زيارة المسجد النبوي الشريف

مسجد نبوی شریف کی زیارت اور زائرین کے لیے تنبیہات وہدایات تالیف ڈاکٹر عبداللہ بن ناجی المخلافی شروع کرتا ہوں اللہ کے نام سے جو بڑا مہربان نہایت رحم کرنے والا ہے تقدیم تمام تعریفیں اس اللہ کے لیے ہیں، جس نے اپنے نبی صلی اللہ علیہ وسلم کی مسجد کی زیارت کو اللہ کی قربت کا ایک اہم ترین ذریعہ بنایا اور اس میں نماز پڑھنے کو بلندی درجات کا سبب بنایا۔ درود وسلام ہو سب سے پاک باز مخلوق ہمارے نبی محمدﷺ، آپ کے آل و اصحاب اور تا قیامت بھلائی کے ساتھ آپ کی پیروی کرنے والوں پر۔

زبان: lang_ur

تیار کردہ:

ورژن: 1.0

تراجم 13

بنغالي إنجليزي فارسي فرنسي هوسا إندونيسي روسي صومالي سواحيلي تايلندي تركي أردو صيني

Font size

پھر نبیﷺ کی قبر کی طرف ادب و وقار اور سکون کے ساتھ جائیں۔ اگر وہاں بھیڑ ہو تو لوگوں کوتکلیف دینے سے بچیں۔ بھیڑ کم ہونے تک تاخیر ہی سہی۔ کوشش یہ کریں کہ قبرِ نبی کی زیارت فرض نمازوں کے فوری بعد نہ ہو۔ اس لیے کہ اس وقت عموما بھیڑ زیادہ ہوتی ہے۔ نبی صلی اللہ علیہ و سلم کی قبر کے پاس آوازیں بلند نہ کریں، کیوں کہ اللہ تعالی نے اپنے مؤمن بندوں کو اس سے منع کرتے ہوئے فرمایا ہے: ’’اے ایمان والو! اپنی آوازیں نبی کی آواز سے اوپر نہ کرو اور نہ ان سے اونچی آواز میں بات کرو، جیسے آپس میں ایک دوسرے سے بات کرتے ہو۔ کہیں (ایسا نہ ہو کہ) تمھارے اعمال اکارت جائیں اور تمھیں خبر بھی نہ ہو۔ بے شک جو لوگ رسول اللہ(ﷺ) کے حضور میں اپنی آوازیں پست رکھتے ہیں، یہی وہ لوگ ہیں جن کے دلوں کو اللہ نے پرہیزگاری کے لیے جانچ لیا ہے۔ ان کے لیے مغفرت اور بڑا ثواب ہے۔" [سورہ الحجرات: 2-3]. امام ابن کثیر رحمہ اللہ اپنی تفسیر میں لکھتے ہیں : ’’رسول اللہ ﷺ کی قبر کے پاس بھی بلند آواز سے بولنا مکروہ ہے۔ بالکل اسی طرح، جیسے کہ آپ کی حیات میں آپ کے سامنے مکروہ تھا۔ کیوں کہ آپ ﷺ جس طرح اپنی زندگی میں قابلِ احترام و باعزت تھے، اسی طرح اپنی قبر میں بھی ہمیشہ باعزت اور قابلِ احترام رہیں گے۔‘‘ اسی طرح عمر بن خطاب رضی اللہ عنہ نے مسجدِ نبویﷺ میں دو آدمیوں کو اونچی آواز میں بات کرتے ہوئے سنا، تو ان سے دریافت کیا کہ تم کون ہو یا کس جگہ کے رہنے والے ہو؟ انھوں نے جب جواب دیا کہ ہم طائف کے رہنے والے ہیں، تو فرمایا: اگر تم مدینہ منورہ کے رہنے والے ہوتے، تو میں تمھیں ضرور سزا دیتا۔ تم اللہ کے رسول ﷺ کی مسجد میں اپنی آوازیں اتنی اونچی کر رہے ہو؟ [اس حدیث کو امام بخاری رحمہ اللہ نے روایت کیا ہے۔] جب آپ نبیﷺ کی قبرِ کے پاس پہنچیں، تو بڑے سکون، اطمینان اور وقار کے ساتھ کھڑے ہو جائیں اور ان الفاظ میں سلام کا نذرانہ پیش کریں: اے اللہ کے رسول! آپ پر سلامتی ہو، اللہ کی رحمت ہو اور اس کی برکتیں نازل ہوں۔ اے اللہ کے نبی! آپ پر سلامتی ہو۔ اے اللہ کی چنندہ و برگزیدہ مخلوق! آپ پر سلامتی ہو۔ اے رسولوں کے سردار اور پرہیز گار بندوں کے امام! آپ پر سلامتی ہو۔ میں گواہی دیتا ہوں کہ آپ نے پیغامِ رسالت پہنچادیا، امانت ادا کردی، امت کی بھر پور خیر خواہی فرمائی اور اللہ کی راہ میں جہاد کا حق ادا کیا۔ اللہ آپ کو وہ بہترین بدلہ عطا کرے، جو کسی بھی نبی کو اس کی امت کی جانب سے عطا کرے گا۔ اے اللہ! رحمت نازل فرما محمد پر اور آل محمد پر، جیسے رحمت نازل کی تھی ابراہیم پر اور آل ابراہیم پر۔ بے شک تو قابل تعریف اور بزرگی والا ہے۔ ساتھ ہی برکت نازل فرما محمد پر اور آل محمد پر، جیسے برکت نازل کی تھی ابراہیم پر اور آل ابراہیم پر۔ بے شک تو قابل تعریف اور بزرگی والا ہے۔

