"Uwuca ubuvandimwe, ntazopfa yinjiye mu Bwami bw'ijuru".

Mu vyakiriwe na Jubayri mwene Mutw'imu (Imana Allah Imwishimire) yavuze ko yumvise Umuvugishwamana (nyakugira amahoro n'impuhwe z'Imana Allah) avuga ati:

"Uwuca ubuvandimwe, ntazopfa yinjiye mu Bwami bw'ijuru".

«لَا يَدْخُلُ الْجَنَّةَ قَاطِعُ رَحِمٍ».

Yahurijweko na Al-Bukhaariy na Muslimu
Inyigishi y'intumwa yemewe
Ugusobanura

Umuvugishwamana (nyakugira amahoro n'impuhwe z'Imana Allah), aratwiganira ko umuntu aciye ubuvandimwe mu kutubahiriza agateka k'abo basangiye amaraso, canke mu kubabangamira no kubagirira nabi, akwiye kutazokwinjira mu Bwami bw'ijuru.

Insobanuro y'amajambo

.....:

Zimwe mu nyungu ziri muri iyi nyigisho y'intumwa:

Uguca ubuvandimwe, ni icaha mu vyaha rutura.

Ukwunga ubuvandimwe, kuba mu buryo bumenyerewe busanzwe buzwi, gutyo iyonga ry'ubwo buvandimwe rikagenda ritandukana hisunzwe ahantu, igihe n'abantu bungiwe nya buvandimwe.

Biri mu kwunga ubuvandimwe, kugenderanira, gutanga imperezwa, kugira ubugwaneza, gusuhuza abarwaye, kubwiriza abantu gukora ivyiza no kubabuza gukora ibibi, n'ibindi bitari ivyo.

Uko guca ubuvandimwe bibaye mu bahafi cane basangiye amaraso, ni ko n'icaha kiba kibi cane kurusha.

Ibitabu vyisunzwe mu kwandika

Igitabu "Swahiihu Muslim" (4/ 1981) (2556).

Igitabu "Swahiihu l-Bukhaariy" (8/ 5) (5984).

Ivyiyongeyeko (5)

شرح النووي على مسلم (16/ 113).

منحة العلام في شرح بلوغ المرام.

لعبد الله الفوزان (10/ 90).

فتح ذي الجلال والإكرام بشرح بلوغ المرام.

لابن عثيمين (6/ 277).

12 Books
Ivyiyongeyeko (12)
All Cards