الذَّاريَات

Yalli xiibiteh burtá fixiixisiyyah fixiixisa caacayal.

Kaadu kaxxam qilsi lee yakkuqe qambuurul xiibite.

Kaadu baddi bagul caalih gexa dawaanikil xiibite.

Kaadu Yallih amri ginô fanal keefiyta (kurta) malaykal xiibite.

Cagalah ta seehaday elle xagnisinteenim, ugut kee cisaabak akkelem asmat-le numma.

Kaadu diggah, abten taamoomik cisab kee galto asmatah akkele.

Yalli qaraanay qaxmeqe gino lei xiibite.

Diggah isin korosey Qhuraan kee Nabii caagidik sitta wayta maxcoh addat taniinimil xiibite.

Qhuraan kee Nabii 1 yaamineenimik daggaawime num daggawsimah.

Dirableelá abbarsinteh.

Usun koroosannuu kee toogimaaney ken tunxuqet aylahite mara amó xexxaarah.

Usun cisab kee galtoh ayró mawaqdiiy, iyyaanaah esseran anqasah.

Woh galtoh ayróy usun girai cararsimaana digaalah.

Tammoysa sin digaala! Ah teetik edde Qataatakak faxak sugteeni addunyal Keenik iyyan anqasah.

Diggah yallak meesita mari jannootaa kee daroorih addal yanin.

Ken Rabbi niqmootak keenih yeceem raabitak beetan, diggah usun wohuk duma meqe marah sugen addunyal sinni meqe taamal.

Tama mari barak xiinaanam keenik daguk sugte salat abak.

Kaadu maaci bar usun dambi cabti esserak sugen sinni Rabbil.

Kaadu ken maalut essera num kee wacarriyih esserewaa num maglab Íe.

Kaadu baaxol baxxaqqa Íe astootiy Yallih inkittinaanee kee qamal geyto tascasse tan Yallih inkittinaanel asmat Íe marah.

Kaadu sin nafsih ginot Yallih qamal geyto tascasse astooti tanik matablaanaa ?kas elle gcytoonuh.

Kaadu qaraanal sin rizqhii (quusi) kee elle xagnisinteenim tan galtoo kee digaalak.

Qaran kee baaxô Rabbi isi nafsil xiibite, nummah Usuk sin elle xagnisem numma kinniimil, tohul maagaywaagitina sinni yaabat kah agay waagite (shakkite) waytan innah.

Nabiyow Nabii Ibraahim qibinay konnabimé xaagi koo gufee?

Kay qari kaal culen waqdi, nagaynan kol yanay kaak iyyen, nagaynan siinil yanay isin igmon maraay nanu sin manaaxiga keenik iyye.

Tokkel isi buxah mará fanah gacca iyyeeh, gabul Íe beqra yusguudeeh solal hayyaheeh baahe.

Tokkel Kaa keenil xayyoyseeh, matakmaanaa keenik iyye?

Edde luk meesih diriggi keenik iyye maaqo akke waanam keenik yuble waqdi. Ma meesitin kaak iyyeeniih, ixxiga Íe awki kaah yaabaku waamal kaa aytikumusen (berrekisen).

Tokkel Kay barrá woh toobe waqdi qawitak temeeteeh, fooca isik tootokeeh, anu idaltô maxalayto kinniyok mannal xalaa itte?

Malayka: tonnah ku Rabbi iyye teetik itteh, diggaluk usuk naggaaray ixxiga li.

Nabii Ibraahim malaykak: sin caagid macaay ta rubsume maraw iyye?

Diggah nanu umeyniitih yan mará fanah rubsumne iyyen.

Xeetiy alayte kallak yani keenil qambisnuh.

Asta le xeetiy ku Rabbih xaqul umaanet caddok tatre marah massoysime kinni.

Tónna luk yalla nummayse marak tet addal (Nabii luut mcelah magaala kinnuk) sugtcm neyyeeqeh.

