“បុគ្គលណាថែរក្សាលើការសឡាតបួនរ៉ក្អាត់មុនសឡាតហ្ស៊ូហូរ និងបួនរ៉ក្អាត់ក្រោយពីវា អល់ឡោះជាម្ចាស់នឹងដាក់បម្រាមរូបគេពីឋាននរក”។

ស៊ូណិតថែរក្សាលើការសឡាតស៊ូណិតបួនរ៉ក្អាត់មុនសឡាតហ្ស៊ូហូរ និងបួនរ៉ក្អាត់បន្ទាប់ពីសឡាតហ្ស៊ូហូរ

ស៊ូណិតរ៉វ៉ាតិបមុនសឡាតដែលជាកាតព្វកិច្ច មានបុព្វហេតុជាច្រើន ក្នុងចំណោមនោះ គឺដើម្បីជាការត្រៀមចិត្តមុនចូលដល់សឡាតដែលជាកាតព្វកិច្ច(សឡាតហ្វើរទូ)។ ចំណែកឯសឡាតស៊ូណិតក្រោយសឡាតដែលជាកាតព្វកិច្ចវិញ ក្នុងចំណោមបុព្វហេតុរបស់វា គឺជួយបំពេញកំហុសឆ្គងក្នុងសឡាតដែលជាកាតព្វកិច្ច។

ស៊ូណិតរ៉វ៉ាតិប គឺផ្តល់នូវផលប្រយោជន៍ជាច្រើន ក្នុងចំណោមនោះ គឺបង្កើននូវផលបុណ្យ ជម្រុះចោលនូវបាបកម្ម និងលើកឋានៈក្នុងឋានសួគ៌។