Encyclopedia of Prophetic Hadiths

«Pi bon jou solèy la leve sou li, se jou Vandredi. Se nan jou sa a Adan te kreye, se nan jou sa a li te antre nan Paradi, epi se nan jou sa a tou yo te fè li soti ladan li, epi lafen dimond pap rive eksepte nan jou Vandredi.»

«Gen 5 aksyon ki nan nati moun (Al-Fitra): sikonsizyon, raze plim nan pati prive, taye moustach, koupe zong, ak rale plim anba bwa».

Te gen yon bedwen (Arab ki rete lwen nan dezè) ki te vin jwenn Pwofèt la (Lapè ak benediksyon Allah sou li), epi li dil: "Montrem yon zèv sim fè li map antre nan Paradi." Li reponn li: "Se pouw adore Allah san ou pa asosye anyen avèk li , se pouw akonpli priyè (Salat) obligatwa yo, se pouw bay charite (Zakat) ki preskri a, epi se pouw fè jèn nan mwa Ramadan an." Nonm nan di: "Mwen fè sèman sou Sila a ki gen nanm mwen nan men Li an, mwen pap ajoute okenn lòt bagay sou sa." Lèl vire do li poul ale, Pwofèt la (Lapè ak benediksyon Allah sou li) di: "Nenpòt moun ki ta kontan wè yon nonm pami abitan Paradi yo, se poul gade nonm sa a."

«Nenpòt moun ki fè sèman epi li di nan sèman li an: Sou non Al-Lat ak Al-Uzza, se pou li di: Pa gen okenn lòt dye ki merite adorasyon esepte Allah, epi nenpòt moun ki di zanmi li: Vini, an nou jwe aza, se pou li bay charite.»

Li te konn di Allahu Akbar (Allah se pi gran an) nan chak priyè, kit se priyè obligatwa yo oswa lòt yo, kit se nan mwa Ramadan oswa andeyòl. Li te konn di Allahu Akbar lèl kanpe (pou kòmanse), epil di Allahu Akbar lèl bese pou li bese tèt (Ruku'), epi l di: "Sami'Allahu liman hamidah" (Allah tande moun ki fè lwanj pou Li), epil di: "Rabbana wa lakal hamd" (Seyè nou an, pou ou lwanj la) anvan li pwostène. Epil di: "Allahu Akbar" lèl desann pou li pwostène, epil di Allahu Akbar lèl leve tèt li soti nan pwosternasyon an, epi l di Allahu Akbar lè l pwostène (ankò), epi l di Allahu Akbar lè l leve tèt li soti nan pwostènasyon an, epi li di Allahu Akbar lèl kanpe soti nan pozisyon chita aprè dezyèm inite a (rakat). Li te konn fè sa nan chak inite jiskaske li fini priyè a. Lè li fini, li te konn di: "Mwen fè sèman sou Sila a ki kenbe nanm mwen an, mwen se youn nan nou ki pi sanble ak fason Mesaje Allah a (ke lapè ak benediksyon Allah sou li) te konn lapriyè, jiskaske li te pati kite mond sa a."

«Jou Jijman an pap rive jouk yon moun pase bò tonb yon lòt moun epi li di: Mwen ta swete se mwen ki te nan plas li.»

Moun ki envite lòt moun nan yon bon chemen, lap jwenn menm rekonpans ak tout moun ki swiv li, san sa pa wete anyen nan rekonpans pa yo; epi moun ki envite lòt moun nan yon move chemen , lap pote menm peche ak tout moun ki swiv li, san sa pa wete anyen nan peche pa yo.

Lè Mesaje Allah a (se pou lapè ak benediksyon Allah sou li) te konn estènye, li te mete men li -oswa rad li- sou bouch li, epi li te bese -oubyen diminye- vwa li avèk li.