أويس بن عامر بن جزء بن مالك القرني
الإسم
ئوهیسێ كوڕێ عامرێ كوڕێ جوزئێ كوڕێ مالكێ قهڕهنی
اسم الشهرة
ئوهیسێ قهڕهنی
نبذة مختصرة
ئهبو عهمر، ئوهیسێ كوڕێ عامرێ كوڕێ جوزئێ كوڕێ مالكێ قهڕهنی، تابعییهكێ مهزنه، ژ مهزن و سهروهرێن تابعییانه، ئێك ژ خودێنیاس و خودێپهرێسێن ههره پێشه، بنیات و ڕهچهلهكێ وی ژ یهمهنێیه، د ژیانا پێغهمبهرێ خودێ (صهلات و سهلامێن خودێ ل سهر بن)ـدا ژیایه، بهلێ ئهو نهدیتییه، پشتی هنگی هاته دهڤ عومهرێ كوڕێ خهطابی (خودێ ژێ ڕازی بیت)، پاشی ل كوفه ئاكنجی بوو. بنهجھبوویه كو ئهو ژ باشترین تابعییانه، وهكی ژ ئهسیرێ كوڕێ جابری هاتییه ڤهگوهاستن كو گۆتییه: دهمێ پشتهڤانییێن خهلكێ یهمهنێ دهاتنه دهڤ عومهرێ كوڕێ خهطابی (خودێ ژێ ڕازی بیت) - ئانكو ئهو لهشكهرێ هاریكارییا لهشكهرێن ئیسلامێ دكر-، وی پرسیار ژێ دكر: ئهرێ ئوهیسێ كوڕێ عامری د ناڤ ههوه دایه؟ ههتا گههشتییه دیدارا ئوهیسی و گۆتییێ: تۆ ئوهیسێ كوڕێ عامری؟ گۆت: بهلێ. گۆت: ژ مراد و پاشی ژ قهڕهن؟ گۆت: بهلێ. گۆت: ته نهخۆشییا بهلهكییێ ههبوو و تۆ ژێ ساخبووی، ب تنێ جهێ دهرههمهكى نهبیت؟ گۆت: بهلێ. گۆت: ته دایك ههیه؟ گۆت: بهلێ. گۆت من گوهـ ل پێغهمبهرێ خودێ (صهلات و سهلامێن خودێ ل سهر بن) بوویه دبێژیت: «دێ ئوهیسێ كوڕێ عامری د گهل هاریكارییێن خهلكێ یهمهنێ هێته دهڤ ههوه، ژ مراده، پاشی ژ قهڕهن، نهخۆشییا بهلهكییێ لێ بوو و ژێ ساخبوویه، ب تنێ جهێ دهرههمهكى نهبیت، دایكهكا ههی كو ئهو گهلهك قهنجی و باشییێ د گهل دكهت، ئهگهر سویندێ ب خودێ بخۆت دێ خودێ سویندا وی ب جهـئینیت، ئهگهر ته شیا داخوازێ ژ وی بكهی بۆ ته دوعایێن گونههـ ژێبرنێ ژ خودێ بكهت؛ وه بكه». گۆت: بۆ من دوعایێن ژێبرنا گونههان ژ خودێ بكه. وی ژی دوعا بۆ كرن. عومهری گۆتێ: ته دڤێت بچییه كیڤه؟ گۆت: كوفه. گۆت: ئهرێ نامهیهكێ بۆ والییێ وێ بنڤیسم؟ گۆت: ئهز د ناڤ خهلكێ ههژار و نهدیاردا بم بۆ من خۆشتره. دبێژیت: دهمێ سالا پاشتر هاتی، زهلامهك ژ مهزنێن وان یێن حهج كرین هاته دهڤ عومهری، وی ژی پرسیارا ئوهیسی ژێ كر، گۆت: ئهز هاتم و من ئهو هێلا، مالا وی یا كهڤن بوو و كهلوپهلێن وی د كێم بوون. عومهری گۆت: من گوهـ ل پێغهمبهرێ خودێ (صهلات و سهلامێن خودێ ل سهر بن) بوویه دبێژیت: « دێ ئوهیسێ كوڕێ عامری د گهل هاریكارییێن خهلكێ یهمهنێ هێته دهڤ ههوه، ژ مراده، پاشی ژ قهڕهن، نهخۆشییا بهلهكییێ لێ بوو و ژێ ساخبوویه، ب تنێ جهێ دهرههمهكى نهبیت، دایكهكا ههی كو ئهو گهلهك قهنجی و باشییێ د گهل دكهت، ئهگهر سویندێ ب خودێ بخۆت دێ خودێ سویندا وی ب جهئینیت، ئهگهر ته شیا داخوازێ ژ وی بكهی بۆ ته دوعایێن گونههـ ژێبرنێ ژ خودێ بكهت؛ وه بكه». ئهو زهلام چوو دهڤ ئوهیسی و گۆتێ: بۆ من دوعایێن گونهھ ژێبرنێ ژ خودێ بكه. گۆت: تۆ ژ نوی یێ ژ گهشتهكا باش زڤڕی، تۆ بۆ من دوعایێن گونهھ ژێبرنێ ژ خودێ بكه. گۆت: بۆ من دوعایێن گونهھ ژێبرنێ ژ خودێ بكه. گۆت: تۆ ژ نوی یێ ژ گهشتهكا باش زڤڕی، تۆ بۆ من دوعایێن گونهھ ژێبرنێ ژ خودێ بكه. گۆت: تۆ گههشتییه عومهری؟ گۆت: بهلێ. وی ژی دوعایێن گونهھ ژێبرنێ ژ خودێ كرن. خهلكی ژی ئهو نیاسی، پشتی هنگی ل دویڤ سهرێ خۆ چوو. ئهسیر دبێژیت: من كوركهك (جلكهكێ یهمهنییه) كره بهر، ڤێجا ههر كهسێ ئهو ددیت دگۆت: ئوهیسی ئهڤ كوركه ژ كیڤه ئینایه (ژ بهر كو گهلهكێ ب تهقوا و زاهد بوو و پشتا خۆ دابوو دونیایێ)؟ ل سالا (37)ـێ مشهختی وهغهر كر.