तिमीले यस्तो कुरा भनेका छाै, यदि त्यस कुरालाई समुद्रको पानीमा मिसाइयो भने त्यसलाई परिवर्तित गरिदिने थियो।

यसमा चुक्ली र छुल्याइँ गर्ने बानीबाट बच्न चेतावनी छ र त्यसप्रति सचेत गराइएको छ।

कसैको अपमान र अवहेलना गर्ने उद्देश्यले उसको शारीरिक हाउभाउ वा नक्कल गर्नु पनि निषेधित छुल्याइँ अन्तर्गत पर्दछ।

शारीरिक दोषहरूको वर्णन गर्नु निन्दा-चुक्ली अन्तर्गत पर्दछ।

काजीले भन्नुभएको छ: "हदीसमा मजज (मिश्रण) शब्दको अर्थ अर्को वस्तु थपेर मिसाउनु र परिवर्तन गर्नु हो। यसको अर्थ यो हो कि यदि यो निन्दा, छुल्याइँ वा चुक्ली समुद्रको पानीमा मिसाउन मिल्ने कुनै चिज हुन्थ्यो भने, समुद्रको पानी त्यति विशाल र प्रचुर मात्रामा हुँदाहुँदै पनि यसले त्यसको अवस्था बदलिदिने थियो। जब यसले अथाह सागरलाई त परिवर्तन गर्न सक्छ भने, मानिसका ती थोरै असल कर्महरूको के अवस्था होला, जसमा यो पाप मिश्रित भइसकेको छ?"

यस हदीसमा स्वास्नीहरूबीच हुने ईर्ष्या बारे वर्णन गरिएको छ।

उहाँ (सल्लल्लाहु अलैहि वसल्लम) ले गलत कार्यलाई कहिल्यै स्वीकृति दिनुभएन।

अल्लाहको प्रसन्नता र उहाँको असन्तुष्टिबाट बच्ने कुरासँग तुलना गर्दा, यसमा संसार र यसका सारा थोकहरू तुच्छ छन् भन्ने कुरा देखाइएको छ।