লামে আমাক তিনিটা সময়ত নামাজ পঢ়িবলৈ আৰু মুৰ্দা দাফন কৰিবলৈ নিষেধ কৰিছে।

এই সময়বোৰত নফল নামাজ পঢ়িবলৈ নিষেধ কৰাৰ অন্যতম এটা কাৰণ হৈছে এই যে, প্ৰতিজন মুছলিমে আল্লাহৰ আদেশৰ সন্মুখত আত্মসমৰ্পণ কৰা উচিত আৰু তেওঁৰ নিষেধাজ্ঞাৰ পৰা বিৰত থকা উচিত। যদিও সেই আদেশ নিষেধৰ হিকমত বুজি পাওক বা নাপাওক। ইয়াৰ বাহিৰেও অন্যান্য হাদীছত ইয়াৰ কাৰণ উল্লেখ হৈছে। প্ৰথমঃ দুপৰীয়া সূৰ্য্য ঢাল খোৱাৰ আগত, সূৰ্য্য যেতিয়া মূৰৰ ওপৰত থাকে, সেই সময়ছোৱাত জাহান্নামৰ অগ্নীক প্ৰচণ্ডৰূপে উত্তপ্ত কৰা হয় (এইকাৰণে এই সময়ছোৱাত মুৰ্দা দাফন কৰিবলৈ আৰু নফল নামাজ আদায় কৰিবলৈ নিষেধ কৰা হৈছে)। দ্বিতীয়ঃ সূৰ্য্য উদয় হোৱাৰ সময়ত আৰু সূৰ্য্য অস্ত যোৱাৰ সময়ত নামাজ পঢ়িবলৈ নিষেধ কৰাৰ কাৰণ হৈছে, ইয়াৰ দ্বাৰা মুশ্বৰিকসকলৰ সৈতে সাদৃশ্যতাৰ উমান পোৱা যায়। কিয়নো সিহঁতে সূৰ্য্য উদয় হোৱাৰ সময়ত আৰু অস্ত যোৱাৰ সময়ত সূৰ্য্যক ছাজদাহ (সাষ্টাংগ প্ৰণাম) কৰে। তৃতীয়ঃ ফজৰৰ পিছৰ পৰা সূৰ্য্য উদয় হোৱালৈকে আৰু আচৰৰ পিছত সূৰ্য্য অস্ত যোৱালৈকে নফল নামাজ পঢ়িবলৈ এইকাৰণে নিষেধ কৰা হৈছে যে, যাতে কাফিৰসকলৰ সৈতে মুছলিমসকলৰ কোনো ধৰণৰ সাদৃশ্যতা নাথাকে। এই আশংকাৰ দুৱাৰ সম্পূৰ্ণৰূপে বন্ধ কৰাৰ বাবে এই পদক্ষেপ লোৱা হৈছে। কিয়নো সিহঁতে সূৰ্য্য উদয় হোৱাৰ সময়ত আৰু অস্ত যোৱাৰ সময়ত সূৰ্য্যক পূজা পাঠ কৰে।