Encyclopedia of Prophetic Hadiths

«Musandirumbidza zvakapfuura mwero sekurumbidza kwakaita maKristu mwanakomana waMariya; nokuti zvirokwazvo, ini ndiri muranda wavo, saka taurai kuti: Muranda waAllah (Mwari) uye Mutumwa wavo.»

Mutumwa waAllah (rugare nemakomborero zvaAllah ngazvive paari) akataura kuna Mu'adh bin Jabal, apo akamutumira kuYemen, kuti: «Zvirokwazvo uchaenda kuvanhu veBhuku, saka kana wasvika kwavari vadaidze kuti vapupure kuti hapana chakakodzera kunamatwa kunze kwaAllah (Mwari) uye kuti Muhammad Mutumwa waAllah (Mwari), saka kana vakakuteerera pane izvozvo, vazivise kuti Allah (Mwari) vakavasungira Swalaah (minamato) mishanu pazuva rimwe nerimwe neusiku, saka kana vakakuteerera pane izvozvo, vazivise kuti Allah (Mwari) vakavasungira Sadqah inotorwa kubva kuvapfumi vavo yodzoswa kuvarombo vavo, saka kana vakakuteerera pane izvozvo, ngwarira kutora pfuma yavo yakanikisa, uye utye kuteterera kwemudzvanyirirwa, nokuti zvirokwazvo hapana chidziviriro pakati pacho naAllah».

«Uyo anochengetedza hukama haasi uyo anongodzorera (zvakanaka zvaaitirwa), asi anochengetedza hukama ndiye uyo anoti kana hukama hwake hwadamburwa anohubatanidza».

«Moto wakafukidzwa nezvishuwo, uye Paradhiso yakafukidzwa nezvinhu zvinorema (pamwoyo).»

«Allah (Mwari) ngavanzwire tsitsi munhu anorerutsa kana achitengesa, uye kana achitenga, uye kana achikumbira kubhadharwa.»

«Kana muranda akarwara kana kuenda parwendo, anonyorerwa zvakafanana nezvaaiita panguva yaaigara asiri parwendo uye aine hutano hwakanaka».

«Paradhiso iri pedyo kune mumwe wenyu kupfuura tambo yeshangu yake, uye Moto wakangodarowo.»

"«Ani naani anondivimbisa kuchengetedza zviri pakati peshaya dzake nezviri pakati pemakumbo ake, ndinomuvimbisa Paradhiso.»"