القَمَر

Ngonga epusani mpe sanza epasuki.

Mpe soki bamoni elembo bazali koboya mpe balobi ete: Oyo ezali bonganga ya makasi.

Mpe baboyi kondima balandi makambo na bango moko, nzoka nde likambo nyoso lizali na suka na yango.

Mpe basango bisilaki koyela bango, basango ya kopekisa bango (mabe),

Wana ezali bwanya (bolamu), kasi makebisi esali bango eloko te.

Mitiya mosika na bango, mokolo oyo mobengi akobengaka epai (ya likambo) linene.

Bakobima na malita bilongi ya kokitisama, bakopanzana lokola bamakonko.

Bakokamata bango kokende mbangu epai ya molobeli, bapagano bakoloba ete: Oyo ezali mokolo ya mpasi mpe mindondo.

Bato ya Nûh bagangaki na lokuta liboso na bango, baboyaki kondimela mowumbu na biso mpe balobaki ete: Oyo azali ligboma mpe bamitiaki mosika naye.

Abengaki Nkolo wa ye (alobi): Ya soló nazali na bokoki te, sunga ngai (na bokasi bwa yo)

Мре tofungolaki bizibeli ya likolo mayi ebele.

Мре topanzaki mabele na miluka mpe mayi makutanaki na mobeko oyo etiyamaki.

Mpe tomemaki ye na mabaya na sete oyo esalaki masuwa.

Etambolaki na miso na biso,mpe tofutaki baye baboyaki kondima mbano na bango.

Mpe totikaki yango ezala elembo, boye moto azali kaka kokanisa te?

Lolenge nini etumbu na makebisi na ngai ezalaki?

Mpe tosilaki kotia kurani ezala pete na bokundoli, boye ezali na moto oyo akoki kokanisa?

Ba Aad, baboyaki kondimela (bantoma na bango), boye etumbu na makebisi na ngai ezalaki boni?

Ya soló, totindelaki bango mopepe ya makasi koleka ya kozongelama.

Ezali kopikola bato lokola biteni ya nagh’l1 oyo bapikoli.

Boye etumbu na makebisi na ngai ezalaki boni?

Мре tosilaki kotiya kurani ezala pete na bokundoli, boye ezali na moto oyo akoki kokanisa?

Ba Thamúd baboyaki kondimela makebisi.

Mpe balobaki: Tolanda sé moto moko okati na biso? Noki te tokobunga mpe tokokweya na mabe.

Boye baponaki ntoma sé ye kati na biso nyoso? Te; azali sé moto ya lokuta mpe lolendo monene.

Bakoyebaka lobi: Nani atondi na lokuta mpe lolendo.

Ya sólo, totindelaki bango náqah1 lokola ekamwiseli mpe komekama, kengele bango mpe kanga motema.

Mpe yebisa bango été mayi ekabuani na biteni mibale kati na bango, bakozala na ntango na bango ya komela, ye mpe na ngonga naye.

Мре babengaki moninga na bango azui mbeli babomi ye mpe basasi ye.

Boye etumbu na makebisi na ngai ezalaki boni?

Ya soló, totindelaki bango bogangi moko, mpe bango wana bakomi lokola banzete ekawuka.

Mpe tosilaki kotiya kurani ezala pete тропа bokundoli, boye moto azali te тропа kokanisa?

Bato ya Loth baboyaki kondimela makebisi.

Ya sólo, totindelaki bango mopepe ya makasijongola sé libota lia Loth liye tobikisaki ye yambo tongo etana.

Na bolamu kowuta epai na biso. Lolenge wana nde tofutaka oyo azali kotondo (Allah)

Mpe asilaki kokebisa bango тропа etumbu na biso, kasi bazangaki kondimela makebisi.

Mpe balingaki kokweisa bapaya naye, kasi tokangaki miso na bango, bomeka etumbu na ngai na makebisi na ngai.

Мре etumbu ya makasi ezuaki bango na ntongo.

Bomeka etumbu na ngai mpe makebisi na ngai.

Mpe totiyaki kurani ezala pete тропа bokundoli,boye ezali na moto te ya kokanisa?

Mpe ya soló, makebisi makomelaka bato ya falo.

Baboyaki kondima na bilembo bia biso nionso, mpe tozuaki bango na bozwi ya oyo azali na nguya atonda makoki.

Boye bapengwi na bino bazali malamu koleka ba oyo kuna? То ezali na eloko ya kobatela bino okati ya makomi?

Bazali koloba: Tozali lisanga (makasi) tokolonga.

Lisanga na bango ekopanzana mpe bakokima.

Ngonga moko ya mpamba nde elaka na bango, mpe yango ezali nsomo mpe bololo.

Ya soló batomboki bazali na libungi mpe na kati ya moto.

Mokolo oyo bakobendamaka na bilongi na bango okati ya moto, bomeka etumbu ya lifelo.

Ya soló, tokelaki biloko binso na bokoki.

Mpe mitindo mia biso mizalaka sé liloba moko, ezali sé lokola kobuka liso.

Mpe tosilaki koboma bato liboso lokola bino, boye ezali na moto yakokanisa te?

Mpe biloko binso biye bisalama bisila kokomama kati na (buku)

( Biloko) nyoso, ezala ya moke to ya monene ekomama.

Ya sólo, babangi (Allah) bakozalaka na kati ya lola mpe mpene ya mingala ezali koleka na nsé na yango.

Mpe esika ya bosembo yakofanda pene na mokonzi wa bokoki (Allah).