پھر تھوڑا دائیں طرف ہٹ کر خلیفۂ رسول ابو بکر صدیق رضي الله عنه کی خدمت میں ان الفاظ میں سلام پیش کریں: اے ابو بکر صدیق! آپ پر سلامتی ہو، اللہ کی رحمت ہو اور اس کی برکتیں نازل ہوں۔ اے خلیفۂ رسول اور یار غار! آپ پر سلامتی ہو۔ اللہ آپ کو ہماری طرف سے اور اسی طرح اسلام اور مسلمانوں کی جانب سے بہتر سے بہتر بدلہ عطا فرمائے۔ ان کی جگہ پر اس طرح کے دیگر الفاظ بھی استعمال کیے جا سکتے ہیں۔ پھر کچھ اور دائیں جانب ہٹ کر امیر المؤمنين عمر فاروق رضي الله عنه کی خدمت میں ان الفاظ میں سلام پیش کریں: اے عمر فاروق! آپ پر سلامتی ہو، اللہ کی رحمت ہو اور اس کی برکتیں نازل ہوں۔ اے دوسرے خلیفۂ راشد! آپ پر سلامتی ہو۔ اللہ آپ کو ہماری اور اسلام و مسلمانوں کی جانب سے بہتر سے بہتر بدلہ عطا فرمائے۔ ان کے سوا دوسرے مشروع الفاظ کے ذریعے بھی سلام پیش کیا جا سکتا ہے۔ اس طرح مسجدِ نبوی، قبر نبویﷺ اور قبرِ صاحبین رضي الله عنهما کی زیارت مکمل ہوگئی۔ اے میرے زائر بھائی! جب آپ اللہ تعالی سے دعا کرنا چاہیں، تو آپ مسجدِ نبوی کے کسی بھی حصے میں اور دن و رات میں کسی بھی وقت بھیڑ سے الگ ہوکر تنہائی اختیار کر لیں اور قبلے کی جانب منہ کر لیں۔ تنہائی اس لیے، کیوں کہ اس سے نفس کو سکون، دل کو اطمینان اور فکری یکسوئی حاصل ہوتی ہے۔ پھر اللہ تعالی سے اپنے لیے اور اپنے تمام مسلمان بھائیوں کے لیے دنیا وآخرت کی بھلائیاں مانگیں۔ اے زائرِ مکرم! آپ دعا کرتے وقت دعا کی حدود کو پار کرنے سے بچیں، جس کی بہت سی صورتیں ہیں۔ جیسے غیر اللہ کو پکارنا، ان سے حاجتیں طلب کرنا اور فریاد کرنا وغیرہ۔ یہ سارے کام اللہ اور اس کے رسول کے حکم کے منافی ہیں اور شرک کے زمرے میں داخل ہیں۔ خود اللہ نے کسی اور کو پکارنے سے منع کرتے ہوئے فرمایا ہے: ’’پس اللہ کے ساتھ کسی اور کو نہ پکارو‘‘۔ [سورہ الجن : 18] اس کا مزید ارشاد ہے: ’’جب میرے بندے میرے بارے میں آپ سے سوال کریں، تو آپ کہہ دیں کہ میں بہت ہی قریب ہوں۔ ہر پکارنے والے کی پکار کو، جب کبھی وه مجھے پکارے، قبول کرتا ہوں۔ اس لیے لوگوں کو بھی چاہیے کہ وه میری بات مان لیا کریں اور مجھ پر ایمان رکھیں۔ یہی ان کی بھلائی کا باعث ہے‘‘۔ [سورہ البقرة: 186]. اس کا یہ بھی فرمان ہے: ’’اور اس سے بڑھ کر گمراه اور کون ہوگا، جو اللہ کے سوا ایسوں کو پکارتا ہے، جو قیامت تک اس کی دعا قبول نہ کر سکیں، بلکہ ان کے پکارنے سے محض بےخبر ہوں؟‘‘ [سورہ الأحقاف: 5]۔ اسی طرح ابن عباس رضي الله عنهما سے مروی ایک حدیث میں ہے کہ اللہ کے رسول صلی اللہ علیہ و سلم نے ارشاد فرمایا: ’’جب تم مانگو تو صرف اللہ تعالی سے مانگو اور جب مدد چاہو تو صرف اللہ تعالی سے مدد چاہو‘‘۔ [اس حدیث کو امام ترمذی رحمہ اللہ نے روایت کیا ہے۔]

زيارة المسجد النبوي الشريف

مسجد نبوی شریف کی زیارت اور زائرین کے لیے تنبیہات وہدایات

تقدیم

مقدّمہ

مسجد کے باہر واقع مدینہ منورہ کے وہ مقامات

مسجدِ نبوی کی زیارت کر نے والے کے لیے تنبیہات و ہدایات

Related books

مسجدِ نبوی کے فضائل وآداب اور نبی ﷺ اور آپ ﷺ کے دونوں صحابہ رضی اللہ عنہما کی قبروں کی زیارت کے احکام

حج و عمرہ اور زیارت کے بیش تر مسائل کی تحقیق و وضاحت کتاب وسنت کی روشنی میں

(کتاب: نماز کی طرف چل کر جانے کے آداب)

اسلام، اللہ کے تمام رسولوں کا دین ہے

شیئر کرنے کے لیے اسکین کریں