«Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum».
Yii a Ʋmm Habiiba nengẽ (Wẽnd yard be a yĩnga) sẽn yaa Nabiyaamã pagã (Wẽnd pʋʋsg la A tɩlgr be a yĩngɑ), a yeelame: m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) t'a yetẽ:
«Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum».
«مَنْ حَافَظَ عَلَى أَرْبَعِ رَكَعَاتٍ قَبْلَ الظُّهْرِ وَأَرْبَعٍ بَعْدَهَا حَرَّمَهُ اللَّهُ عَلَى النَّارِ».
Nabiyaamã (Wẽnd pʋʋsg la A tɩlgr be a yĩngɑ) kõo kibare, tɩ ned ning sẽn pʋʋs rakaar a naase taoor tɩ Zafar na n ka pʋʋse la rakaar a naase Zafarã poorẽ, la a kell n duum ne rẽ, Wẽnd gɩdgda Bugmã a zugu.
Yaa sẽn bʋ nonglem tɩ b gũus rakaar a naase Pʋʋsgo taoor tɩ Zafar na n ka ta, la rakaar a naase a loogr poorẽ.
Naafɩl tũnugds nins -sẽn rengd farilã-, b tara yãm-bedre, be a pʋgẽ: yaa sẽn na n seglg pʋʋsdã yõore, taoor t'a na n ka kẽ farilã pʋgẽ, la sã n yaa sẽn pʋʋsd farilã poorẽ wã, yã-bedr sẽn be a pʋgẽ: b yaa yẽdb ne faril-rãmbã kedsgo.
Naafl tũnugdsã, b tara yõod wʋsgo, sẽn yaa yel-sõmd paasgo la zũnuub-rãmb yaafgo, la dargε-rãmb zẽkre.
Zeng raoog sunnah-rãmb pʋleng wẽng la pʋleng sõng hadiis-rãmbã pʋgẽ sẽn wõnd wala yãwã: b rɩkd-a lame tɩ yaa nedã sẽn na n maan kaalem Wẽn-yembg zugu, la raabã me yaa t'a ka na n duum Bugmã pʋgẽ ye, bala ned ning sẽn wa n tʋg n maan zũnuub tʋʋmde, n be Wẽn-yembgẽ wã, a sõmba ne sɩbgre, la a ka na n duum Bugmã pʋgẽ tɩ b sã n na n wa nams-a.
Sunan Abɩɩ Daawʋʋd (2/ 448) (1269).
Sunan At-tirmiiziy (1/ 452) (428).
Sunan An-nasaa'ɩy (3/ 265) (1816).
Sunan ɭbn Maaǧa (2/ 238) (1160).
Musnad Ahmad (44/ 358) (26772).
Pɑɑgã (4)
سبل السلام شرح بلوغ المرام.
لمحمد الصنعاني (1/ 336).
توضيح الأحكام مِن بلوغ المرام.
لعبد الله البسام (2/ 381).