Tokkel tet addal muslimiin buxaaxik inki buxak sá buxa magennino. (woh Nabii luut buxa kinnuk).

Kaadu tet addal ken finqa tascassee asta cabne, qansaru Íe digaalak meesita marah. (moominiin kinnuk).

Kaadu Nabii Muusá maaqentat moominiinih yallih dudda tascassee asta tan, firqawnâ fanah baxxaqqa le sumaq kee astooti luk kaa rubne waqdi.

Edde luk firqawni iimaanat derre cabe isi qandel duquurutak, kaadu firqawni Muusak:usuk baab abeyna akkiiy, hinnay cabuli akki iyye.

Edde luk firqawnaa kee kay qande nibbixeeh digaalleeh, badat ken qidne, usuk Assacokkilem baahe numuh anuk koroositeenimih sabbatah.

Kaadu qaad deqsita marat yekke finqat eile kaskassoowa marah asta tan, ken finqah maxalaytuh yan caacayay kayri sinni keenit rubne waqdi.

Ama caacay elle amma iyyeemik hebeltohim (ulirn) macaba, ruminnah kaa hayya heeh cabah akke waytek.

Kaadu samuud deqsita marat yekke finqat eile kaskassoowa marah asta tan, sin finqah: yimixxige uddurú fanah hataká keenik iyyen waqdi.

Kaadu usun sinni Rabbih amrih cinat caddok tatreeniih, ken finqissa kakkaqó keenit radde usun intih abaluk.

Edde luk ugtaanaah kudaanam maduudinnon edde yanin digaalah sabbatah. kaadu sinni nafsi cata mara makkinnon.

Kaadu keenik duma Nabii Nuuc mara finqisneh, diggah usun Yallih amrik yewqe marah sugen.

Nanu qaran ninni maqaraay ninni qandet xisne, diggah nanu deraafek farakka kaa haam duuda marah anuk.

Kaadu baaxo fidisneeh, nanu maxxu meqe fidseynitte kinninoo.

Kaadu ummaan iimik sissin namma qaynat ginne, kassita mara takkeeni gidah Yallih qamal geyto.

Toysa sinaamey Yallih digaalak kay Racmatä fanah kuda kaa kee kay farmoyta nummassaanamal, anu diggaluk siinih kaa le kabuk baxxaqqa le meesiise (takkaawise) kinniyok.

Kaadu Yalla lih aka yallay taqbudeeni mahaysina, diggah anu siinih Yalla le kabuk baxxaqqa le meesiise (takkaawise) kinniyok.

Qhoreyshi isi Nabii Mucammadak baab abeyna hinnay cabuli kaak axcuk kaa kah dirabbosse innaah, keenik duma suge maral farmoytiitik hebeltô farmoyti mamatto, kaa dirabboysak baab abeyna hinnay cabuli kaak iyyeenih akke waytek.

Naharsi maraa kee wadirsi mari farmoyta dirabboysaanamal sitta maay farriimen inkih woh iyyen waqdi, aleey, wonna hinnay usun caddok tatre mara koroosannul.

Toysa derre keenit cab Nabiyow, atu yassacakkeenih qeemitan num hinnito, Koo edde rubne diini gudduysê kalah.

Kaadu kassis diggah kassis yalla nummaysa marah tu-xiqahak.

Kaadu jinnii kee seehada tuh maginniyyo, yoo yaqbudeenî gidih akke waytek.

Rizqhi (quusi) keenik mafaxaay, yoo yaskameenim keenik mafaxa.

Diggah Yalli usuk rizqhi yacayi, dudda-li kaxxa maqar-li.

Diggah tama korosuy isi nafsi Nabii Mucammad dirabbossaamat tudlume, keenik naharat sugte ken kataysis (koros kinnuk) digaalâ geyte maglabih innah yan maglab Ion digaalak, usun tokkel yi digaalat qataatake woonay (assexeere woonay) is keenih amaatelem raq malik.

Koroosite marah finqi yan, ken ayróy kah xagnisimeenit. (woh Qhiyaamah ayró).