ഉംറ ഉദ്ദേശിച്ച് കൊണ്ട് ഒരു സ്ത്രീ ഇഹ്റാം കെട്ടി; മക്കയിലേക്ക് എത്തിയതിന് ശേഷം അവർക്ക് ആർത്തവം ആരംഭിച്ചു. അവളോടൊപ്പമുള്ള പുരുഷനെ സംബന്ധിച്ചിടത്തോളം അദ്ദേഹത്തിന് പെട്ടെന്ന് തന്നെ നാട്ടിലേക്ക് തിരിച്ചു പോവുക എന്നത് വളരെ അനിവാര്യമാണ്. മക്കയിൽ അവൾക്ക് ബന്ധുക്കളാരുമില്ല താനും. ഈ സന്ദർഭത്തിലുള്ള വിധി എന്താണ്?
السؤال
ചോദ്യം 1:
ഉംറ ഉദ്ദേശിച്ച് കൊണ്ട് ഒരു സ്ത്രീ ഇഹ്റാം കെട്ടി; മക്കയിലേക്ക് എത്തിയതിന് ശേഷം അവർക്ക് ആർത്തവം ആരംഭിച്ചു. അവളോടൊപ്പമുള്ള പുരുഷനെ സംബന്ധിച്ചിടത്തോളം അദ്ദേഹത്തിന് പെട്ടെന്ന് തന്നെ നാട്ടിലേക്ക് തിരിച്ചു പോവുക എന്നത് വളരെ അനിവാര്യമാണ്. മക്കയിൽ അവൾക്ക് ബന്ധുക്കളാരുമില്ല താനും. ഈ സന്ദർഭത്തിലുള്ള വിധി എന്താണ്?
س49: قدمت امرأةٌ محرمةً بعمرةٍ، وبعد وصولها إلى مكة حاضت، ومحرمها مضطرٌّ إلى السفر فورًا، وليس لها أحدٌ بمكة، فما الحكم؟
الجواب
ഉത്തരം:
അവൾ തൻ്റെ ഒപ്പമുള്ള മഹ്റമായ പുരുഷനോടൊപ്പം യാത്ര ചെയ്യുകയും, അവളുടെ ഇഹ്റാമിൽ തന്നെ തുടരുകയും, ശുദ്ധിയായതിന് ശേഷം മക്കയിലേക്ക് തിരിച്ചു വന്ന് ഉംറ നിർവ്വഹിക്കുകയും ചെയ്യട്ടെ. ചോദ്യകർത്താവ് സഊദി അറേബ്യയിലാണ് എങ്കിൽ ഈ പറഞ്ഞ രൂപത്തിലാണ് ചെയ്യേണ്ടത്. കാരണം മക്കയിലേക്ക് മടങ്ങി വരുക എന്നത് അവർക്ക് പ്രയാസകരമായ കാര്യമല്ല. അതിനായി പ്രത്യേകം വിസയോ മറ്റോ എടുക്കേണ്ടതുമില്ല.
എന്നാൽ വിദേശത്ത് നിന്നുള്ള വനിതയാണ് ചോദ്യകർത്താവ് എങ്കിൽ... അവർക്ക് മക്കയിലേക്ക് തിരിച്ചെത്തുക എന്നത് പ്രയാസകരമാണെങ്കിൽ... അവർ ആർത്തവ രക്തം പുറത്തു വരാത്ത വിധം (വസ്ത്രമോ പാഡോ കൊണ്ട്) ശരിയായി സൂക്ഷിക്കുകയും, ത്വവാഫും സഅ്'യും ചെയ്ത ശേഷം മുടി അൽപം മുറിക്കുകയും, അങ്ങനെ ഈ യാത്രയിൽ തന്നെ ഉംറ പൂർത്തീകരിക്കുകയും ചെയ്യട്ടെ. കാരണം അനിവാര്യമായ ഒരു സാഹചര്യമാണ് അവളെ സംബന്ധിച്ചിടത്തോളം മുന്നിലുള്ളത്; നിഷിദ്ധമായ കാര്യങ്ങൾ അനിവാര്യ സാഹചര്യങ്ങളിൽ അനുവദിക്കപ്പെടാറുണ്ട്.
ﺟ49: تسافر معه، وتبقى على إحرامها، ثم ترجع إذا طهرت، وهذا إذا كانت في المملكة؛ لأن الرّجوع سهلٌ، ولا يحتاج إلى تعبٍ، ولا إلى جواز سفرٍ ونحوه.
أمّا إذا كانت أجنبيةً، ويشقّ عليها الرّجوع، فإنها تتحفظ، وتطوف، وتسعى، وتقصّر، وتنهي عمرتها في نفس السفر؛ لأن طوافها حينئذٍ صار ضرورةً، والضرورة تبيح المحظور.