Encyclopedia of Prophetic Hadiths

Aw nit ci ngiiru Hukal walla Haraynata dañoo dugg Madiina Yonente bi yal na ko Yàlla dolli xéewal ak mucc digle ñu rattal leen, ak nu naan ci sawu gileem ak soowam mi, ñu dem, ba ñu wéree nag daal di ray ka doon sàmmal Yonente bi daal di wommat jur ga yóbb, xibaar bi egsi ci njëlbeenu bëccëg gi, mu yonnee ñu topp leen, ba bëccëg ga yëkkëtikoo ñu indi leen, mu digle ñu dagg seen loxo yi ak seen tànk yi, daal di buqi seen bët yi, ñu sànni leen ca tàngaay wa, ñuy sàkkoo naan te mayuñu leen ñu naan ba ñu dee, Abuu Xilaabata nee na: ñii sàcc nañu ray nañu daal di weddi ginnaaw ba ñu gëmee, daal di xeexak Yàlla ak ub yonnenteem.

"Kenn ci yéen du gëm, ndare mu bëggal mbokkam li mu bëggal boppam"

«Yàlla dana bëgg ci jaam bi bu lekkee aw ñam mu sant ko ca, bu naanee ag naan sant ko ca».

Maa doon nàndal nit ñi ci kër Abuu Talhata, seen sàngara si bis booba nekkoon lu ñu jaxase, Yonente Yàlla bi yal na ko Yàlla dolli xéewal ak mucc digal ab wootekat muy woote naan: yégleen ne sàngara araamal nañu ko, nee na: Abuu Talhata ne ma: génnal nga tuur ko, ma génn tuur ko, mu taa ci mbeddi Madiina yi, am ñenn ñu wax ne: am na ñu faatu te fekk sàngara moo ngi ca seen biir ya, Yàlla wàcce: {Du nekk bàkkaar ca ña gëm tey sellal seen i jëf, la ñu masoon a ñam} [Al-Maa-ida: 93] ba aaya bi jeex.

«yomballeen te buleen jafeel, bégleleen te buleen dàqaate».

Yonnente bi yal na ko Yàlla dolli xéewal ak mucc daan na raxas, walla daan na sangu ci Saah ba ci juróomi Mudd, (mooy ñaari loxoom bamu fees) daan jàppu ci benn Mudd.

"Àjjana amna ab maarse bu ñuy dem Àjjuma gu ne, ngelaw liy juge bëj-gànnaar daal di upp ñu dal ci seen kanam yi ak seen yére yi, ñu daal di gën a rafet gën a taaru, ñuy dellu ca seen njaboot ya fekk seen rafetaay ak seen taar yokk na, seen njaboot gi ne leen: giñ nanu ci Yàlla ne dangeen a gën a rafet gën a taaru, ñoom itam ñu ne leen: yéen itam giñ nanu ci Yàlla ne dangeen a gën a rafet sunu ginnaaw gën a taaru".

«ñaan deesu ko delloo ci diggante nodd ak liqaam».