حاطب بن أبي بلتعة اللخمي
الإسم
حاطبێ كوڕێ ئهبو بهلتهعهیێ لوخهمی
اسم الشهرة
حاطبێ كوڕێ ئهبو بهلتهعهی
نبذة مختصرة
حاطبێ كوڕێ ئهبو بهلتهعهیێ كوڕێ عهمرێ كوڕێ عومهیرێ كوڕێ سهلهمهیێ لهخمی، ههڤپهیمانێ بهنی ئهسهدێ كوڕێ عهبدولعوززایه، دیرۆكڤان ل سهر هندێ د ئێكدهنگن كو وی پشكداری د بهدرێدا كرییه و د سوننهتێدا هاتییه كو عهبدهكێ حاطبێ کوڕێ ئەبو بەلتەعەی هات و گازنده ژ حاطبی كرن و گۆت: ئهی پێغهمبهرێ خودێ، حاطب دێ چیته د ئاگریدا. پێغهمبهری گۆت: ((نهخێر؛ چونكی وی پشكداری د بهدرێ و حودهیبییێدا كرییه)). حاطبی گۆت: ب خودێ ژ ڕۆژا ئهز موسلمان بوویم؛ خۆ جارهكێ ئهز دوودل نهبوویمه، بهلێ ئهز زهلامهكێ غهریب بووم و من ل مهكههێ كوڕ و برا ههبوون. ئهڤه وهكی داخوازا لێبوورینێ گۆت ژ بهر وێ نامهیا خۆ یا بۆ خهلكێ مهكههێ هنارتی كو تێدا ئهو ئاگههدار كرن كو پێغهمبهرێ خودێ (صهلات و سهلامێن خودێ ل سهر بن) دێ هێرشێ كهته سهر وان، ئهڤ گۆتنا خودێ ژی ل دۆر وی هاته خوارێ: ((يا أَيُّهَا الَّذِينَ آمَنُوا لا تَتَّخِذُوا عَدُوِّي وَعَدُوَّكُمْ أَوْلِياءَ))، ئانكو: ((ئهی ئهوێن ههوه باوهرى ئینای؛ دوژمنێ من و دوژمنێ خۆ نهكهنه ههڤال...)) ههتا دویماهیكا ئایهتێ. ل سالا (30)ـێ مشهختی وهغهر كر.