Encyclopedia of Prophetic Hadiths

«Anverite, Allah mande pou nou aji ak bon kè nan tout sa nap fè. Si nou gen pou nou touye (nan lagè), fèl ak bon jan fason. Si nap touye yon bèt (poun manje), fèl ak bon jan fason: se pou chak moun file kouto li byen file, epi se pou li fè bèt la pa soufri.»

« Allah Toupwisan an di: "Mwen pataje lapriyè a an 2 pati ant mwen menm ak sèvitè mwen an, e sèvitè mwen an ap jwenn sal mande a. Lè sèvitè a di: {Al-Hamdulillahi Rabbil 'alamin} (Lwanj pou Allah, Mèt tout linivè a), Allah di: Sèvitè mwen an fè lwanj pou mwen. Lè li di: {Ar-Rahmanir Rahim} (Toupwisan an, Toumizerikòdyè a), Allah di: Sèvitè mwen an rekonèt pèfeksyon mwen. Lè li di: {Maliki yawmid-din} (Mèt jou jijman an), Li di: Sèvitè mwen an glorifye mwen" epi yon fwa li te di: "Sèvitè mwen an remèt tout otorite nan men mwen", "Lè li di: {Iyyaka na'budu wa iyyaka nasta'in} (Se ou sèlman nou adore, epi se nan ou sèlman nou chèche èd), Li di: Sa a se ant mwen menm ak sèvitè mwen an, epi sèvitè mwen an ap jwenn sal mande a. Lè li di: {Ihdinas-siratal moustaqim, siratal ladzina an'amta 'alayhim, ghayril maghdoubi 'alayhim waladdallin} (Gide nou sou wout dwat la, wout moun ou te fè favè yo, pa wout moun ou fache kont yo a, ni wout moun ki egare yo), Li di: Sa a se pou sèvitè mwen an, epi sèvitè mwen an ap jwenn sa li mande a." »

«Anverite, Allah (ki Beni epi ki Egzalte) ap di abitan Paradi yo: "O abitan Paradi yo!" Yap reponn: "Men nou prezan, Seyè nou, nou devwe nèt nan sèvis Ou." Lap di: "Èske nou satisfè?" Yap reponn: "Poukisa pou nou pa ta satisfè alòske Ou ban nou sa Ou pa bay okenn nan kreyati Ou yo?" Lap di: "Map ban nou sa ki pi bon pase sa." Yo pral di: "O Seyè nou, epi kisa ki ka pi bon pase sa?" Lap di: "Mwen desann satisfaksyon Mwen sou nou, epi Mwen pap janm an kòlè kont nou ankò aprèsa pou toutan."»

Mwen te yon gason ki te konn gen anpil ekoulman (Mazi), epi mwen te wont poze Pwofèt la (Ke lapè ak benediksyon Allah sou li) kesyon akòz plas pitit fi li a (kòm madanm mwen). Se konsa, mwen te òdone Al-Miqdad bin Al-Aswad, epi li te pozel kesyon an. Li reponn: «Li dwe lave pati intim l epi li pran dlo (fè ablisyon)». Epi daprè rapò Al-Bukhari a, li te di: «Pran dlo (fè ablisyon) epi lave pati entim ou».

"Pwofèt la (ke lapè ak benediksyon Allah sou li) te pi timid pase yon jèn fi vyèj nan chanm li, epi lè li te wè yon bagay li pat renmen, nou te konn rekonèt sa nan figi li."

«Pou mwen di: Glwa pou Allah, Lwanj pou Allah, Pa gen okenn lòt dye ki merite adorasyon esepte Allah, epi Allah pi gran, sa pi dous nan kèm pase tout sa solèy la leve sou yo.

Gen yon Mesye avèg ki te vin bò kote Pwofèt la (ke benediksyon ak kè poze Allah sou li), epi li di: "O Mesaje Allah, mwen pa gen pèsonn pou mennen m nan moske a." Li te mande Mesaje Allah a (ke benediksyon ak kè poze Allah sou li) pèmisyon pou li priye lakay li. Pwofèt la te ba li pèmisyon an. Men, pandan gason an tap vire poul ale, Pwofèt la relel, epi li dil: "Èske w tande apèl pou priyè a (Azān lan)?" mesye an reponn: "Wi." Pwofèt la di li: "Enben, reponn li (ale nan moske a)."

Sètènman, Pwofèt la (ke lapè ak benediksyon Allah kouvri li) te konn leve 2 men li nan nivo zepòl li lè lap kòmanse lapriyè a, epi lè li tap di Allahou Akbar poul fè Woukou, ak lè li te leve tèt li sot nan Woukou a, li te leve 2 men li menm jan an tou, epi li te di: «Allah tande moun kap fè lwanj pou Li a, O Senyè nou, epi se pou Ou tout lwanj yo ye», epi li pat konn fè sa lè lap fè Soujoud.