Encyclopedia of Prophetic Hadiths

Dégg naa Yonnente Yàlla bi yal na ko Yàlla dolli xéewal ak mucc mu wax ne: "Yàlla mu baarkeel mi te kawe nee na: éey yaw doomu Aadama ji boo ma ñaanee yaakaar ma ma jéggal la ak lu man a nekk ci yaw te duma faale, yaw doomu Aadama say bàkkaar bu eggoon ca niiri asamaan si nga jéggalu ma kon dinaa la jéggal te duma faale dara, yaw doomu Aadama boo ma indiloon luy jege suuf si ci bàkkaar yu bari, nga daje ak man te bokkaalewóo ma ak dara dinaa la indil njéggal lu toll ni moom".

«amul kenn kuy def bàkkaar, jug daal di laab, daal di julli, daal di jéggalu Yàlla, lu dul ne Yàlla dina ko jéggal», mu daal di jàng aaya jii: {ak ña nga xam ne bu ñu defee ñaawteef mbaa ñu tooñ seen bopp dañuy tudd Yàlla daal di jéggalu seen bàkkaar} [ Aali-Imraan: 135].

"Yàlla du nelaw, te yellul ci moom muy nelaw, mooy yëkkëti ay balaas di ko wàcce, dees na yëkkëti jëfi guddi yi jëme ci moom laata jëfi bëccëg yi, ak jëfi bëccëg yi laata jëfi guddi yi, kiiraayam leer la -ñëw na ci geneen nettali: sawara la- bu ñu ko wuññi woon kon ceeñeeru kanamam gi dana lakk lépp lu gisam gi egg ci mbindeefam yi".

"jaayanteleen ak man ci ne dungeen bokkaale Yàlla ak dara, te dungeen sàcc, dungeen njaalo dungeen ray seen i doom, te dungeen indi aw duur wu ngeen di sos ci diggante seen loxo yi ak seen tànk yi, te dungeen ma moy ci njekk, ku matale kóllare gi ci yéen fayam ma nga fa Yàlla, ku def ci yooyu dara ñu mbugal ko ci àdduna loolu ag far la ñeel ko, ku def ci yooyu dara topp Yàlla suturaal ko kon ca Yàlla lay dellu, bu ko soobee mu baal ko bu ko soobee mu mbugal ko" nu jaayante ak moom ci loolu.

"moytuleen salte yii Yàlla tere, ku ca laal na suturawu ci surutas Yàlla, te tuub jëm ci Yàlla, ndaxte ku ñu wuññil ay bootam dananu teg ci moom Téereb Yàlla mu màgg mi"

«Yàlla mu màgg mi day tàllal loxoom ci guddi gi ngir ki doon def ñaawteef ci bëccëg gi tuub, di tàllal loxoom ci bëccëg gi ngir ki doon def ñaawteef ci guddi gi tuub, ba baa jant bi di fenke ci sowwu bi.