<< ni mɔgɔ min bɔra kumakan labàtoli kɔnɔ ɲɛmɔgɔ kɔ, ka fara ka bɔ jàma la o kɔfɛ a fatura o kan, o fatura kodɔnbaliya dùngew ka fatucogo kan

Kira y'a bange an ye nɛɛma ni kisi b'a ye k'a fɔ ni min murutira ɲɛmɔgɔ ka yamaruyakan ma, ka silamɛjama bɛnnen fɔnkɔɲɔgɔnya minnu y'u kandi ɲɛmɔgɔ ma, a fatura o lahalayakan ka bɔ farali ni sɔsɔli la, o sàra kodɔnbaliya dùngew ka sàcogo kan, olu minnu tun tɛ u ka ɲɛmɔgɔ kumakan bàto wa u tun tɛ fàra jàma kan, o bila jamakulu faralenw de tun do u tun bɛ ɲɔgɔn kɛlɛ Wa kira ye kibaruyali kɛ nɛɛma ni kisi b'a ye k'a fɔ ni mɔgɔ min ye kɛlɛ kɛ jɔnjɔn dɔ kɔrɔ a tɛ tuɲa ni nkalon bɔ ɲɔgɔnna, a bɛ dimi ka kɛlɛ kɛ siya woloma n'a ka jamakulu dɔrɔn ne kama a tɛ kɛ diinɛ dɛmɛli kama, a bɛ kɛlɛ kɛ fɛn dɔ dɛmɛli kama k'a sɔrɔ a ma kɛ ni kodɔn ni faamuya ye, n'a sàra o sàcogola, a sàra kodɔnbaliya dùngew ka sàcogo la. Ani k'a fɔ ni mɔgɔ min bɔra a le mantɔw kama nɛɛma ni kisi b'a ye a b'a mɔgɔɲuman n'a cɛnnikɛla bɛɛ fàga, a màgo t'a ka kɛta la wa a màgo tɛ limaniyajɔn fàgali ɲankata la, wa a tɛ kàlifa matarafa ka bɔ kafirikàlifalenw na ani kotigiw a b'a bɔrɔtɔ, o ye jùrumukunbaba de ye, ni mɔgɔ min y'o kɛ o ni nìn ɲankata gɛlɛn n lahidu ka kan.