Encyclopedia of Prophetic Hadiths

Tànnloo wu ñu Yonnente bi ci diggante ñaari mbir lu dul ne jël na ba ca gën a yomb, fii ak nekkul bàkkaar, bu nekkee bàkkaar la moo koy gën a sori ci nit ñi, te Yonnente Yàlla bi yal na ko Yàlla dolli xéewal ak mucc musul a fayyu ngir boppam lu dul ñu xotti wormay Yàlla, mu fayyu ko ngir Yàlla".

«yaw Yàlla sama Boroom képp ku méngoo dara ci sama mbiri xeet wii, ba noppi di tar ci ñoom, na nga tar ci kawam, waaye képp ku ménggoo dara ci sama mbiri xeet wii, daal di leen woyofalal, na nga ko woyofalal».

Yonnente Yàlla bi yal na ko Yàlla dolli xéewal ak mucc bu leen daan digal da leen di digal lu ñu àttan, ñi ne ko: nun melunu kem ni nga mel yaw Yonnente Yàlla bi, Yàlla jéggal na la li jiitu ci say bàkkaar ak li mujj, Yonnente bi yal na ko Yàlla dolli xéewal ak mucc daal di mer ba ñuy xam mer mi ci kanamam gi, topp mu ne: "ki leen gën a ragal Yàlla gën leen a xam Yàlla mooy man".

«aji-gëm ji jikkoom ju rafet danako may mu am darajay Aji-woor ak kiy taxaw di julli».

«def ndànk du am ci dara lu dul ne dana ko taaral, waaye du ñàkk ci dara it lu dul ne dana ko ñaawal».

"yàlla rëbb na Yahuud yi ak Nasaraan yi, ndax dañoo jàppe seen bàmmeeli Yonnente yi ay jàkka" nee na: bu dul woon loolu kon dinaa fésal bàmmeelam, waaye moom dafa ragal ñu jàppe ko jàkka.

«deesul julli fekk ñam wi daa teew, walla muy xëcconte ak ñaari sobe yi».

Hindu Bintu Utbata Soxnas Abuu Sufyaan dafa dugg ci Yonente bi ne ko yaw Yonnente Yàlla bi, Abuu Sufyaan de góor gu nay la, duma jox lu ma doy man ak samay doom lu dul xanaa ma jël ci alalam ci lu mu xamul, ndax damay am ci loolu bàkkaar? Yonente Yàlla bi yal na ko Yàlla dolli xéewal ak mucc ne ko: "jëlal ci alalam ci njekk lu la doy doy sa doom".