الطُّور

Yalli tuur deqsitta qalel xiibite. (woh Yalli Nabii Muusâ luk elle yaabe qale kinnuk).

Kaadu kitaabay yunkuttubel xiibite.

Woh Qhuraanay fiddiime waraakitih addal yani kinni.

Kaadu Qaraanal yan Qariy beytil maqmuur deqsitay malayka Yalla elle taqbudel xiibite.

Kaadu fayya heen Qaraanal (addunyâ Qaran kinnuk) xiibite.

Kaadu leek kiben badal xiibite.

Diggah Nabiyow ku Rabbih digaala korosul oobeleemil.

Hebeltoh (uli) iimiy tet waassa matan obta waqdi.

Woh qaran amooxiyyah yamooxeeh kaxxa angoyyih yangayye ayro (Qhiyaamah ayro kinnuk).

Kaadu qaleelá isi aracak kattaah gexoh gexxa ayro (Qhiyaamah ayro kinnuk). qubultinnah.

Too ayro farmoytit luk temeetem dirabboyse marah baatii kee finqi yan.

Woo mari usun deedalat giirisaah digra mara.

Tama mari gutqoh gutqumoonu waan ayró jahannam girâ fanah.

Ah teeti giray dirbboysak sugteeni keenik iyyan.

Tokkel ta tablen digaala baaba innaa hinnak isin ablewaytaanaa?

Isin gira culaay, tet niqna tammoysa, teetil tasbiroonu (coolaysittoonu) hinnay asbire waytoonu, siinil inki gide, cagalah isin elle galtimettoonum addunyal abak sugten uma taama.

Diggah Yallak meesita mari jannootaa kee niqmatitteh addal yanin.

Ken Rabbi kecnih yececmit ruffu axcuk (tassa axcuk) kaadu ken Rabbi ken reebiseeh naggoy seh jaciim deqsitta girah digaalak.

Akumaay, aquba rufto luk addunyal abak sugten meqe taamah galtoh.

Usun rooruh yan qaraakiiyih amol cusuulah anuk itta wagitak, kaadu ken rihmisneh (alkumusneh) curral qeyni deqsita agabul.

Kaadu Yallal yeemene maraa kee ken xayloy iimaanal ken katatte, ken xaylo ken eleelisneh, kaadu ken taamah gait ok tu keenik madaggoysinnino, ummaan num abba heemih yabbixsime.

Kaadu niqmatittek caxa mixuu kee cadok faxxa haanam keenih osisneh.

Jannat addal kamri kaaqon sittal tabaatabsan, kaat kas magexaay, uma maxcoo kee dambit ken maqida.

Kaadu keenit meekitah keenih taamituh massoysen urri, usun sibat dansime luulih inna Ion qaxah.

Kaadu jannatti marak mariiy mará fanah yafkune addunyal abak sugen taama sitta esserak.

Diggah nanu duma addunyal ninni marih addal Yallih digaalak meesita marah sugne iyyan.

Tokkel Yalli nee guneeh neh yemqeh tirri neeheemil, kaadu jahannam girah huurih digaalak nee naggoyseh.

Diggah nanu duma dubuk Yalla aqbudak sugne, diggah usuk meqe Rabbiiy, xuwaw li kinni.

Toysa Nabiyow fan как rubsumte mara ta Qhuraanal kassis, atu ku Rabbi koh abe niqmatal ginnili hinnitooy, cabuli hinnitok.

Hinnak ta koros qadarabey raba kah qamballa kok ittaa Nabiyow?

Yi raba qambaala keenik ixxic:diggah anu sin innaah sin finqa qambaala marat anik.

Hinnak ta koros ahal ken kas ken amrise innaa, hinnak usun umaanet caddok tatre maraay?

Hinnak Nabii Mucammad Qhuraan isih ginnaasiteeh bicsite iyyaanaa? Aleey, tonna hinna usun nummayse waana ikkal.

Toysa kaa (Qhuraan kinnuk) ceela yab baahoonay nummat yaaba mara yekkeenik.

Hinnak ta koros tu ken gine kal ginniimeeni innaa, hinnak usun sinni nafsi sinnih gine maraay Yalli ken gine kalah?

Hinnak usun qaranwaa kee baaxó gineeni innaa? Aleey, tonna hinna usun Yallih digaala asmite waanaah, Yallih inkittinaane nummayse waana ikkal.

Hinnak ku Rabbih kadnooni ken garil tani innaa, hinnak usun maysó-le maray sinam dirkisaay?

Hinnak qaran elle yawqen daragay (magaaray) malaykâ yab kee wacyi elle ankacsaana loonu innaa? Toysa keenik ankacise num baxxaqqa-le sumaq baahay.

Hinnak Yalli say xayló leeh, isin lab xaylo litoonuu? isin dirab kee ererih kah ittan innah.

Hinnak Nabiyow diini gudduysiyyal cawal ken (koros kinnuk) essertannaa?edde luk usun woo magoyta elle tingiddibeh tiqilsee maraay?

Hinnak usun qellittaamih ixxigay usun sinaamah как yaktubeeniih warsaana maay Ion?

Hinnak Nabiyow usun uma mala koh malsaanam faxaanaa? Tokkel koroosite mari, ken uma mala keenil taduure.

Hinnak Yallak kalah qibaada cakkisita Yallay yaqbudeeni loonu innaa? usun agleh kaat hayya haanamak Yalli saytunnooweh.

Kaadu ta koros qaran kitiifoonuh keenil oobah yableenimil digaalah, ittak bagul tan qamburre axcuk yenen.

Toysa ken cab Nabiyow ken ayróy (woh Qhiyaamah ayró) edde finqitoonu waanat ongoorowwu iyyaanam fanah.

Too ayró ken uma mala Yallih digaalak tu keenih ma xiqtaay, Yallih digaalak ken cattam matan.

Kaadu diggah isi nafsi koroosannut yudlume mari, Qhiyaamah ayroh digaalak naharat digaala Ion addunyal, kaadu kinnih immay keenik maggo mari woh mayaaxiga.

Kaadu Nabiyow ku Rabbih meklal isbir, diggah atu Ni dacayrih gubat tantooh koo nablehik, kaadu saytunnos ku Rabbi faylisak salaatah solta waqdi.

Kaadu barak tut ku Rabbi saytunnoysaay cutuk derre caba waqdi salat (subci salaatih wakti kinnuk), kaah ab.