القَلَم

Nuun- (edde faxem Yalli yaaxige) Yalli Qhalam kee yaktube mari uktubbu haamal xiibite.

Atu Nabiyow ku Rabbi koh yecee niqmatih sabbatah cabuli akke waytaamal xiibite.

Kaadu diggah atu galtoy aggiriqqe sinni litoomul xiibite.

Kaadu diggah atu naba caalat maqaaneh bagul tantoomul xiibite.

Xayi waktit Nabiyow atu ablettooh, usun (koros kinnuk) ablelon.

Siinik cabulem kinni num abletton koo kinnik ken kinnim.

Diggah ku Rabbi usuk ixxigah yayse Rabbi kinni kay gitak makkooteh yan marat, kaadu usuk ixxigah yayse Rabbi kinni kay gital tirri iyyeeh kaal diggi iyye marat.

Toysa isi diinil diggi xicaay moggolin koo kee Qhuraan dirabboyse mara.

Kaadu Nabiyow atu usun faxe waanamak tu cabtaamal keenih xabbacowtek, usun kaadu koh xabbacoowaanam faxan.

Kaadu ummaan numuy xiiba maggoy bayoytah yanih yab moggolin.

Cami maggo numuy sitial hayah sinam fanal gexaah yangagayyeh yab moggolin.

Cinnaaneynay kayri celli haytam gibdi waasoh waasay caddok taturlih yaniy, dambi maggoh yab moggolin.

Koroosanni maggah Sorkocobbaxi как kafe numuy, tohuk lakal ilmoytah yani kinni.

Usuk a weelot kah weeloysimem, maali gaddaa kee xalay mangintah sabbata.

Ni-aayoota (Qhuraan kinnuk) kaal tankirriyime waqdi, ah naharsi marih hayyayyoona iyya anqasah.

Xayi uddurul (waktil) kate waa bedu kaak heenno sanal.

Diggah nanu makki mara qulul kee qabaarat niqiyyire bustaan mara kah niqiyyire innah, usun subci wakti kay caxammixu tumaleelak qellut yargiqoonu waanamah xiibiten waqdi.

Yalli faxek maxaccinnon.

Tokkel ku Rabbih kabuk usun xiinit anuk mire (girây kaa carrisse kinnuk) kaa mireh.

Tokkel usuk data gommod ceelak maacise.

Tokke sittah kayam kaayeenih maaciscn waqdi.

Sinni buqree kee sinni caxammixuh waqlal kuula каа yargaqu waah orbisa тага tekkeenik ittak iyyen.

Tokkel gexeenih, usun tutuc axcuk.

Ta saaku tumaleela bustaan siinil cule waytaama ittak axcuk.

Kuuleenih loowiteenimil dudda le mara sinni akka luk.

Tokkel usun sinni bustaan carareeh gombod yekkem yublen waqdi, diggaluk nanu baditneeh gitak hoxneh nan iyyen.

Usun Bustaan sinni bustaan kinnim yismiten waqdi: Wonna hinnay nanu kay kayrik baxaysite mara nekke, tumaleela cakkik как waasneemih sabbatah iyyen.

Keenik kas kee kayrih yayse num: siinik maxaccinniyoo, Yalla ma, saytunnossaanaa, Yalli saytunih itteenih, hinnay Yalli faxek itteenih?

Nanu ni Rabbi kaah yaguude saytunnoysiyyah kaa saytunnosna, diggah nanu ninni nafsi yudlume marah sugne tumaleela cakkik waasneemil.

Tokkel gari garut keenik yufkune sitta assacakkuk.

Booley nee gee finqaaw! Diggah nanu caddok tatre marah sugne, Yallih amri cinneeh tumaleela cakkik waasne waqdi.

Ni Rabbi nanu abneh nan umaanek kaal gacneemih sabbatah, tama bustaanak taysem nee ciggiilisele, diggaak nanu ninni Rabbik qafuu kee muxxo qaagitna.

Addunyâ digaalá Tónna. Diggah akeerâ digaalá wohuuk naba, usun woh yaaxige mara akkinnoonuy waasimak yenen.

Diggah Yallak meesita mari, sinni Rabbih xaqul waara niqmat elle yan jannoota Ion.

Tokkel muslimiin koros inna maay abna galtol? (mabna).

Маса litoonuu Mannal mekeltaanaa? muslimiin kee koros galtol missoowaanah ittaanamal.

Hinnak qaraanak oobe kitaabay elle barittaana litoonuu?

Diggah isin faxinnaanim addak как doorittoonuh.

Hinnak xagnittey xiibal siinih diggosneh iyya nellih litoonuu Qhiyaamah ayrô fanah, diggaluk isin sinnih faxxaanam mekeltaanamal?

Nabiyow! ken (koros kinnuk) esserey :woo meklay abiteeni geyoonu waanamah waas keenik yekke num miyyaay?

Hinnak Yallat agleytiitih yan maray usun iyyaanamah waas keenih yakkey faxaanamah ken cata maay Ion, toysa usun iyyaanamat numma yacee mara yekkeenik sinni agleytit baahoonay?

Qhiyaamah ayróy Yallî sarbay ni sarba ceele wayta tamballayu waytaah, sinam sujuud fanah edde seecimtay, koros sujuud edde abtam duude wayta.

Intiita keenik sabruuruttaah taqunxeeh iroh fayya tet haanam maduudaanaay xixxibaané kee qunxaané ken buulta Yallih digaalah gibdah, Nummah usun addunyal sugen waqdi sujuuduh seecimak sugen qaafiyatah nagay anuk, tokkel usun kaxxamariinoh sujuud abak ma suginnon.

Toysa Nabiyow ta Qhuraan dirabboysa maraa kee yoo sittah cab, usun kak aaxige waan gambik ken lagsennooh ken digaalennok.

Kaadu dago wakti (xokobbiseyyo), keenih abenno dambitte ossitaanamkeh diggaluk yi digaalá gibdih korosul.

Hinnak Nabiyow atu а farmoh gudduusiyyal galtó ken essertaah, usun woo galtoh magoyta elle tiqilsee mara yekkeenii kah aamine waanam?

Hinnak usun qellittem elle tan luucal macfuuzuy, qellittaamih ixxigay usun faxaanam как yaktubeeni maay Ion?

Toysa Nabiyow atu isi Rabbih meklal isbiraay, kullumti kataysah (Nabii Yuunus kinnuk) inna makkin naqabuu kee sabri sinnah, usuk isi Rabbih qoxxitit (kaxxa faxewaynaan kinnuk) kullumti bagih addat anuk seecc waqdi.

Kay Rabbih kabuk Racmat kaa eleele wannay, qambisimak yen kullumti baguk baaxok booxal usuk ilqime numuh anuk.

Tokkel kay Rabbi isi farmoh kaa dooreeh, meqe marih num kaa abe. (ambiyaa kee farmoytit kinnuk).

Nummah Nabiyow koroosite mari Qhuraan yaabbc waqdi, usun sinni intiitat Koo qawlusaanaah koo yankiseenim xayyossu haan koh Ion naqabuh, kaadu usuk diggah cabuli kok iyyan kuuxe waynaanah.

Usuk (Qhuraan kinnuk) ginoh (woh seehadaa kee jinni kinnuk) kassis akke waytek kalah tu hinna.