من و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه د ئامانه‌كێ ئاڤێدا سه‌رێ خۆ دشویشت، د ده‌مه‌كیدا ئه‌م هه‌ردوو ب جه‌نابه‌ت بووین، و وی فه‌رمان ل من دكر ئه‌ز جلكه‌كی ل ناڤته‌نگا خۆ گرێده‌م، پاشی قه‌ستا من دكر، د ده‌مه‌كیدا ئه‌ز د زڤڕۆكا هه‌یڤانه‌دا بووم
عائیشایا دایكا باوه‌رداران (خودێ ژێ ڕازی بیت) دبێژیت:
من و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه د ئامانه‌كێ ئاڤێدا سه‌رێ خۆ دشویشت، د ده‌مه‌كیدا ئه‌م هه‌ردوو ب جه‌نابه‌ت بووین، و وی فه‌رمان ل من دكر ئه‌ز جلكه‌كی ل ناڤته‌نگا خۆ گرێده‌م، پاشی قه‌ستا من دكر، د ده‌مه‌كیدا ئه‌ز د زڤڕۆكا هه‌یڤانه‌دا بووم، و وی سه‌رێ خۆ دئینا ده‌رێ بۆ ده‌ڤ من، د ده‌مه‌كیدا ئه‌و د ئیعتیكافێدا بوو و من سه‌رێ وی دشویشت و ئه‌ز د زڤڕۆكا هه‌یڤانەدا بووم.
كُنْتُ أَغْتَسِلُ أَنَا وَالنَّبِيُّ صَلَّى اللهُ عَلَيْهِ وَسَلَّمَ مِنْ إِنَاءٍ وَاحِدٍ كِلاَنَا جُنُبٌ، وَكَانَ يَأْمُرُنِي، فَأَتَّزِرُ، فَيُبَاشِرُنِي وَأَنَا حَائِضٌ، وَكَانَ يُخْرِجُ رَأْسَهُ إِلَيَّ وَهُوَ مُعْتَكِفٌ فَأَغْسِلُهُ وَأَنَا حَائِضٌ.
عائیشایا دایكا باوه‌رداران (خودێ ژێ ڕازی بیت) به‌حسێ هنده‌ك ڕه‌وشێن تایبه‌ت یێن د ناڤبه‌را وێ و پێغه‌مبه‌ریدا (صه‌لات و سه‌لامێن خودێ ل سه‌ر بن) دكه‌ت، ژ وان ژی: وێ و پێغه‌مبه‌ری (صه‌لات و سه‌لامێن خودێ ل سه‌ر بن) پێكڤه د ئامانه‌كێ ئاڤێدا سه‌رێ خۆ ژ به‌ر جه‌نابه‌تێ دشویشت، ڤێجا هه‌ردووكان ژ وی ئامانی ئاڤ ڕادكر. و ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) ڤیابا نێزیكی وێ ببیت و ئه‌و د زڤڕۆكا هه‌یڤانه‌دابا؛ فه‌رمان ل وێ دكر كو ناڤته‌نگا خۆ د ناڤبه‌را ناڤك و چۆكاندا ب نخێڤیت و ڤه‌شێریت، پاشی سه‌ره‌ده‌ری د گه‌ل دكر و نێزیكی وێ دبوو، ب تنێ جووتبوون نه‌بیت. هه‌روه‌سا پێغه‌مبه‌ری (صه‌لات و سه‌لامێن خودێ ل سه‌ر بن) د مزگه‌فتێڤه ئیعتیكاف دكر، ڤێجا سه‌رێ خۆ دئینا ژ ده‌رڤه‌ی مزگه‌فتێ دا كو عائیشا سه‌رێ وی بشۆت، د ده‌مه‌كیدا ئه‌و د مالا خۆڤه بوو و یا د زڤڕۆكا هه‌یڤانه‌دا بوو.
...:
دروستییا خۆشویشتنا ژن و مێران پێكڤه ژ ئێك ئامانێ ئاڤێ.
دروستییا سه‌ره‌ده‌ریكرن و نێزیكبوونێ د گه‌ل وێ ژنا د زڤڕۆكا هه‌یڤانه‌دا، ب تنێ جووتبوون نه‌بیت، و كو هه‌می له‌شێ وێ یێ پاقژه.
سوننه‌تبوونا لبه‌ركرنا جلكه‌كی ل ناڤته‌نگێ د وه‌ختێ نێزیكبوونا زه‌لامیدا.
ئه‌نجامدان و گرتنه‌به‌را وان ئه‌گه‌رێن ڕێگرییێ ژ كه‌فتنا د ناڤ حه‌رامكریاندا دكه‌ن.
ڕێگریكرن ل مانه‌ڤه‌یا وێ ژنا د زڤڕۆكا هه‌یڤانه‌دا د ناڤ مزگه‌فتێڤه.
دروستییا ده‌ستکرن و سه‌ره‌ده‌رییا وێ، ب تشتێن ته‌ڕ یان یێن هشك، و ژ وان ژی شویشتنا پرچێ و شه‌كرنا وێ.
ڕه‌وشتێ جوانێ پێغه‌مبه‌ری (صه‌لات و سه‌لامێن خودێ ل سه‌ر بن) د گه‌ل خێزانا وی.
(1/ 255) (319).
زێده‌تر (8)
صه‌حیحا بۆخاری (1/ 67) (299 - 301).
صه‌حیحا موسلمی (1/ 244) (297).
الإلمام بشرح عمدة الأحكام.
لإسماعيل الأنصاري (1/ 66).
تيسير العلام شرح عمدة الأحكام.
للبسام (ص79).
تنبيه الأفهام شرح عمدة الأحكام.
لابن عثيمين (1/ 76).