“បុគ្គលណាសូត្រមួយតួអក្សរនៃគម្ពីររបស់អល់ឡោះ(គម្ពីរគួរអាន) រូបគេនឹងទទួលបានផលបុណ្យមួយ ហើយផលបុណ្យមួយនេះ នឹងក្លាយទៅដប់

អំពី អាប់ទុលឡោះ ពិន ម៉ាស្អូទ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖

“បុគ្គលណាសូត្រមួយតួអក្សរនៃគម្ពីររបស់អល់ឡោះ(គម្ពីរគួរអាន) រូបគេនឹងទទួលបានផលបុណ្យមួយ ហើយផលបុណ្យមួយនេះ នឹងក្លាយទៅដប់។ ខ្ញុំមិនសំដៅថា “الم” (អាលីហ្វ ឡាម មីម) ជាអក្សរមួយតួនោះទេ។ ផ្ទុយទៅវិញ “អាលីហ្វ” គឺជាអក្សរមួយតួ “ឡាម” គឺជាអក្សរមួយតួ និង “មីម” ជាអក្សរមួយតួ”។

«مَنْ قَرَأَ حَرْفًا مِنْ كِتَابِ اللهِ فَلَهُ بِهِ حَسَنَةٌ، وَالْحَسَنَةُ بِعَشْرِ أَمْثَالِهَا، لَا أَقُولُ {الم} حَرْفٌ، وَلَكِنْ {أَلِفٌ} حَرْفٌ، وَ{لَامٌ} حَرْفٌ، وَ{مِيمٌ} حَرْفٌ».

រាយការណ៍ដោយ អាត់តៀរមីហ្ស៊ី
ហាទីស្ហហាសាន់
ពន្យល់

ណាពី ﷺ លោកបានប្រាប់ថា ជាការពិតណាស់ ជនមូស្លីមគ្រប់រូបដែលសូត្រមួយតួអក្សរនៃគម្ពីរគួរអាន នោះរូបគេនឹងទទួលបានផលបុណ្យមួយ ហើយផលបុណ្យមួយនេះ គេនឹងបង្កើនទ្វេដងដល់រូបគេដល់ទៅដប់ថែមទៀត។ ក្រោយមក ណាពី ﷺ លោកបញ្ជាក់បន្ថែមថា៖ ខ្ញុំមិនបាននិយាយថា៖ “الم” (អាលីហ្វ ឡាម មីម) ជាអក្សរមួយតួនោះទេ។ ផ្ទុយទៅវិញ “អាលីហ្វ” គឺជាអក្សរមួយតួ “ឡាម” គឺជាអក្សរមួយតួ និង “មីម” ជាអក្សរមួយតួ”។ ដូចនេះ គ្រាន់តែមួយពាក្យនេះ គេទទួលបានផលបុណ្យសាមសិប។

មេរៀនដែលទាញបានពីហាទីស្ហ

ជំរុញឲ្យបង្កើននូវការសូត្រគម្ពីរគួរអានឲ្យបានច្រើន។

សម្រាប់អ្នកដែលសូត្រគម្ពីរគួរអាន រាល់មួយតួអក្សរដែលរូបគេបានសូត្រវា គឺគេនឹងទទួលបានផលបុណ្យមួយដែលនឹងត្រូវកើនទ្វេរហូតដល់ដប់ផលបុណ្យថែមទៀត។

ភាពទូលំទូលាយនៃក្តីមេត្តារបស់អល់ឡោះជាម្ចាស់ និងក្តីសប្បុរសរបស់ទ្រង់ ដោយទ្រង់បង្កើននូវផលបុណ្យទ្វេដងដល់ខ្ញុំបម្រើទាំងឡាយរបស់ទ្រង់ ជាការប្រោសប្រទាន និងក្តីសប្បុរសអំពីទ្រង់។

ឧត្តមភាពនៃគម្ពីរគួរអានលើពាក្យសម្តីផ្សេងៗ ហើយការសូត្រវាចាត់ទុកជាការគោរពសក្ការៈ ពីព្រោះវាជាបន្ទូលរបស់អល់ឡោះជាម្ចាស់ដ៏មហាខ្ពង់ខ្ពស់។

ឯកសារយោង

ស៊ូណាន់ អាត់តៀរមីហ្ស៊ី (5/ 33) (2910).

បន្ថែមទៀត (8)

بهجة الناظرين شرح رياض الصالحين.

لسليم الهلالي (2/ 229).

سلسلة الأحاديث الصحيحة.

للألباني (7/ 970).

شرح رياض الصالحين.

لابن عثيمين (4/ 655).

نزهة المتقين شرح رياض الصالحين.

لمصطفى الخِن وغيره (1/ 742).

14 សៀវភៅ
បន្ថែមទៀត (14)
កាតទាំងអស់