കഴിഞ്ഞ വർഷത്തെ റമദാനിലെ നഷ്ടപ്പെട്ട നോമ്പുകൾ നോറ്റുവീട്ടാതെ അടുത്ത റമദാനിലേക്ക് പ്രവേശിക്കുന്ന ചില സ്ത്രീകളുണ്ട്; അവരുടെ മേലുള്ള ബാധ്യത എന്താണ്?
السؤال
ചോദ്യം 1:
കഴിഞ്ഞ വർഷത്തെ റമദാനിലെ നഷ്ടപ്പെട്ട നോമ്പുകൾ നോറ്റുവീട്ടാതെ അടുത്ത റമദാനിലേക്ക് പ്രവേശിക്കുന്ന ചില സ്ത്രീകളുണ്ട്; അവരുടെ മേലുള്ള ബാധ്യത എന്താണ്?
س20: بعض النّساء يدخل عليهن رمضان الثاني وهن لم يصمن أيامًا من رمضان السابق، فما الواجب عليهن؟
الجواب
ഉത്തരം:
അവർ അല്ലാഹുവിനോട് നിർബന്ധമായും പശ്ചാത്തപിച്ചു മടങ്ങേണ്ടതുണ്ട്. കാരണം റമദാനിലെ നഷ്ടമായ നോമ്പുകൾ -പ്രത്യേകിച്ചൊരു ഒഴിവുകഴിവുമില്ലാതെ- നോറ്റുവീട്ടാതിരിക്കുകയും, അടുത്ത റമദാൻ വരെ അത് വൈകിപ്പിക്കുകയും ചെയ്യുക എന്നത് അനുവദനീയമല്ല. കാരണം ആഇശാ -رَضِيَ اللَّهُ عَنْهَا- പറഞ്ഞതായി കാണാം: "എൻ്റെ മേൽ നോറ്റുവീട്ടാനുള്ള നോമ്പുകൾ ഉണ്ടാകാറുണ്ടായിരുന്നു; ശഅ്ബാൻ വന്നെത്തിയാലല്ലാതെ എനിക്ക് അത് നോറ്റുവീട്ടാൻ സാധിക്കാറുണ്ടായിരുന്നില്ല."
(റമദാനിന് തൊട്ടുമുൻപുള്ള മാസമായ ശഅ്ബാനിൽ നോമ്പ് നോറ്റുവീട്ടാൻ ആഇശ -رَضِيَ اللَّهُ عَنْهَا- ശ്രദ്ധിക്കാറുണ്ടായിരുന്നു എന്ന് പറഞ്ഞതിൽ നിന്ന്) ഒരു വർഷത്തെ റമദാനിൽ നഷ്ടമായ നോമ്പുകൾ അടുത്ത റമദാൻ വന്നെത്തുന്നത് വരെ വൈകിപ്പിക്കാൻ പാടില്ല എന്ന് മനസ്സിലാക്കാം. അതിനാൽ താൻ ചെയ്ത തെറ്റിൽ നിന്ന് അവൾ അല്ലാഹുവിലേക്ക് പശ്ചാത്തപിച്ചു മടങ്ങട്ടെ. കഴിഞ്ഞ റമദാനിൽ നഷ്ടപ്പെട്ട നോമ്പുകൾ (റമദാൻ പ്രവേശിച്ചു കഴിഞ്ഞതിനാൽ) അടുത്ത റമദാനിന് ശേഷം അവൾ നോറ്റുവീട്ടുകയും ചെയ്യട്ടെ.
جـ20: الواجب عليهن: التوبة إلى الله من هذا العمل؛ لأنه لا يجوز لـمن عليه قضاء رمضان أن يؤخّره إلى رمضان الثاني بلا عذرٍ؛ لقول عائشة رضي الله عنها:
«كَانَ يَكُونُ عَلَيَّ الصَّوْمُ مِنْ رَمَضَانَ، فَمَا أَسْتَطِيعُ أَنْ أَقْضِيَهُ إِلَّا فِي شَعْبَانَ».
وهذا يدلّ على أنه لا يمكن تأخيره إلى ما بعد رمضان الثاني، فعليها أن تتوب إلى الله عز وجل مما صنعت، وأن تقضي الأيام التي تركتها بعد رمضان الثّاني.