النَّازعَات

سوێند بەو فریشتانەی کە گیانی کافران(لە لەشیان) بە سەختی دەردەھێنن

وە بەو فریشتانەی کە گیانی باوەڕداران بە ئاسانی دەردەهێنن

وە سوێند بەو فریشتانەی کە خێرا فەرمانی خوا جێ بەجێ دەکەن

وە سوێند بەو فریشتانەی کە پێشبڕكێ دەکەن (لە بەجێهێنانی فەرماندا)

وە سوێند بەو فریشتانەی کە تەگبیری کاروبار دەکەن (واتە سوێند بەمانە ئەوەی بەڵێنتان پێدراوە دێتە دی)

ڕۆژێکە بومەلەرزە زەوی دەلەرزێنێ

بومەلەرزەیەکی تریشی بەدوایدا دێت، مردووان زیندوو دەبنەوە

زۆر دڵ لەو ڕۆژەدا دەلەرزێت

چاویان سەر بەرەو ژێر دەبێت

(ئەمڕۆ بەگاڵتەوە) دەڵێن ئاخۆ ئێمە(لە پاش مردن) دەگەڕێنرێینەوە بۆ ژیانی پێشوو؟

ئایا کە بووین بە ئێسقانی ڕزییو (چۆن زیندوو دەبینەوە)

ووتیان ئائەوە ئەگەر وابێت گەڕانەوەیەکی بەزیانە

بێگومان ئەو زیندوو بوونەوەیە ھەر یەك نەعرەتەیە

ئیتر کتوپڕ وان لە دەشتێکی سپی کاکی بە کاکیدا

ئایا داستانی مووسات پێ گەیشتووە

کاتێك کە پەروەردگاری بانگی کرد لەشیووی پیرۆزی طوا وە

(پێی ووت) بڕۆ بۆ لای فیرعەون(چونکە) بەڕاستی یاخیی بووە

وە پێی بڵێ: ئایا دەتەوێ پاك ببیتەوە (لە گوناە)

وە ڕێت نیشاندەم بۆ(ناسینی) پەروەردگارت تا لێی بترسییت

ئەمجا نیشانە ھەرە گەورەکەی نیشان دا (گۆچان لەگەڵ دەستە سپیەکەی)

کەچی بە درۆی زانی وسەرپێچی کرد

لە پاشان پشتی ھەڵکرد وڕۆی بەپەلە

ئەمجا(جادوو گەرانی) کۆکردەوە وبانگی کردن

پاشان ووتی: من پەروەردگاری ھەرە گەورەتانم

ئەمجا خوا گرفتاری کرد بە سزای ھەردوو جیھان

بەڕاستی لەم داستانەدا پەند ھەیە بۆ کەسێك لەخوا بترسێت

ئایا دروستكردنی ئێوە گرانترە یان ئاسمان ؟ وە دروستیشی کرد

باڵای بەرز کردەوە وڕێکی خست

وە شەوی ئەوی تاریك کرد ودەریخست(ڕووناکی) ڕۆژی

لە پاشان زەوی ڕاخست

ئاو ولەوەڕگای لێ دەرھێنا

وە شاخەکانی پتەو دامەزراند

بۆ بەھرەمەندی وژیانی خۆتان وئاژەڵتان

ئەمجا کاتێك کە ڕووداوی گەورە ھات (کە ڕۆژی دواییە)

ئەو ڕۆژەی کە مرۆڤ کردەوەی خۆی تێدا بیر دەکەوێتەوە

وە دۆزەخ پیشاندرا بۆ ھەر کەسێك کە بڕوانێت

(لەو ڕۆژەدا چاکە وخراپە بەپێی کردەوە دابەش دەکرێت) ئەمجا ئەو کەسەی سەرکەش بووبێت

وە ژیانی دونیای ھەڵبژاردبێت

ئەوە بێ گومان دۆزەخ جێگایەتی

وە ئەو کەسەی کە ترسابێت لە وەستانی بەردەم پەروەردگاری بۆ لێپرسینەوە وە بەرگری نەفسی خۆی کردبێت لە ئارەزووی خراپە

ئەوە بێگومان بەھەشت جێگایەتی

(ئەو بێ باوەڕانە بەگاڵتە ولاقرتیەوە) پرسیارت لێ دەکەن دەربارەی ڕۆژی دوایی کەی دەبێت وکەی دێت

تۆ چیت داوە لە بیر لێکردنەوەی ( تۆ چۆن لەم بارەوە دەدوێی)؟

زانینی ئەوە ھەر لای پەروەردگارتە

بێگومان تۆ ھەر ترسێنەری کەسێکیت کە لەو ڕۆژە بترسێت

بێ بڕواکان کە ئەو ڕۆژە دەبینن وا دەزانن کە نەماونەتەوە ئێوارەیەك یا چێشتەنگاوێ نەبێت لە دونیادا